其實我上兩星期已經大感冒, 病足成個星期, 日日都帶口罩, 好彩, 乖豬無俾我傳染到, 算好彩!!! 不過, 到我差唔多好番時乖豬開始有D鼻水, 流o左成個星期, 但又無其他事, 無咳無燒, 所以我都無理佢, 希望只係小事!!
我病好都無3個星期, 呢個星期尾又作病, 今次好過上次, 只係咳同有少少鼻水, 喉嚨只係輕微痛, 好過上次好多, 但個人都係攰!! 其實今次又病我覺得係乖豬掉轉傳番俾我呢, 因為係佢咳先, 不過都係算好彩, 除一日咳幾聲同朝早流鼻水外, 又無其他事, 同平日一樣札札跳, 所以今次都係無睇醫生, 希望佢快D自己好番...掉轉頭, 我反而覺得自己似乎身體差o左D, 三個星期內病兩次, 兩次都攰到湊女都唔願郁, 寧願開電視俾乖豬等佢唔好煩我...嗚...其實我都想搵時間做運動等身體好D,但真係無時間呢!!!!
講完我, 講番乖豬, 佢13個月大喇!!!!
食方面, 餵口繼續OK, 唔算食得多, 但至少每餐食剩極少, 所以OK啦!!! 但飲水方面差過之前, 飲得少左, 但佢又有少少病, 所以呢個星期煲多左湯俾佢飲, 等佢吸收多D水份!!!
活動能力方面, 多o左自己企起身, 特別係聽到歌仔, 會企起身跳幾下, 但行方面都係未得, 只係比之前無咁心急, 會穩少少咁行3-4步, 但之後就會心急撲o黎行, 我估真係要14個月先識行都未定喇!!!! 另外, 我一直係playmat 外加左個網欄住乖豬唔俾佢爬出廳, 而家終於欄唔住喇, 乖豬先掀開個網鑽出去, 所以呢排佢終於獲得'自由', 可以周圍爬喇, 雖然我要勤力D抹地, 但乖豬大個o左, 鞋呀電掣o個D話佢知唔搞得佢都算聽, 真係唔會下下搞, 最多都係我長氣D o者, 算係咁啦!!!!
另外, 無啦啦識'倒立'咁呢, 掉轉睇o野時佢仲會自己咔咔笑!!!!
玩方面, 呢排好似好鍾意睇書, 一次過拎晒所有硬皮書睇, 左一本右一本, 仲要俾一兩本我, 同一時間睇, 好搞笑, 但唔知點解佢對布書又無乜興趣呢!!! 另外, 訓覺方面開始一定要搵枕頭喇, 試過一晚半夜醒左喊, 喊得好奇怪, 我起身幫佢o係床尾拎番個枕頭俾佢佢就靜晒自己訓番呢!!!
講o野方面, 終於識叫'BA'喇, 仲發展到另一個極端, 就係叫佢叫'MAMA'時佢都會叫'BA', 可能係新發音, 好鍾意'BABA'聲啦, HAHA, 不過, 到緊急關頭有request或要搵人時, 都係只識'MAMA'聲, 無法啦, 我呢個'MAMA'真係幾萬能o既, '爸爸' o既功能有排都未追得上我, 呵呵~!!!
最後, 第五十七周尾, 終於見到乖豬第六隻牙仔出緊, 唔怪得呢排勁流口水啦, 隻牙仔生番長D o既話, 就唔使好似而家咁成日見到個'lone'喇, HAHA!!
17/6: 父親節!! 中午同我屋企慶祝!!
好專心咁mit紙!
Grandpa陪個孫玩!!! 有乖豬係度就係Grandpa最好o既父親節節目!!
老公子第二個父親節!!!! 老公子應該都係'無乜感覺'o架喇...
夜晚同6299出街晚飯, 9點就番到屋企, 有時諗番, 我從此以後唔使再'捱'宵夜時段真係好, 真係多得乖豬呢!!
19/6: 翹翹o黎同乖豬玩!!! 好開心, 因為自己病, 天氣又唔多好, 唔好話無出街探朋友, 我連留下公園都好耐無帶乖豬去, 今日有朋友o黎傾o下計, 人都精神D!!!
