乖豬會爬了!!

First Taste of Apple

第二十七周 (18/11 - 24/11): 乖豬半歲大個女喇!!

自上星期乖豬失常o左幾日後, 今個星期唔知係咪半歲大個女, 乖豬又變番'乖'喇!!!

發展方面, 今個星期乖豬同我溝通又好o左, 基本上我覺得佢都明明o地我講乜, 成日boo口水, 抱佢去鏡前會成日打鏡, 趴係床就開始識伸手搭上床欄上面, 坐亦穩o左, 唔使扶都坐到好一陣, 不過就會越彎越前, 好似就快摺埋個人仔咁!!最後就係有少少向到前爬喇, 膝頭識少少屈, 乖豬見到想要o既相標就會打側個身再趴番起, 因為佢知咁樣會郁到少少向前呢!!!

另外, 唔知係咪boo得多, 佢今個星期開始出現'ba' , 'ma' o既發音喇!!!

boo口水!!!

至於出牙方面, 乖豬今個星期雖然乖o左, 但就開始用牙床咬我, 都幾有力o架, 好彩仲未係好痛, 仲忍到!!!

另外仲有個驚喜, 就係乖豬佢無啦啦自動戒食手指!!! 雖然佢一早就已經開始伸手想拎呢樣o個樣o野, 都少o左食手, 但之前訓覺都仲係一定要食, 點知剛滿半歲就無啦啦唔食, 玩到眼訓只需要我拍幾拍佢就自己訓, 超級合作, 真係估佢唔到, 而我亦唔使再擔心佢戒唔甩食手呢個習慣喇!!!

最後, 訓覺方面亦好o左, 唔知係天氣涼o左舒服o左, 定係佢大個o左, 佢而家多數晏覺可以訓到個半鐘, 唔再好似以前45min就醒!!呢樣我真係好開心, 訓得好先長肉嘛而佢訓耐d我呢個媽咪又可以free耐d, 大家都好!!!...不過呢, 訓得女只限係屋企咋, 佢出街多數都唔願訓, 試過一日訓得三場每場半小時o既午睡咋, 有時真係我怕佢唔夠訓多過佢真係唔夠訓呢!!!

20/11: 今日乖豬半歲喇!!咁o岩姑仔約o左 我地同佢影畢業相, 我o地一家三口就順道o係海濱公園影下合照當慶祝!! 不過乖豬去到公園好快扭訓, 全程都要我抱住先唔喊, 搞到6299姑仔抱親影o既相都係喊相!!!而我亦因為抱足佢全程所以超攰!!!

(P.S. 是日99繼續唔理乖豬大喊, 上演強搶乖豬一幕...!!!)

夜晚我同老公子買o左個Mini-cake同乖豬慶祝半歲生日!!!

半歲女喇, 個樣都好似老積o左!!!

22/11: 今日去健康院!!

乖豬半歲成績: 體重6.56kg (14磅9安, 10%), 仲以為佢夠15磅添...變o左輕磅BB, 希望開始食固體後會肥番d啦!!!身高67.5cm (自己度, 約80%)!! 打完三支針後微燒, 第一次要食退燒藥, 夜晚仲訓o左兩次, 可能發燒唔舒服啦, 好彩第二朝無燒喇!!!

知道乖豬咁輕我有d失望o架, 不過呢幾日開始餵乖豬食粥, 見佢好擒青咁食先無咁擔心, 似乎佢都幾為食, 希望佢食o左固體食物後可以重番啦!!!

另外, 今日第一次俾蘋果乖豬食, 好彩一早set定機影低, 佢個樣好搞笑!!!



今周其他精選相片:

grandma買俾乖豬o既新朋友仔!!! (唔知點解而家好難買到布公仔???)

purple lady~

為食豬o既猴擒食相:

污嘴狗!!!

有得食未呀??

第二十六周 (11/11 - 17/11): 乖豬失常了??!!

今個星期乖豬有d '唔正常'...其實...可能只係佢越大越惡死都未定...!!!

