發展方面, 今個星期乖豬同我溝通又好o左, 基本上我覺得佢都明明o地我講乜, 成日boo口水, 抱佢去鏡前會成日打鏡, 趴係床就開始識伸手搭上床欄上面, 坐亦穩o左, 唔使扶都坐到好一陣, 不過就會越彎越前, 好似就快摺埋個人仔咁!!最後就係有少少向到前爬喇, 膝頭識少少屈, 乖豬見到想要o既相標就會打側個身再趴番起, 因為佢知咁樣會郁到少少向前呢!!!
boo口水!!!
至於出牙方面, 乖豬今個星期雖然乖o左, 但就開始用牙床咬我, 都幾有力o架, 好彩仲未係好痛, 仲忍到!!!
另外仲有個驚喜, 就係乖豬佢無啦啦自動戒食手指!!! 雖然佢一早就已經開始伸手想拎呢樣o個樣o野, 都少o左食手, 但之前訓覺都仲係一定要食, 點知剛滿半歲就無啦啦唔食, 玩到眼訓只需要我拍幾拍佢就自己訓, 超級合作, 真係估佢唔到, 而我亦唔使再擔心佢戒唔甩食手呢個習慣喇!!!
最後, 訓覺方面亦好o左, 唔知係天氣涼o左舒服o左, 定係佢大個o左, 佢而家多數晏覺可以訓到個半鐘, 唔再好似以前45min就醒!!呢樣我真係好開心, 訓得好先長肉嘛而佢訓耐d我呢個媽咪又可以free耐d, 大家都好!!!...不過呢, 訓得女只限係屋企咋, 佢出街多數都唔願訓, 試過一日訓得三場每場半小時o既午睡咋, 有時真係我怕佢唔夠訓多過佢真係唔夠訓呢!!!
20/11: 今日乖豬半歲喇!!咁o岩姑仔約o左 我地同佢影畢業相, 我o地一家三口就順道o係海濱公園影下合照當慶祝!! 不過乖豬去到公園好快扭訓, 全程都要我抱住先唔喊, 搞到6299姑仔抱親影o既相都係喊相!!!而我亦因為抱足佢全程所以超攰!!!
(P.S. 是日99繼續唔理乖豬大喊, 上演強搶乖豬一幕...!!!)
夜晚我同老公子買o左個Mini-cake同乖豬慶祝半歲生日!!!
半歲女喇, 個樣都好似老積o左!!!
22/11: 今日去健康院!!
乖豬半歲成績: 體重6.56kg (14磅9安, 10%), 仲以為佢夠15磅添...變o左輕磅BB, 希望開始食固體後會肥番d啦!!!身高67.5cm (自己度, 約80%)!! 打完三支針後微燒, 第一次要食退燒藥, 夜晚仲訓o左兩次, 可能發燒唔舒服啦, 好彩第二朝無燒喇!!!
知道乖豬咁輕我有d失望o架, 不過呢幾日開始餵乖豬食粥, 見佢好擒青咁食先無咁擔心, 似乎佢都幾為食, 希望佢食o左固體食物後可以重番啦!!!
另外, 今日第一次俾蘋果乖豬食, 好彩一早set定機影低, 佢個樣好搞笑!!!
今周其他精選相片:
grandma買俾乖豬o既新朋友仔!!! (唔知點解而家好難買到布公仔???)
purple lady~
為食豬o既猴擒食相:
污嘴狗!!!
有得食未呀??
HI Feon!!! 好耐無見啦~~~
回覆刪除睇你囡囡D 相又唔似咁輕磅VO~~~ 不過你一個人湊... 真係好叻~~!!! 繼續加油AR!!! KEEP BLOGGING!!!
[版主回覆12/01/2011 10:10:28]係呀, 好耐無見喇!!! 我都努力追緊你d post, haha!!!! keep in touch!!!
終於可以關注你喇!! yeah~ 你既乖豬真係好黐你呀! 又鍾意食野...真係冇改錯名, 好乖乖呢~ 佢可以做埋bb model添!
回覆刪除[版主回覆12/02/2011 10:48:14]呢個係我另一個blog o黎, 本來o個個upgrade完後壞左, 而家暫時係呢邊寫住先...不過我都同好多blog友失散o左lu...慘!!!!
haha, 係呀, 乖豬真係為食鬼一名, HAHA!!!
Didn't know that you've kept writing here, and it's sooooo good to see you back to blogging!!!!! Every time when I see your 乖豬, I'll imagine how my time with my little one will be in just a few months time... so wanna skip all the hard/painful work to jump into your stage now, wahaha!!!!
回覆刪除[版主回覆12/02/2011 20:05:07]yup, actually this blog is older than my wedding blog, lucky that this acc is functioning normally, but i lost quite a lot of blog friends... too bad!!!
haha, time flies, you will find that you will suddenly jump to my stage 'soon', haha!!
睇第一張相已經有爬的跡象呢，腳仔識撐，靖仲未識！
回覆刪除