翹翹都怕醜, 唔會行得近乖豬,所以乖豬無喊, good!!!
影左30張先有張好D!!
影到後來...HAHA!!!
20/6: 我又病, 好攰, 老公子又遲同公司講請假, 結果請唔到, 連21號拍拖周年都請唔到, 20號晚又要開會夜放工, 結果連留下火車站個商場都去唔到, 要食外賣...
嗚...雖然我都算係無乜要求o既, 但今日都唔使平凡到同平日無乜分別o架... :(
好彩影相唔覺我無精神...
另, 其實我都唔應該嫌棄呢個外賣晚餐o既, 原來都要200大元...係太興o既黃金蝦同魚湯竹笙唔知咩, 都幾好味o既!!!
21/6: 今日訓醒精神好過尋日好多, good!!! 夜晚老公子準時放工, 我就出去九龍塘會合佢!!
等shuttle, 叫佢笑, 笑成咁!!
呢排成日張大口, 好似好肉緊咁!!! 呢個樣好似我細個, 我細個D video入面成日有呢個表情!!!!
本來想食經濟 d 而成日食唔到o既EXP, 但一如以往, 我o地太遲去到, 又排長龍無得食...唯有去食Dan Ryan, 我老公子話貴D先似慶祝, EXP平時食都得喎~~~
我o地叫o左牛同豬扒, 早知叫牛扒同意大利飯啦, 因為食完咁多肉好漏呀, 甜品都食唔落呢, HAHA!!
其他精選相:
好耐無影訓覺相
坐得好爛撻撻!!
一路睇書一路...
最後, 第五十七周尾, 終於見到乖豬第六隻牙仔出緊, 唔怪得呢排勁流口水啦, 隻牙仔生番長D o既話, 就唔使好似而家咁成日見到個'lone'喇, HAHA!!
17/6: 父親節!! 中午同我屋企慶祝!!
好專心咁mit紙!
Grandpa陪個孫玩!!! 有乖豬係度就係Grandpa最好o既父親節節目!!
老公子第二個父親節!!!! 老公子應該都係'無乜感覺'o架喇...
夜晚同6299出街晚飯, 9點就番到屋企, 有時諗番, 我從此以後唔使再'捱'宵夜時段真係好, 真係多得乖豬呢!!
19/6: 翹翹o黎同乖豬玩!!! 好開心, 因為自己病, 天氣又唔多好, 唔好話無出街探朋友, 我連留下公園都好耐無帶乖豬去, 今日有朋友o黎傾o下計, 人都精神D!!!
翹翹都怕醜, 唔會行得近乖豬,所以乖豬無喊, good!!!
影左30張先有張好D!!
影到後來...HAHA!!!
20/6: 我又病, 好攰, 老公子又遲同公司講請假, 結果請唔到, 連21號拍拖周年都請唔到, 20號晚又要開會夜放工, 結果連留下火車站個商場都去唔到, 要食外賣...
嗚...雖然我都算係無乜要求o既, 但今日都唔使平凡到同平日無乜分別o架... :(
好彩影相唔覺我無精神...
另, 其實我都唔應該嫌棄呢個外賣晚餐o既, 原來都要200大元...係太興o既黃金蝦同魚湯竹笙唔知咩, 都幾好味o既!!!
21/6: 今日訓醒精神好過尋日好多, good!!! 夜晚老公子準時放工, 我就出去九龍塘會合佢!!
等shuttle, 叫佢笑, 笑成咁!!
呢排成日張大口, 好似好肉緊咁!!! 呢個樣好似我細個, 我細個D video入面成日有呢個表情!!!!
本來想食經濟 d 而成日食唔到o既EXP, 但一如以往, 我o地太遲去到, 又排長龍無得食...唯有去食Dan Ryan, 我老公子話貴D先似慶祝, EXP平時食都得喎~~~
我o地叫o左牛同豬扒, 早知叫牛扒同意大利飯啦, 因為食完咁多肉好漏呀, 甜品都食唔落呢, HAHA!!
其他精選相:
好耐無影訓覺相
坐得好爛撻撻!!
一路睇書一路...