首先就係訓得差...其實上星期有幾日天氣涼o左, 其中一日乖豬訓得好好, 有兩場覺都訓到超過個半鐘, 點知今個星期有日訓得好差, 連平時o既45min都訓唔到, 半個鐘就醒!!! 因為訓唔夠, 心情梗係麻麻啦!!! 之後又有一日下午出o左街, 佢過晒平時訓覺時間完全無訓過, 番到屋企諗住佢訓番耐D啦, 點知又係半個鐘就醒...唉, 其實見佢訓咁少我都幾擔心, 成日想佢訓耐D!!!

之後又有一日佢由朝到晚都心情好差咁, 就算訓醒都係笑一兩下, 之後就無時無刻一見我行開就喊, 仲要係喊得好惡, 係都要我抱咁, 好癡身, 完全唔知發生乜事, 搞到我o個日好辛苦, 想夜晚煮個飯都要放佢係車度推埋佢入廚房望到我先得!!!

另外, 就係夜晚o個覺, 仲好記得乖豬頭三個月呢一覺都好乖o架, 呢一覺完全唔使人抱唔使喊多數自已訓著, 估唔到而家呢一覺越o黎越惡搞!!!之前呢覺一直係我餵完佢直接訓, 但唔知係咪越大越心野, 而家佢係就係好早(9PM)扭訓扭食奶, 但次次餵完佢係咪係訓o左, 但我一甩開佢嘴又或者一抱番佢落床佢就好易醒, 本來咁咪再餵過都可以o既, 但呢排佢開始用牙床咬我, 俾佢食得耐都幾痛, 為免同佢作戰太耐, 我多o左抱佢訓, 不過都唔太順利, 因為放低佢無耐如果佢醒左見唔係我抱緊就一定喊, 仲要好惡一定要我抱...唉...咁抱法都唔係太對路!!!

以上種種行為, 令我不得不懷疑乖豬係咪作出牙...因為d人話出牙會特別扭計特別癡身...唔知要'au' 幾耐乖豬d牙先出呢...希望佢唔好繼續咁'失常'就好喇!!

除o左以上情形之外, 乖豬一爛反起上o黎就笑得好開心, 如果佢可以多d keep住呢副好心情就好喇!!!

12/11: 老公子個姨媽o黎探乖豬!!! 呢個姨媽一直無o黎係因為佢個孫都係同乖豬同一日出世, 所以佢忙於湊孫分身不暇!!

乖豬心情好靚, 見到姨婆仲勁笑, 好似好鍾意佢咁!!!

我同佢玩紗巾, 求其fing fing o下就笑成咁!! 如果平日我湊佢都咁好心情就好!!!

16/11: 之前facebook join o左個活動有得試用Organic尿布, 今日終於收到喇, 不過唔多明點用!!!同埋塊布都幾厚, 呢幾日又落雨潮濕, 都唔係好想俾乖豬用, 怕焗住!!

個貓頭鷹公仔好得意!!!

是晚乖豬無啦啦'咪'起個嘴仔, 第一次見咋, 之後就成晚係咁整, 個樣好得意!!!

其他精選相:

訓覺樣, 好醜怪呢, haha!!!

第二十五周 (4/11 - 10/11): 係咪開始要教育乖豬??!!

原來真係無錯, BB到近半歲發展真係快過之前好多好多!!!

今個星期乖豬明顯百厭o左, 爛反o左, 而家去到陌生地方(朋友或四大長老家)都無乜認地方大喊, 相反仲因為周圍d o野好新奇又有人同佢玩而勁笑勁開心!!!

雖然乖豬笑多o左的確tum到好多人開心, 但係惡起上o黎亦唔係人咁品, 佢一喊就基本上得兩個solution, 就係同佢玩引開佢注意力等佢笑, 又或者俾番我抱!!!

引開佢注意力呢招有時都work, 但只限佢唔係太眼訓時, 如果佢眼訓就真係喊得好惡, 任你之前同佢玩得幾happy都唔肯俾你抱, 交番到我手先止到咳, 我老公子抱都無乜用!!!其實我見到佢咁我都幾開心, 因為佢咁o既表現同之前認生保唔同, 佢唔係因為唔認得人而喊, 而似係佢'想媽媽'而喊呢!!!

