新加玻親子遊@2014~Day3: 反轉The Little Big Club!!!

20140718

第三日!!! 

訓醒第一件事!! 開寶箱!!! 之前一晚搵到上手住客張'答案', 但唔係好識開個夾萬, 結果Koey訓o左拉兩拉先開到!! 於是一朝就叫Koey開寶箱, 諗住佢實會好開心...

haha, 點知反應平淡過平淡, 3包lego都唔驚喜??? 係咪未訓醒所以無咩反應?? HAHA!!

之後要執o野走喇...無法子啦, 酒店最遲11點就要checkout (Official 寫10點添呢!!), 想留耐d都唔得!!!

前一日太忙, 都無捉Koey係房度影下相!!! 襯有時間, 呢朝係咁易影幾張啦!!

Lift Lobby!!

落去食早餐buffet, 本來個buffet10點完, 但我o地9點半落到去勁多人o係門口等位, o下! 咁點食得切??

老公子等位, 呢兩位又埋位...砌砌砌!

等o左10-15min, 可以入座喇!! Buffet會extend到10點半, 咁都好d!!!

事前對呢個buffet都無咩期望...味道普通啦!!!

Kobe仔食晒個牛角包再食o左d蛋, 係幾日旅行以o黎最好胃口一次!!

同d lego decoration影相~~

食完早餐, 上房拎行李checkout喇!!!

又捉Koey影!! 企唔定!!

Bye Bye 靚靚Lego房!!!

落番酒店大堂!! 老公子去check out, 小朋友又砌喇! 

尋日成日都無o係大堂逗留過, 而家玩番夠本!!!

好鍾意呢個骷髏骨頭, 不過Koey & Kobe拒絕合照!!

之前一日應承o左Koey呢日會俾'足夠'時間佢砌, 加上今日真係無咩行程, 所以我同老公子靜靜坐係度睇Koey & Kobe玩, 難得攸閒!! 

左上: Kobe見到毛毛gip, 走去亂搞!!

臨別秋波~~~

11點多d, 走喇!!! 打的去Puteri Harbour搵Thomas喇!!

呢度就係Legoland正門!!! 其實都好靚, 但呢個位無乜人會去到!!!

再見Legoland!!

車程大約10min內 吧, 馬拉o既藍色的士靚d又貴d, 車費好似要50-60HKD!!

一入到Building內就見到間hello kitty Cafe, 有唔少人食緊o野, 門口仲有個大Kitty, 但Koey話唔影呢!!!!! 之後老公子去買飛, 由於我唔鍾意Kitty, Koey亦唔見得特別鍾意, 所以我o地只買The Little Big Club 門票(RM 75, 大小同價)!! 買飛時先知出示Legoland Ticket可以有折 (唔記得85折定9折!), 有d surprise!

等爸爸買飛, 兩位小朋友唔願影都俾我係咁影, HAHA!!

入場喇!! 我o地先去3樓搵Thomas先!! 

去到3樓, 坦白講, 我同老公子有少少失望, 因為地方好細, 一眼望晒, 好似唔太多o野玩, 唔值呢個入場費!!!

先玩駕飛機!!! 

早一日o係Legoland先同爸爸駕飛機駕得好開心, 同一樣玩意, Koey今次猛叫'唔好升高'...似乎一d都唔enjoy...

之後見到碰碰車, 衝到埋去先知要110cm或以上先玩得...不過睇真d, d車真係開得幾快, 的確唔o岩Koey, 反而我同老公子就好有興趣, 只不過湊住小朋友玩唔到!!!

之後玩呢個, 只係升到好高轉幾轉!!! 坦白講, 無離心力, 場地又唔大又係室內, 升到幾高都無o野睇, 大人一定會覺得好悶!!! 由於無人玩, 我提意Koey玩多一轉, 叫老公子同細佬落去幫我手影相, 但好明顯Koey第二轉已經無咩心機玩, 真係好悶!!

