今個星期乖豬開始'愛上'我呢個媽咪喇!!無錯呀, 唔止'認得',簡直就係'愛上'我!!
無論食奶, 抱定係同佢玩, 佢都多o左眼甘甘咁望實我!! 同佢玩時o既笑變得好甜, 玩玩下我走開會即刻叫或喊幾下, 好似搵媽咪咁!! 扭眼訓喊緊見我走埋去拍佢, 佢又會無啦啦唔喊望實我, 嘴角仲好似有少少笑, 似乎見到我覺得好心安咁...總之佢無時無刻都望到我實一實, 有時望到我都唔知點回應佢好咁, 但又覺得好心甜喎, hehe!!!
7/8:
今日第一次o係無我爸媽幫助下帶乖豬出城探只得半個月大o既bb...因為朋友有車, 所以今次出城無咩難度, hehe, 真係麻煩晒朋友呢!!!
我o地11點幾去到, 雖然我一早預計自己見到朋友o既半個月大仔仔會覺得好細粒, 但見到真b時真係忍唔住覺得好細粒...最最最大感慨係, 其實2個半月前乖豬都係咁細粒o架, 但原來我己經對咁細粒o既乖豬無乜印象喇...bb真係大得好快, 真係要幫乖豬影多d相留住每一刻先得!!
只有半個月大o既bb仔!!抱慣乖豬覺得bb仔好輕呀!!
bb仔好似佢爸爸, 一樣樣咁!!!
大中小bb眼神一至咁望住我老公子!!
大合照!
幾位媽媽相遇, 當然係講生仔同湊仔經...雖然大家中學時未必係好close o既朋友, 但因為結婚生仔, 差唔多時候踏進人生另一階段而增多話題, 變得更close, 有時都覺得咁樣幾開心, 幾神奇!!
希望小bb快高長大, 聽教易湊啦!! (bb真係大得好快, 好快bb識笑識同你交流你就唔會覺得咁辛苦o架喇, 加油!!)
下午奶奶上o黎, 到下午5點幾一齊落o左樓下公園仔行o左陣等乖豬吸下新鮮空氣 (因為奶奶成日話我開冷氣, 怕bb無新鮮空氣!!), 咁o岩撞到另一個bb, 一傾之下真係有緣, 原來人o地個bb都係5月20號出世, 都係女仔, 只不過人o地係孖女o既其中一個, 所以望落輕磅d細粒d!! 由於今日忙於'應酬', 乖豬超級支力, 結果奶奶走後唔使5分鐘, 乖豬叫都無叫就自己係床訓o左...陰公...一定好支力喇!!
另外, 今日其實係老公子牛一, 但我又係乜都無預備, 晚飯都係求其煮...希望老公子唔好介意啦!!期待老公子請生日假之後放低乖豬兩個人出去拍拖再補番數!!
爸爸生日快樂!!
8/8:
今日我又出動去探bb, 本來今次係我真正第一次一個人帶乖豬出街街, 但因為天雨關係, 我媽怕我唔掂, 都係忍唔住陪我一齊坐火車到沙田, 而我只需要一個人坐巴士到朋友屋企, 走時我爸又話放工車埋我, 結果...今日都唔多算'自己帶乖豬出街'...hehe!!!
我同朋友差唔多時間到達,一去到就放低三個b排排訓係床仔影相, 好得意呀, 三個b雖然不同月份出世, 但size差唔多...不過,只得個半月大o既bb仔始終係最細個, 佢o既喊聲明顥同兩個bb女好唔同, 仲係好'初生'喊聲咁, 好得意!!
三個b齊齊望床鈴!!我乖豬最鍾意兩手張開, 最'ar jar', haha!!
大家估到邊個最大邊個最細嗎?
交換抱b!
hi, 我o地又見面喇!!
time flies, 大肚張相只係半年前影, 估唔到眨下眼變化咁大!!
我o地三個'奶媽'輪住餵奶抱b tum bb訓, 好忙, 而我呢隻乖豬又試邊食邊去...搞到我個身都污漕埋, 好彩唔算太大撻咋...真係搞著我呢個媽媽...要打乖豬pat pat!!!
9/8:
今日我又帶乖豬番娘家, 而家我媽咪己經無再日日上o黎我屋企幫乖豬沖涼喇, 其實我知我媽日日上o黎好支力好辛苦o架(我媽身體其實麻麻地...), 所以而家乖豬大o左易湊o左, 我又一早坐完月, 同乖豬沖涼同埋我自己餐lunch開始俾番我自己搞掂, 我媽就可以間中休息下同抽番時間去探我開始有老人病o既婆婆!!!
雖然媽咪上少o左o黎, 但我知佢其實好掛住乖豬, 而我日日係屋企都悶, 所以掉番轉, 而家我希望可以個個星期抱乖豬番我媽度, 等佢可以舒舒服服湊外孫, 而我又可以乘機癡下媽咪, 同媽咪傾計, 一舉兩得, hehe!!