5/11: 第日一家三口出沙田行街, 帶o左乖豬去Snoopy land影相, 點知天氣勁熱, 乖豬出到室外就發脾氣影唔到相!!! 而家諗番, 原來我生日o個日乖豬雖然影相唔笑, 但全程無扭計任影相係好合作o架喇!!

6/11: 下午同老爺奶奶飲茶, 開頭坐住車車乖豬都對住麻麻笑幾開心, 但爺爺麻麻一抱就發long lai勁喊, 喊到成間酒樓D人都望住我o地咁滯, 惡到飛起!! 奶奶見抱唔掂俾番我, 乖豬一到我手就收聲, 點知奶奶唔心息, 即刻又話要抱過, 好快咁係我手中搶o左乖豬走!!!

乖豬呢頭先要番媽媽, o個頭又被搶走, 咁當然又大喊啦!!!點知奶奶越抱佢越遠, 行得好快, 我估佢係唔想乖豬見到我扭我抱, 同埋想試圖行街引開佢注意力啦...

好彩, 無錯, 我話好彩, 好彩乖豬好醒繼續大喊, 無錯, 係好醒, 因為我當刻真係覺得奶奶好似'老笠'o左我個女囉...其實肉緊個孫都唔使咁猴禽嘛!!!

7/11: 今日抱乖豬入屯門探Jenny同佢囡囡康晴!!!乖豬開頭心情普通, 間中會喊下, 但比之前去人地屋企算合作喇!!

食完奶乖豬同康晴一齊訓o左陣覺, 我仲拍低o左佢o地一齊啜嘴o既情形, 好得意!!!

可能始終係陌生環境, 乖豬好快嘈醒左認地方唔再訓, 不過都好彩, 佢之後好乖, 好自在咁係康晴張playmat度玩, 仲越玩越開心, 自言自語同笑, 我都係第一次見佢去人地屋企玩心情靚成咁, Jenny話康晴都一樣, 心情好靚, 或者BB們知道媽咪同朋友傾計開心, 佢o地自然玩得開心!!

8/11: 今日去探仲有一個月左右就生得o既好友Wendy, 佢個肚唔係太大咋, 好fit呢!!! 之前睇佢貼上facebook d相見到佢腳勁腫都有d擔心, 但呢日見佢無腫, 行動自如, 都幾好狀態咁呢!!

今日乖豬繼續心情勁靚, 令我更肯定佢又大個左唔怕生保地方同埋開始貪玩, 成日笑笑口!!

呢日下午落好大雨, 最後我要留到6點幾等我爸車我走先得, 加上我老公子臨時甩我底話唔番o黎食,所以我臨時番我媽度食飯呢!!

10/11: 今晚抱乖豬番奶奶屋企dinner, 乖豬之前無乜點訓, 仲估佢會心情麻麻, 點知相反呢, 佢心情好到不得了, 仲笑晒, 老爺奶奶佢地好開心, 因為佢地應該都係第一次見乖豬笑得咁開心!!

食完飯奶奶抱乖豬玩, 拎住個大Hello Kitty公仔無啦啦拎住乖豬隻手拍落公仔度, 話'打打打', 之後姑仔又加把口, 話Kitty曳, 打打打, 乖豬笑到咭咭聲, 又用手拍公仔, 好么開心!!!

我第一時間已經出聲, 話應該教佢鍚公仔, 摸公仔斯文d, 點知因為乖豬笑晒, 奶奶姑仔並無因為我出聲而停止, 仲不斷'打打打'...

離開奶奶家後我同老公子講覺得奶奶咁樣做唔好, 因為乖豬仲細, 未識分辨是非, 我覺得係佢未明道理前唔應該俾佢接收到d唔o岩o既訊息, 就好似今次咁, 個公仔咁得意, 點解唔係教佢鍚公仔摸公仔, 而係立亂話公仔曳, 然後就打佢!!! 就算公仔真係曳, 都唔應該'打', 用'拍'字會唔會好d...仲有就算要'拍', '拍波打球'點都好過打公仔!!!