行到尾, 見到Thomas 火車, 但門外寫住要110cm以上先玩得!!! 由於睇唔晒條路軌會行去邊, 心思思就等我去試玩下先啦!!!

玩完...就咁兜圈咋喎, 又唔快又唔剌激, 點解要110cm以上先玩得??? 真係大惑不解!!

出到o黎話俾Koey聽'幾得意', 再問職員Koey玩唔玩得, 原來俾喎, 咁都正常d!!!

唔夠其他小朋友快, 無得坐火車頭thomas入面!!...不過就算夠快, 要Koey一個人去坐, 相信佢都未必夠膽... 

開車喇!!! 雖然都唔算有咩o野睇, 但Koey又好似幾enjoy坐thomas呢!!

玩完我o地就去o左隔離個play house 玩!!!

個play house入口好窄, 老公子入唔到去, 唯有我陪Koey & Kobe入去!!!

原來入面全部軟墊, 仲有好多障礙物, 好正!!! 諗住Kobe仔都會鍾意, 但點知離開爸爸佢喊到傻!! 最後都係還番俾爸爸, 我同Koey玩算喇!!!

爬兩爬, 好果癮喎!!! 我同Koey好似老鼠仔咁鑽o黎鑽去爬高爬低, haha, N年無玩過呢d玩意, 真係考我身手!!!

估唔到呢度先係場內最好玩o既地方, d障礙物款款唔同, 我同Koey越爬越覺得有新意, 真係越爬越好玩, 越爬越開心, 兩母女真係好少時刻可以咁樣一齊爬爬爬, 就算而家諗番轉頭, 都仲係好回味同Koey咁樣玩o既珍貴時刻!!

爬到滑梯喇!!!

GO!!!

呢個滑梯其實幾斜, 但好彩唔算太滑, 用腳young住唔會滑得太快, Koey Sir完再Sir!!!

Sir到低, 原來有個空地, 有Thomas o架!!!

上: 玩到興起俾我捉佢影相, 喊晒口!!

下: 同佢講完數, 笑番!!!

之後我o地試爬另一邊, 出發!!!

haha, 呢個橙色滑梯太斜喇, 我都差d剎唔到掣!!! Koey今次Sir完唔敢再Sir喇!!

爬完一大輪, 相信無9個字都至少大半個鐘喇!!! 我同Koey去番出口位置!!

出人口位有呢d碌碌係度, 所以老公子絕對入唔到去!!!

但正正係有呢d碌碌, 我同Koey又多樣o野一齊玩一齊笑喇!!!

睇下我玩到幾無儀態!!! 不過真係好開心, 咩童真都番晒o黎, 真係有d慶幸老公子入唔到去(平時呢d體能玩意當然係爸爸陪玩!!!), 因為真係好好玩呢!!!

終於玩完喇, 行番去坐lift落一層~~~

途經賣o野食o既地方, 見到肥控制員呀!!! 好得意, 但Kobe唔肯影!!

落到下一層, 呢層有Bob the Builder, Barney, Pingu同埋Angelina! 我o地都未及周圍睇, 就見到Bob the Builder同Angelina 行o左出o黎, 於是我o地即刻追住佢o地!!!

噢, Bob, 你未Ready o既?

Pingu入面有d冒險樂園o既玩意, 唔知使唔使入錢玩, 但總之無咩興趣, 我同老公子都懶得行入去!!

同bob影完相, 我o地即刻去搵Angelina (呢個卡通本來唔識, 但真係機緣巧合, 出發前o既星期日, 我竟然一朝早意外咁o係本港台度睇到做呢個卡通, 於是即刻叫Koey認住佢, 話佢知去旅行會見到佢!!!)!!! 原來跳舞班已經開始o左, 場入面子多小女孩著晒裙仔跟住跳, 好可愛!!!

Koey著唔切裙仔, 但佢好似明白要跳住Angelina 跳, 睇得好留心o架!!!!

雖然四肢協調不嬲都係Koey弱項, 但睇住佢咁專心咁投入想跟, 我同老公子都覺得好得意, 故唔到卡通人物o既威力真係幾勁!!