10/8:
婚後, 我同老公子一向只係afford到一星期先抹一次地, 其實我o地都覺得咁樣唔多乾淨, 只係大家平日都要番工, 時間唔許可, 所以先唯有咁'污漕'...而家, 乖豬出o左世, 屋企真係要keep番乾淨d,唔可以再咁懶, 所以我呢個ftm開始唔懶得喇, 要勤力d做番d'粗重'o野, 好似抹地抹櫃同燙衫咁, 基本上都唔太難handle, 最大挑戰只係要襯乖豬清醒時先做得咁解, 唔係怕ping ping pang pang太嘈嘈醒乖豬就麻煩!!
本周精選相:
望住鏡頭都笑得咁甜!!
疑似雙手互握!!
引乖豬大笑o既係grandpa...其實呢個圓面笑樣, 同grandpa都幾似!!!
著靚衫去grandma屋企, 但呢個髮型太punk, 唔襯件衫添, haha!!!
你同Agnes都好叻呀~~自己帶住bb出街
回覆刪除[SkyBlue回覆08/12/2011 10:18:00]我仲未算真正自己帶呢, 要多d練習下先得!!
一個人湊真係好辛苦架, 加油呀~~~ 其實我一直想問, 你而家買餸點買？係咪一次過買幾日餸？如果帶埋BB去實好辛苦......
回覆刪除[SkyBlue回覆08/12/2011 10:20:00]星期六就會一次過埋多d, 預埋星期一/二o既餸!!平日其實仲係好靠我媽咪幫我買, 你知啦, 火車站個百佳無乜買, 去街巿又怕帶住bb污漕喎...
個頭真係好punk呀，好搞笑。呢家出街都方便，我諗遲d食固體仲多野帶呢~
回覆刪除[SkyBlue回覆08/12/2011 10:21:00]個頭就係搽完olive oil後洗唔淨o既gel頭效果... 咁又係, 到時又要帶碗筷又要帶熱水...
Koey越大越靚女呀! 三個bb之中係咪Koey最大呀? 佢明顯高好多喎~
回覆刪除[SkyBlue回覆08/12/2011 10:22:00]thanks呀!!!唔係呀, koey係中間大, 但佢個頭係最大o既, haha!!!
真係笑得好甜呀~~
回覆刪除[SkyBlue回覆08/13/2011 19:54:00]thanks ar~~~~睇見佢笑真係好開心!!
三個bb都差唔多大,再大d就可以一齊玩,真好~~
回覆刪除[SkyBlue回覆08/13/2011 19:54:00]係呀, 大d可以自組playgroup, haha!!
koey愈大愈靚～對眼好精靈啊！koey再大少少你又再熟手少少，一定manage到自己帶佢出街ge！
回覆刪除[SkyBlue回覆08/13/2011 19:58:00]多謝呀, 雙眼皮終於出現, hehe!!! 係呀, 等佢頸仔硬d穩陣d, 相信就係我可以放心出街o既時候喇!!
好多bb, 好開心!!! 哈哈~ 第時再大少少, 又可以一齊玩~~
回覆刪除[SkyBlue回覆08/15/2011 10:06:00]係呀, 到時大家會行會走時一定好好玩!!
koey愈來靚省鏡同真係好似你細個個樣呀, so magic.
回覆刪除[SkyBlue回覆08/16/2011 14:23:00]haha, thanks ar, 聽到人話似我我都好開心!!! (mimi都好似你呢!!!) 不過奶奶就成日話koey似爸爸...我媽就猛話koey似我, 真係各有各睇法...hahahaha!!!!
koey又靚女左€
回覆刪除３個b好熱鬧呀，呢期個月間真係大得好快
[SkyBlue回覆08/18/2011 10:30:00]係呀, 我都覺大得好快, 頭兩個月成日想佢快d大, 但而家真係有少少覺得, 唔好大咁快好d...haha!!
Ｋｏｅｙ真係越黎越得意呀！！
回覆刪除我都贊成識多Ｄ朋友仔呀，大家一齊成長，一齊玩，真係好開心架！！
[SkyBlue回覆08/18/2011 10:31:00]thanks!!!! 係呀, 第二時過時過節出o黎玩一定好熱鬧好開心!!
你個伴娘生了BB!
回覆刪除你都叻啦! 出了咁多次街, 我到而家都未試過一個人帶佢搭車....
[SkyBlue回覆08/24/2011 12:40:00]haha, no ar, the baby boy is from another firend, not my 伴娘 la!!! you should add oil and bring your baby out more la, she must enjoy that!!!
咁多朋友的 BB 都差唔多大, 可以一齊玩好開心呀
回覆刪除[SkyBlue回覆08/24/2011 12:40:00]yes, can arrange a little playgroup later when they grow up!!!