咁做Marketing真係唔掂!!!

(呢篇題材敏感, 但我又想鬧下, 所以set做'親人'先睇到, HEHE!!!)

話說3月時有Blog友o係facebook同我講, 話X氏想搵blog友試食佢o地其中一條line o既奶粉, 嘩, 有人贊助奶粉喎, 我當然歡迎啦, 於是就答應join呢個blogger program!!!

答應o左join呢個program 後o既即日, 已經有某blog o既職員聯絡我大約講解個program, 之後就話X氏會辨一個seminar, 到時會介紹番個program詳情!!!

點知, 呢個seminar一拖再拖, 由開初3月, 拖到4月, 由開頭某blog職員不下一次打o黎問available日子, 到後尾話X氏想hold住個project, 未知係咪真係搞呢個program...!! 到4月尾, 終於又話X氏開綠燈, 約5月頭Seminar, 點知之後日期又一改再改, 差唔多每個星期我都收到電話話又要推遲到之後一個星期, 原因唔係話X氏場地問題就係話營養師唔得閒...到有次實牙實齒講到日期真係'鐵定'唔會再改, 結果又係要改, 一路改到而家某blog職員已經問到7月available日子都仲係未搞得成個seminar, 我真係開始覺得有D離譜!!!

如果唔係某blog職員次次都'唔好意思'前'唔好意思'後, 如果唔係我6月時真係收到X氏職員send o黎o既program contract soft copy, 我真係好懷疑我係咪俾人玩緊囉!!!!

雖然我唔係marketing人, 但都叫接觸過下呢一行, 我真係覺得個blogger program都未搞得成, X氏首先已經俾o左個極差印像blogger囉, 咁搞法, 如果唔係個product真係好好, 相信我寫blog時又要'口不對心'囉...

唉, 堂堂一間大公司, 個marketing部門真係好有問題, 而家只係同6-7個blogger搞個program之嘛, 場地求其搵office某會議室相信都唔會失禮啦, 我都唔明點解次次都話無場地而改期, 真係唔合理!!! 另外就係, '誠意'問題, 一個program竟然可以由3月拖到7月都未知成唔成事, 中間只係一直叫中間人o黎打電話講'唔好意思'同問available時間, 咁算咩意思? 如果X氏未諗清楚係咪要搞呢個program , 就唔應該未confirm就搵blogger啦, 如果乜都未ready就唔好成日約日子啦, 應該自己ready先約blogger嘛, 如果要stop 個program就爽快一早講, 等我唔使成日期待住個seminar, 期待食緊呢罐係'最後一罐'奶粉啦!!

總之, 好好地一個blogger program, 本來係想D blogger唱好自己d product, 但而家拖住我o地班blogger半天吊, 都唔知想點, 印像真係已經扣晒分!!!

而家? 我無o野做到o架, 唯有繼續等, 等到個seminar真係舉行到先算啦, 希望X氏'準備'咁耐, 到時impress到我o地班blogger啦, 如果唔係, 我到時真係要寫blog '唱好' 佢o地時真係難以落筆, 難為我要'口不對心'o架喇!!