好喇, 跳舞堂完o左, 小女孩們都排隊同Angelina 合照!! 我亦有時間幫Koey著裙仔扮老鼠仔喇!!

呢隻老鼠仔可愛嗎??

排到我o地喇, 但Koey忽然好驚Angelina, 猛縮向我呢邊, Angelina伸手想同佢握手佢都唔制!!

好, 跳完舞, 係時候食lunch!!! 望晒兩層o既食肆, 得Thomas o個層有間叫做有d飽肚d o既意粉同漢堡包餐, 所以無得揀, 就食佢啦!!!

肉丸意粉, 炸肉餅, 漢堡包!!

個漢堡包包裝紙好得意, 亦幾好味, 我o地後尾再叫多個雞堡, 都唔錯!!!

食食下, 肥控制員係我o地隔o黎道門走出o黎喎!!!!! 我o地當然即刻放低食物, 衝去影啦, 點知平時都算幾鍾意Thomas o既Koey竟然叫極都唔肯離開High Chair, 拒絕同肥控制員影相!!!!! 

結果就只有我o地三個影!!

食完o野, 上一層o既迷你摩天輪同迷你跳樓機Koey都話唔玩, 我o地又落番下一層喇!!!

Barney!!! 食飯時間我層經聽到播Barney首歌, 懷疑當時真人扮o既Barney已經出o左場, Miss o左!!!

呢度都幾好玩, 適合好似Kobe咁細個o既BB!!!!兩姊弟係呢度玩得好開心唔願走!!!

Koey學爸爸碌碌碌!!!! 好少見Koey玩到咁放, HAHA!!

玩玩下我提議去Bob the Builder玩, 但Koey唔想走!!

最後嘛, 都係俾我捉佢去Bob the Builder...

扭計中o既Koey見到呢個砌砌牆又開心番!!

爸爸都好鍾意砌, 砌到上頂!!

呢度仲有個area有d似Thomas o個度咁, 可以周圍爬!!

有超大波波, 開頭玩得好地地, 我想影相就只係影到扭抱同喊!!

由於Kobe仔又扭訓, 呢度都係由陪Koey玩!!!

同Thomas o個度好類似, 但細d!! 可能無咩新意啦, Koey玩o左唔係太耐就話出番去搵爸爸喇!!

細佬就快捱唔住喇!

其實當時Koey都應該攰喇, 但佢一貫唔會訓, 由於佢同我都覺得Thomas好好玩, 時間又許可, 我同Koey就再番番去Thomas度再玩過!!!

可能係下午多d人吧, 第一次玩時成個場得我同Koey, 第二次玩就有一班小朋友玩捉迷藏追o黎追去, 我同Koey有時都要避, 再加上之前玩過一次無o左新鮮感, Koey又無咩電...所以呢次我同Koey都無玩得咁癲喇!!

爬上去影Thomas!!!

玩o左半個鐘吧, 出番o黎搵爸爸!!

細佬已經訓o左, Koey玩到攰難得肯飲水!!

仲食朝早buffet打包o既兩件包點!!!

人肚餓起上o黎咩都會覺得好味!!! Koey都唔例外!!

好喇4點半, 要走喇, 仲要預番時間去買o野, Bye Bye Thomas, Bye Bye Percy!!!

漏漏氣氣行到出場外, 見到賣o野o既地方收緊檔!!!!! 下???咁快?? 仲要生意都唔做, 叫我落地下舖頭再睇!!!!

噢, 轉個頭, 成個場仲close 埋添!!! 

5點咋喎, 唔係收6點咩??? 唔通我搞錯o左?? 等我仲約包車6點呢!!!! 

落到地下間大舖頭...唔對路呢, 好似都係想收檔咁喇!!!! 走馬看花咁都唔知睇到d乜...但又唔想空手而回, 結果只係幫Koey買o左個八達通套同一個thomas磁石...

嗚...呢度明明好大, 仲要有咩我o地無去o既Kittyland d o野賣...偏偏我搞o左closing time, 想買多d o野留念都唔得...好失敗呀!!!!!!!!!!!!!!!!!

