響mama全朵!

呢幾日講o野明顯進步快左, 每日都有新發音!!

(原來, 我個名係由BB都識o既最基本發音組成)

露筍炒帶子魚塊

上湯菠菜, 芫茜蒸蛋, 露筍炒帶子魚塊

初次炒魚塊, 好彩無散晒!!! 蒸蛋就一早上網睇蛋同水比例先整, 蒸出o黎面層剛凝固, 以為唔錯, 但入面就仲係好水, 有待改善!!

衫

買衫

淘寶 taste

唔會成身粉紅, 但粉紅好難避

唔要大大個LOGO, 大大個公仔

活潑, 斯文, 大方

咖喱雞球

之前一直以為咖喱醬係用水開o黎煮, 點知錯晒!!! 我媽教我一定要用椰奶(唔好用椰漿), 同埋唔使預先熱鑊, 咁收o左水之後D咖喱先會煮到自動出紅油, 正!!!

栗子合桃糊

自家製栗子合桃糊, 好香好正, 滑過Koey塊面!!! :p

我係跟呢個食譜o架, 不過我唔止用栗子, 加左合桃!!

http://blog.yahoo.com/_RJDGWFCON5R4XQLGSG2TWKREY4/articles/46462

請投Koey一票!

尋日好開心呀, 一次過收到兩個通知, 話乖豬入選o左兩個投票活動呀, yeah!!!!


1. 《旭茉JESSICA Baby》秋季刊 facebook 投票活動, 希望大家幫幫手, click 下面張相, 再送個like俾Koey呀, Thank you so much!!!

2. Conton Candy Kids BB之星選舉, 入圍20強呢!!!

No No No!

學識o左講No No No, 變o左口頭蟬, 成日'no'我!!! 

第六十至六十一周 (6/7 - 19/7): 第一次發燒, 出玫瑰疹呀!!!

乖豬出世以o黎第一次發燒呀, 睇見平日無時停o既乖豬燒到無厘心機, 謝晒咁唔願玩, 真係覺得陰公...不過...唔知係咪我爸媽擔心得仲誇張, 所以我反而唔係想像中咁擔心!!!

12/7: 乖豬一早起身就狂喊, 當時我覺得有D奇怪, 但同佢講o左開奶俾佢食佢就無喊, 所以都無再理!! 食完奶, 乖豬好似好眼訓, 於是就tum番佢訓, 好喇, 訓o左9個字再起身, 點知佢又喊, 我一抱佢上大人床再望下佢, 佢個樣好似口腫面腫未訓醒, 一摸佢額頭, 好熱, 發燒呀, 用耳探一check, 38度多D!!!

由於之前就算打針後乖豬都只係微微體溫上升, 一直未試過體溫高過37.5度, 今次好明顯真係發燒, 於是即刻拎打1歲針時o既退燒藥俾佢食, 再同佢貼退熱貼!!! 

退熱貼涼浸浸, 一貼上額頭好唔慣, 個樣好唔自在好慘!!!

藥又食左退熱貼又貼埋, 我都無乜可以做, 依然要去廚房整粥...

呢位無厘精神, 一舊飯咁o既乖豬就咁呆呆滯滯咁坐o係sofa上面等我, 同平時周圍玩玩具或走去門欄度搵我唔同, 謝晒, 好陰公!!!

雖然乖豬第一次發燒, 但因為佢除o左燒外就無其他唔舒服, 我認為應該係出玫瑰疹, 上網查過又問o左兩位媽媽朋友經驗, 我決定唔帶乖豬去睇醫生, 因為睇醫生都係只會開退燒藥, 咁我自己有又使乜多此一舉, 反而怕佢身體弱惹到其他病童o既病, 到時真係仲衰!!!!

乖豬第一日大部份時間39度體溫, 到傍晚落番38度, 老公子放工番o黎見到佢同平時分別唔大, 依然會玩同大聲叫, 所以都唔擔心!!