老公子雖然都認同, 但佢份人無我咁緊張, 佢覺得好少事無乜問題...

番到屋企我又忙餵奶搞乖豬訓 (呢幾日乖豬好醒訓, 明明9點幾已經餵到佢訓左, 但一抱佢上床就醒, 仲要醒左唔願訓, 之前一晚仲要12點先訓!!), 我都唔記得件事...點知...

深夜4點乖豬無啦啦喊醒, 仲要抱極都喊, 最後餵奶先止到!! 自乖豬個幾月戒夜奶後都係第一次餵夜奶咋, 我媽話佢手腳凍可能係凍醒, 唉...我個腦之後就不斷諗'打打打'呢件事, 係度諗應唔應該打去同奶奶講我覺得咁有問題...但又怕佢又以為我對佢不敬鬧番我...另一方面又擔心唔講奶奶之後一定仲有無數我睇唔過睇o既反面教材會出現, 怕乖豬一朝學壞...

就係咁, 我就訓唔著到天光, 眼訓加上忽然覺得教育乖豬真係幾大責任, 我竟然忍唔住喊!!! 襯老公子就起身番工叫醒佢話佢知我因為咁訓唔著, 老公子就話奶奶都係第一次咁o者, 唔使出聲住!! 之後老公子出左門口我餵乖豬先訓得番一陣...

第二日中午, 本來約o左我媽出街, 但太攰喇, 所以媽咪上o黎, 我忍唔住問我媽, 佢一聽到'打打打'就即刻話咁樣真係唔好, 不過佢覺得唔使出聲話奶奶, 自己之後教番乖豬就OK...

聽完我媽講後我個人先真正放鬆左少少...因為我就係我媽悉心教出o黎, 自問我都算係一個'好'人, 所以我對我媽o既教導方針好有信心!!既然我媽都話之後教番乖豬就得, 我應該要信!!!

雖然我無再為呢件小事煩惱, 但我知呢個只係開始!!!

唉...咁小事我已經自製壓力, 幾時先得教大個女...都唔知自己將來面對乖豬四周無數o既反面教材會唔會發癲!!

============================================================================================

今周其他相:

天氣轉涼, 冬裝出場!!

坐到少少喇!!

第二十四周 (28/10 - 3/11): 同媽媽過生日!

今個星期乖豬開始對周邊事物好有興趣, 去到邊都手伸伸要拎o黎研究拎o黎食呢!!

另外今個星期win o左個尿布試用, good, 乖豬要試下做環保BB!!

28/10: 今日老公子請o左假...同個女睇醫生...!!!

haha, 其實唔係咁大陣仗o既, 只係咁o岩我屋企人去o左旅行, 老公話佢有好多假剩, 咁我咪叫佢放假陪我囉...點知咁o岩個女隻手紅o左好多日唔好, 咁老公子o既放假節目就變o左陪個女睇醫生喇!!

由於怕個女惹到病,所以由我老公子等叫名我先同個女入診所, 呢個醫生都幾好, 唔怪得咁多小朋友睇佢...雖然個女睇隻手o者, 但醫生都有檢查佢耳仔口仔同摸心口, 乖豬勁乖眼碌碌任醫生'mo', 真係估唔到呢!!

番到屋企搽濕疹膏隻手好快唔紅, 雖然咁就二百幾, 但都值o既~~

....

下午, 好友Brian同佢太太仲有Percy同佢個仔一一上o黎同乖豬玩!!

一一無時停, 好得意~

29/10: 今晚一班好姊妹幫已經成為媽咪級o既我同珍妮慶祝生日!!我都係第一次無四大長老下帶乖豬出夜街咋!!乖豬今晚都算合作, 至少一去到都肯俾人任抱, 係後尾先開始扭計喊下咁, 有老公子幫手, 都食到o野, haha!

