自上星期尾個女醒o左開始識笑識玩o下床鈴後, 湊佢忽然好似易o左少少, 因為佢多o左醒o既時間, 醒時除o左可以同佢玩, '了'佢笑外, 我仲多o左時間做o下o野, 唔使好似之前咁成日驚有o野嘈醒個女要成日坐係佢側邊防止佢訓訓o下喊!!
乖豬精神, 同乖豬玩變o左我同老公子o既節目!!
皺晒眉!
當然, 扭訓依然日日有...自從個女聲沙, 我就放棄train佢自己入睡, 而家我退而求其次, train佢拍就訓, 我發覺佢醒得耐玩到攰o既時候拍佢訓都太唔太難, 反而中間喊醒拍就難好多!!所以為免佢喊醒, 佢訓o左時我多數坐係佢側邊, 一見佢伸懶腰後扁嘴就狂拍佢, 總之佢未喊前就要'先下手為強', 拍佢多數都訓得番, 但如果佢一喊, 咁就一發不可收拾...總之呢, 佢訓覺時我就變o左無得休息, 只可以坐o係佢側邊打o下blog咁囉...haha!!!
另外, 今個星期個女間中食完奶2個鐘甚至有時個幾鐘就'疑似'扭食, 唔通大個o左食多o左?? 於是我就同老公子做實驗試佢食到幾多奶, 先開4安奶粉, 佢食到3安就唔食, 同一時間我就試o下乖豬平時食15-20min我pump到幾多奶, 結果頭6-7min就出到2安, 之後就出得慢d, 20min大約有2安半, 咁似乎係個女呢排食住訓每餐食太短食少o左所以早o左肚餓, 而唔係食多o左奶呢, 我要留意o下keep住個女每餐食夠30min先得!!!
夜奶方面, 由於我仲係feed on demand, 佢食奶時間唔係太fix, 最早佢試過食完9點o個餐就訓到深夜3點先再食 (可憐我都係12點幾先訓, waste o左佢訓咁耐o既時間無去休息!!), 有時10點半食完到5點先再食, 總之其實佢都似戒戒o地夜奶o架喇, 只係d時間唔太fix同唔太match我訓覺時間!!! 而且, 最慘係我呢個媽咪, 成日4點幾自己醒, 有時掉轉係我開燈見個女仲訓得好lum唔食奶覺得好失望, 因為橫掂我都醒o左嘛, 餵唔到奶好似好waste咁...
4條queen~~~如果真係有4個女,都幾horrible呢!!
2/7, 細佬&女友約媽咪去科學園飲茶, 我媽咪問我join唔join, haha, 有得出街喎, 當然join啦, 於是呢日我又瞞住男家靜雞雞帶個女出街...其實有我爸爸車出車入, 又有家人幫手, 帶個女出街都唔太難, hehe!! (不過呢, 我食到尾聲掛住講o野, 又試嘔o左啖水, 睇o黎我呢排食都係少d講o野唔好食咁多風入肚好d!)
飲完茶o係科學園周圍行下!!
呢個樣好得意, 好肉緊
乖豬猛咁周圍望, 好新奇
其實佢明明好眼訓, 但都睜大眼周圍睇, 仲好似好開心咁!!
同日夜晚, 我生o左後第一次自己煮晚餐, 雖然只係滾個魚湯煮米粉, 但咁耐無煮o野感覺竟然好開心, 可能覺得自己生活終於比較'正常'少少o卦...
7月5號, 我又靜雞雞帶個女出街, 媽咪陪我帶住乖豬落屋企附近o既商場食lunch同去超巿, 好開心呀, 乖豬有人全程抱住訓得好'lum', 我諗之後我都應該handle到自己一個人落o下街去o下超巿, yeah!!
今個星期開始覺得有d衫開始'短'喇!!睇下褲腳, 好短呢!!
乖豬識笑後, 仲多o左個扁嘴樣, 以前無呢個樣o架...試過有次我同老公子睇住佢扁嘴, 個樣好可憐, 於是佢成功喇, 令我o地即時抱起佢...haha!!!!
乖豬塞隻手入口o既'技術'越o黎越進步喇, 食o既時候好似吸毒咁...haha!!
訓覺樣, 難得咁平靜咁...
Koey好多表情好攪笑~~~ 希望你快D回復正常既生活啦, 我估到再過多一個月, 等佢有個timetable之後, 會更加好架啦~~
回覆刪除[SkyBlue回覆07/13/2011 15:35:00]係囉, 我仲未有個好fix o既timetable呢, 所以出街有時都要特登早d餵奶就番, 唔知到twiny個b滿月時, 我帶唔帶到koey去探佢呢!!
最鍾意佢瞓覺的樣。睇koey坐bb車，我的XS女真好好似仲細粒過koey,haha
回覆刪除[SkyBlue回覆07/13/2011 15:22:00]haha, 我見到cindy個仔d相又係覺得佢仔仔好似同koey差唔多大隻, 話唔埋遲d大家見面時三個不同月份出世o既b會差唔多size...
haha~!食手個樣似吸毒~~~ 我覺得佢地肚餓想食奶個時都好似吸毒
回覆刪除[SkyBlue回覆07/14/2011 15:12:00]係呀, 食奶都係呢, 好快就會到反白眼!!!
遲來的恭喜呀~!! 因為我實在太耐冇打blog、冇睇blog喇... 眼仔碌碌0既bb女好可愛呢~~!!
回覆刪除[SkyBlue回覆07/14/2011 15:37:00]多謝你呀!!!你幾時追番個女呀, hehe!!
"佢訓覺時我就變o左無得休息"--> 好少媽媽會咁...haha
回覆刪除你bb 都乖啦, 都瞓得算長時間, 可憐我果時一日分4次, 每次瞓 1 小時/////
你好叻, 我到而家都仲係好少帶bb 出街.
[SkyBlue回覆07/14/2011 15:38:00]係呀, 佢夜晚的確訓得幾好o架, 但朝早就訓得好差, 拍o左佢 訓, 轉頭唔夠15min又喊醒...所以朝早佢訓覺我反而要留守係佢側邊...好麻煩呢!!!
She's so cute!!
回覆刪除May I ask if u r using網牀instead of wood?
I also want from chicco but someone said not hard enough for baby, how u think?
[SkyBlue回覆07/15/2011 17:04:00]我兩樣都有, 木床係睡房用, 網床係廳用!!網床的確無咁實, 有少少搖, 初生b訓時有時自己郁都會郁到張床搖, 嚇一嚇咁囉, 但用o左米袋同佢大個d就無乜呢個問題喇!! 我係online shop買叫做babytrend o既網床, 又平又多位放o野, 幾好!!