13/7: 第二朝, 乖豬可能成晚無食藥, 所以一早起身check竟然成40度, 當刻我都嚇一嚇, 不過起身洗個面後體溫落番D, 所以我就唔再擔心!!! 同樣地, 呢日傍晚開始乖豬體溫又試下降番到38度左右, 又試精神奕奕咁玩! 最後呢晚我12點訓時摸佢頸尾已經唔熱, 應該退燒喇, very good!!!!

14/7: 一早度體溫去番37度, good, 完全無燒, 乖豬成個人亦正常番晒, 胃口都有番D, 好番喇, yeah, 但等o左成日都唔見有疹!!! 上網睇玫瑰疹多數燒3-5日, 退燒後24小時會出疹, 乖豬只係燒左2日, 又唔見有疹, 唔通唔係玫瑰疹??

15/7: 朝早開始見到鼻頭, 額頭同肚開始有少少紅點, 但極之疏落!! 中午開始多o左少少, 但依然唔多, 仲好淺色, 如果唔係我'expect'佢出疹, 相信係唔會留意到!!!

16/7: 紅疹好似多o左, 都算係布滿肚仔, 不過唔係太密, 亦唔紅, 好淺好淡色!!! post上網好多人都話唔似玫瑰疹, 不過我上網都見到有D相同乖豬差唔多, 只係乖豬D疹in general 比大多數人淡D o者!!!  

17/7: D疹退得8899喇!!

乖豬出疹事件終於告一段落!!! 病後, 唔知係咪個人攰D, 乖豬連續幾日都訓到8點多先起身, 對我o黎講真係太好, 唔再7點起身, 希望佢keep住啦!

==========================================================================================

轉下話題...

8/7: 第二次帶乖豬去會所游水!! 今次佢一落水明顯唔再驚, 表現淡定, 叻!!!

影完呢張相就俾救生員叫收起相機喇!!! :p
14/7: 今日去hotel icon 出席o左個blogger event, 第一次見Mrs Chik Chik o既仔仔, 佢好好笑容個個都抱得, 好得意!!!

除o左Mrs Chik Chik, 仲識o左另外3位blog媽媽, 仲見到一位famous blogger, 真係估唔到會見到佢!!!

做o左C9咁耐, 都好耐無出席呢D社交活動, 所以今日好開心, 間中接觸下'外面世界'真係人都精神爽利D, 希望遲D可以afford到多D時間Join 呢D blogger event啦!!!

大會送o左件印o左乖豬個名o既靚靚T-Shirt俾乖豬, 好靚呢!!!
17/7: 今日我第一次幫乖豬紮孖辮!!!

整古做怪!!!

坐火車!

下午, 我帶o左乖豬出去同Cindy & Karen High Tea!!!!

熱好身後無啦啦企起身挨住我甜笑, lum死人!!!

甜到漏囉!!

Cindy借o左副眼鏡乖豬戴, 成個miss 咁!!!

咕嚕雞球

2012626: 超鍾意食咕嚕雞球, 以前試過自己用茄汁整o個糖醋醬, 早前買o左鎮江醋, 所以第一次整咕嚕

米飯雞蛋布丁 + 芝麻包

20120708: 麵包機o既甜點function, 米飯雞蛋布丁, 好香好正!!!

20120716: 買o左芝麻粉試整, 點知個包又發唔起, 同埋應該唔夠芝麻粉, 芝麻味唔夠香濃...

煎牛扒大成功!!

20120709: 再挑戰牛扒

今次跟阿Ching 俾我reference o既方法(http://blog.udn.com/ThomasChang/1844511)煎完再焗, 出o黎效果真係幾正, 又唔會生到仲見血水, 入面仲好juicy添!!!

第五十八至五十九周 (22/6 - 5/7): 遊船河!

呢兩個星期我同乖豬都病好, 加上天氣轉晴, 我同乖豬終於都多番出街, 吸收下陽光同新鮮空氣!!!