康晴好乖, 但乖豬就係咁喊~

番到屋企笑晒~

30/10: 今日同老公子帶乖豬落會所影下Halloween相同俾乖豬試下親親大自然玩下花草!!

會所好有Halloween氣氛~

Spider Koey~~

玩下花草

第一次去會所遊戲室

飲粥水~

2/11: 今年係我成為媽媽後o既第一個生日, 能夠一家三口出o下街影o下相感覺真係好幸福, 雖然眨o下眼呢日就完o左, 但而家回想番仲係覺得好回味, 有d似細個去完旅行唔捨得, 會第二日睇住個鐘諗番起之前一日同一時間做緊乜, 好掛住o既感覺!!

Details please visit: http://blog.yahoo.com/_6TYZZHOB6SEXAZMYPUL6VSBCKI/articles/154405/index

Other pictures of this week:

Happy Halloween~

Play the Piano~~

成為媽媽後第一個生

今年係我成為媽媽後o既第一個生日, 能夠一家三口出o下街影o下相感覺真係好幸福, 雖然眨o下眼呢日就完o左, 但而家回想番仲係覺得好回味, 有d似細個去完旅行唔捨得, 會第二日睇住個鐘諗番起之前一日同一時間做緊乜, 好掛住o既感覺!!

====================================================================

呢日老公子請o左假陪我過生日!由於要就住餵人奶, 所以一早我已經諗定近近o地, 去大學站o個間酒店食buffet之後就o係附近影o下相!!點知生日前幾日打去酒店問有無地方俾我餵奶, 酒店竟然話無, 仲要係連換片o既育嬰間都無, 要餵只係得廁所...

咁o既service唔要得啦, 於是我同老公子就改變計劃, 改去金鐘側邊商場就有育嬰間o既萬豪食buffet!!

今日唯一一張乖豬笑住同我影o既相...haha...諗住送o黎賀媽媽生日吧?

haha, 我生o左女/乖豬出世後都係第一次過海咋~

乖豬坐坐下巴士訓o左幾個字好快就醒, 但佢好合作, 我同老公子食buffet其間只係喊o左一陣, 其餘時間都不斷eeoo笑笑口, 真抵鍚, 但可惜影親合照就唔笑, 張張相都o係度發呆咁!!

乖豬第一次坐highchair~

心情真係好靚~~

乖豬:爸媽食buffet, 我食粥水~

酒店送o既apple pie cake~

what a pity...震左...

what a pity...震左too...

牛咁眼望實D火!!

食完buffet我o地就去Pacific Place餵奶, 呢個育嬰室都幾大幾靚, 但就無sofa, 都係K11 o個個有sofa坐得舒服d!!

餵完乖豬我o地就去香港公園影相!!今日陽光好好呀, 有少少熱, 雖然乖豬合照時唔笑, 但都總算唔扭計, 好俾面!!!

我好鍾意呢張相...但out focus左...what a pity...

似唔似一個公仔?

腳踼踼~

影完相睇完雀仔差唔多4點幾, 唔好話乖豬, 我同老公子都好攰喇, 係時候走lu~

是晚我o地仲要番我媽同我家人慶祝我生日, 但我同我老公子都勁勁勁攰...唔知係咪我太耐無俾太陽曬過定太耐無o係戶外玩咁耐呢, 我真係攰到腦都function唔到咁...所以夜晚唔係太好mood呢...下次如果再出咁耐街, 夜晚都係好好留番係屋企休息好d...

乖豬呢張相好似老公子呀!!

最後, 我同老公子為o左要幫乖豬沖涼訓覺而趕住走, 我當然要服侍埋個女先有得沖涼休息...點知呢晚乖豬勁曳(可能出街玩得太耐), 搞到近12點先訓, 搞到我呢個生日就o係勁攰中完o左...

anyway...雖然今個生日o既尾聲真係攰到想喊...但睇番今日影o既相就覺得好值得!!!

原來...一家三口出街o既感覺真係好幸福o架!!