而家乜都close晒, 車又未到, 做乜好呀??? 呢度又無咩舖頭...

好彩, 老公子醒起我o地買門票時送o左幾張贈飲券, 好啦, 睇下close未, 未close就試下, 如果要幫襯先有free drinks就算數!!!

間餐廳叫Lat's Place, 當時一個人客都無, 但職員表示真係有free drinks, 我o地問係咩, 佢答Orange XXX, 我o地問係咪即係Orange Juice, 佢話唔係...anyway, 是但啦!!!

裝修好靚, d 窗o既剪影仲會郁, 幾得意, 坐係度又幾舒服!!!

一坐低就要食!!! 星星餅!!! 至於杯飲品, 原來係d味粉沖出o黎o個d'橙色橙味飲料', 簡稱有色糖水...算啦, 免費呢, 唔好要求咁多, 無聊坐下飲下都可以接受!!!

由於之前一晚o係Legoland酒店個wifi有問題, 上唔到fb同whatsapp, 老公子好醒目問職員有無wifi, 又估唔到有呢, 佢o地俾o左pwd我o地任上!!!

咁我o地無理由咁衰, 齋坐飲free drinks 任上人wifi o既, 所以都叫o左客串燒, 雖然唔係太大份, 但又幾好味!!!

終於whatsapp 聯絡上包車, 不過坐下坐下都近6點, 所以最後都無叫佢o地提早!!! 最後等到佢o地知會我o地就到, 我o地就離開餐廳!!!

點知我o地等o左好耐都無車接我o地, 老公子行番去餐廳外whatsapp, 先知原來溝通誤會, 佢o地去錯o左Legoland酒店接我o地呢, 最後, 我o地等到6點4-5個字先有車接我o地, 終於可以走喇!!

回程, 見到d好巨大o既'城堡', 問司機, 佢都話唔知係咩, 可能係皇宮!

係車度唱下歌仔, 終於番到May屋企喇!!! 佢為我o地煮緊大餐呀!!!!

辛苦晒喇May!!!

小朋友沖完涼邊玩邊等食!!! 其實當時Koey已經好眼訓囉~~~~

開飯喇!!! 好豐富呀!!! 有串燒, 雞翼, o岩小朋友o既粟米肉粒, 仲有May特別煮俾我o地試o既魔鬼魚呀!!!

開飯喇!!! 碟魔鬼魚好好味呀, 又滑又唔多骨, 係香港唔知邊度有得買/食呢?

食完快手搞掂兩個已經眼訓到極o既小朋友訓, 之後先到大人休息!!!

兩位小朋友訓o左, 到老公子同大健出去wet, 佢o地去食榴槤呀!!!! 可惜, 老公子掛住享受, 一張相都無影番o黎呢!!!!

回顧番今日, 對於小朋友o黎講, The Little Big Club的確係唔錯, 因為大部份玩意都好適合幼童玩, 包晒軟墊, 任爬任撞都得, 真係一個好kids-friendly o既地方, 再加上有冷氣, 小朋友跑跑跳跳都唔會出晒汗, 玩得好舒服!!! 不過,  亦因為係室內, 燈光暗較暗, 加上成日變色o既燈光, 影相o黎講就真係唔係太靚! 對於大朋友呢,玩意太'小兒科', 少少悶就一定喇, 加上地方細, 食o野地方又少, 附近配套亦不足, 如果唔係家有幼童, 相信我同老公子都唔會選擇再o黎喇!!! 如果要我建議想去o既朋友, 我諗預3-4個鐘都好足夠, 但幾個鐘去個咁細o既樂園要75馬幣(大小同價!), 就真係見人見智喇, 俾我, 就寧願貴d去多次legoland lu!! (btw, 訪問Koey, Koey係話鍾意Thomas 呢度多過Legoland o既, 唔知係咪真, 定係玩緊Thomas鍾意Thomas, 已經唔多記得Legoland呢??)