講o野方面, 呢兩星期都無乜進展, 只可以話講爸媽越o黎越大聲同清楚, 特別D o既係學識狗仔叫, 可能同隔離屋成日有狗仔叫有關!
行路方面再行得定左, 唔心急慢慢行o既話應該都行到10步8步, 多o左見到佢自己企起身想行, 特別係佢見到我係唔係太遠o既地方, 就會想行過o黎, 但如果大人企得太遠, 佢始終未敢放膽起步!! 

雖然未識行, 但無啦啦識倒立!

另外, 呢個星期尾無啦啦識用嘴鍚人, 唔再'hum'個頭埋o黎當係鍚, 又無啦啦識攬o野, 拎起沙巾口水肩都會無啦啦攬到好實, 好搞笑!!!! 另外就係知道電腦右上角有個button(開關掣)可以按, 次次一見我用電腦就衝上o黎然後就襟熄我部機...

食o野方面, 粥仔越食越好, 好多時都差唔多清晒, 而且越o黎越鍾意食大人o野, 見大人開餐一定出聲叫話要食!!

最後就係越o黎越早起身, 之前多數7點起身, 但呢兩星期無啦啦提早到6點9, 唉...我呢個媽媽又要再早D起身, 朝早真係越o黎越眼訓, 唔通我要放棄夜晚乖豬訓左之後同老公子睇電視o既二人世界時間, 跟個女一齊咁早訓??

29/6: 有個風打緊o黎, 但今晚一早約o左番娘家同細佬妹慶祝生日, 開頭真係好擔心番屋企時會橫風橫雨, 但好好彩, 呢個風唔算太勁, 我o地走時都無乜雨咁滯, 掛左一晚8號第二朝已經無風仲開始好天, 好good!!!

好豐富!

媽咪整o既愛心沙律, 每次生日慶祝都不可少!!!

1/7: 個風o黎得快去得又快, 本來之前都worry今日遊船河天氣唔好o架, 但今日真係天公造美, 仲要曬得好緊要, 番到屋企一照鏡就見到自己曬到紅晒添呢!!!

遊船河o既旅伴: Cindy & 禧禧一家!

之前仲擔心打風去唔成, 點知今日個天靚到爆, 吹住海風感覺真係好正!!!

我同老公上o左船上層吹風, 雖然架船唔係我結婚當日o個隻, 但呢個藍色帳篷令我成日諗起結婚當日影o既相~~~

我o地去o左食意大利菜, 好味!

禧禧食飽好生猛, 成日拍我老公子膊頭, 好似好friend咁!!

互啤?

望咩?

出發行去沙灘

路程都幾遠o架, 我諗都行o左半個鐘~

到洪聖爺灣泳灘喇, 好多人呢, 仲好曬!!!! Koey唔慣, 聽到海浪打埋岸D聲就驚!!

真係好好天, 個天好靚!!!

玩沙, 乖豬一D都唔怕沙, 一坐低就低頭自顧自玩, 點叫都唔望鏡頭, 好難影到靚相!!!

由頭到尾就係咁專心...

難得捕足到笑o既一刻

禧禧開頭怕沙, 要一陣先適應!

兩個B各自各享受玩沙, 最後兩個都玩到唔願走咁!

4點回程, 出發時Koey訓o左, 所以回程先影合照

我屋企湊B, 我同老公就偷閒o係船度吹海風~

好嘆咁呢~

個天靚到咁, 真係令人身心舒暢!

乖豬同禧禧都係第一次玩沙呢!!

(仲有D合照未收到, 後補!)

2/7: 今日唔使'應籌', 下午諗住帶乖豬出去沙田玩具反斗城玩, 點知佢下午訓得9個字就醒, 出到街好快眼訓, 去到反斗城之前剛好訓o左, 結果今日o既節目就變o左我同老公子shopping, 周圍都大減價, 乖豬又訓o左, 可以慢慢睇都幾正, 結果我同老公子分別都買o左件衫, 又幫乖豬買o左對波鞋仔!!

其他精選相:

呢個look好似好大個女!! 點睇都唔似只係1歲...

大作

成日訓落D波波度

條辮比起9個月大第一次紮時大條o左長o左呢!!

坐到好邊, 好似札緊馬咁!!!

著到咁斯文但坐到好