15/2/2011 (26W)
肚圍: 36寸, 體重: 129磅 (一星期重3磅...要留意下喇...!!)
==========================================================
自個幾星期前開始, 乖豬o既胎動由只能摸到變為睇到, 除左一腳腳咁踼, 而家仲時不時feel到佢轉身滑過我肚皮或頭尾2邊手牚, 有時真係大約估到佢郁o個度係腳定頭呢!!!早2日我同老公子仲第一次摸到乖豬打C egg添呀(之後呢2日我成日feel到佢打C Egg, 原來都打得幾密o架!!), 好有規律咁細細力一下又一下, 好得意!!!
由於胎動好明顯, 所以我而家成日係屋企'自言自語', 因為乖豬一郁得勁我就會拍拍肚皮同乖豬傾計, 問佢係度做緊咩, 問佢鍾唔鍾意媽咪同爸爸, 問佢係咪女仔, 仲有唱歌仔俾佢聽...haha...真係好enjoy同乖豬呢種心連心o既感覺呀, 唔怪話生左後媽咪會有失落感啦...我真係要好好珍惜o下剩低呢3個幾月呢!!
==========================================================
17/2/2011 (26W2D)
今日仲忙過番工...
一朝起身去威院做糖水測試!!!因為我係幫中大醫學院做孕婦吸收Vitamin D同BB健康關係o既研究, 所以今次去o既地方唔係婦產科, 而係去臨床醫學大樓!!
我9點幾去到, 原來今日有8個孕婦做測試, 我應該係第6個去到o既, 先抽4支幼test tube o既血之後就飲糖水!! 開頭好驚d糖水太甜會刺激到我個胃嘔, 好彩無事, 只係飲完有少少滯住唔舒服o既感覺, 而且...我其實覺得杯糖水幾好飲添...haha
飲完糖水要等2個鐘先再抽血, 原來做研究o既醫生會幫我o地做埋產檢(驗尿, 磅重, 量血壓同聽胎心)同做問卷, 不過醫生好忙, 所以我o地呢班準媽媽大部份時間都係坐係度悶等...
由於太悶, 我就'了'其中一個醫生吹水, 八卦到原來其他區多數孕婦都有得做糖水測試, 係偏偏新界東呢度先怪怪o地, 只有'高危'孕婦(即屋企有人有糖尿, 懷孖胎, 過肥等)先有得做呢!!!另外, 我亦問左上次健康院產檢我對試紙變色o既疑惑, 原來政府無standard話要用統一o既試紙, 所以我健康院有2張test paper,但基本上都應該只係驗尿蛋白同尿糖, 以醫生估計, 上次變色可能只係我留尿留得唔好, 一係就食完早餐關係, 令尿唔多唔少有少少糖, 一係就點到D白帶, 因白帶有好rich o既蛋白質, 所以先變色!!! 而且, 尿帶蛋白通常係加埋高血壓先至叫有問題 (有妊娠高血壓), 所以我血壓正常就唔使擔心!!
傾傾下時間都唔太難過o既, 終於12點搞掂晒走得!!!臨走時醫生仲schedule埋3月尾番去威院照超聲波同做骨質密度測試, 嘩, 好surprise,我成日以為照完結構後到生都無得再係威院照BB, 估唔到因為做研究而仲有得照喎, 太好喇!!!等我仲諗緊3月中先番私家照, 而家可以提早2月尾去私家見下乖豬喇, 到時都近7wk無見乖豬, 真係好想知佢而家係咪又大隻好多!!
P.S. 如果糖水測試有問題就會2日內收到電話通知!
==========================================================
檢查完我就一個人出o左旺角, 因為想用左上次聽母乳講座d coupon($140)同拎佢送o既2oz Dr Brown奶樽同BB展入場券!!由於coupon指定某d牌子先買得, 所以我煩惱o左好耐, 最後多得好朋友意見, 最終買o左一個Dr Brown's 8oz 奶樽同洗奶瓶刷, 剛好$139!!
之後我就去卓悅, 搵到都好多人讚o既Akachan洗奶樽液, 於是又買埋!!
之後我就番去屋企附近探好朋友個BB仔, HAHA, 佢BB唔多扭計好似好乖呀, 可惜我個肚頂住唔敢抱佢BB呢!!傾媽咪計唔覺唔覺都2個鐘有多, 佢送o左2罐Friso奶粉俾我, 真係好多謝佢呀, 不過我都好希望我可以好似佢咁餵到人奶, 唔使用到呢兩罐奶粉啦!!!
今日o既收獲!!精靈B阿一!!番到屋企都5點半, 活動o左成日真係好鬼支力呢(我仲要唔記得用托腹帶!!)!!!
今晚元宵, 應下節煮o左湯丸, 好味!!
==========================================================
18/2/2011 (26W3D)
呢兩日訓覺開始覺得腰痛...其實有左無耐都覺得一訓落床平訓, 第一下轉身就會明顯feel到腰骨硬o左, 但轉多幾次身或訓耐D就OK, 朝早起身都唔會痛同辛苦!!但呢兩日明顯唔同o左呀, 訓落床第一次轉身尾龍骨尾直頭硬到我唔郁得咁, 夜晚去toilet同朝早起床都要用d力先爬到起到咁, 雖然未至於痛, 但肯定辛苦過之前...睇o黎我要努力做多d腰部伸展動作先得喇...
==========================================================
19/2/2011 (26W4D)
由於老公子聖誕時抽中o左UNY/APITA coupon $1K, 今個wk開始APITA會有BB展, 所以我o地今日去o左太古城!!
不過o個度唔係想像中咁多BB用品賣, 網床得2款, bb車得2-3個牌子, 睇呀睇, 最後無得揀下, 都係決定買bb車用o左d coupon最實際...
其實老公子同我對BB車o既要求得2個, 就係要輕同可以2邊方向推, 雖然可以選o既牌子唔多, 但我o地同另一對couple都煩惱o左好耐究竟combi定aprica好d!!
最後我o地決定買呢款: http://www.combi.com.hk/product_eng.php , 其實我覺得呢款隻色一d都唔靚, aprica o個款靚d, 但佢唔可以2邊方向推又貴d, 老公子就由頭到尾都覺得combi好d, 所以就買o左combi喇!!!
架車85折, 扣埋1k coupon, 我o地俾o左$683就買o左架車喇, 聽日送貨, yeah...不過要諗o下架車泊係邊先得!!!
==========================================================
20/2/2011 (26W5D)
今日乖豬架戰車送到喇, 一打開有d驚喜, 因為尋日o係Apita display o個架我覺得唔靚o架, 但今日收到貨呢架我又覺得幾靚呢, 因為d色實好多...可能display o既放o左太耐甩晒色啦...總之收到貨我又幾滿意架車, 仲即刻試下單手開合架車, 真係幾輕幾易收, good!!
另外, 今日仲去o左藥房買威潔BB洗衣液, 難得今日天氣終於乾爽少少, 濕度73%, 即刻襯機洗o左手上少少BB衣物先, 唔係遲d潮濕就真係麻煩!!!而家乾好, 等遲d 5月有太陽西斜入屋再曬o下就OK!!
其實手上都唔係太多BB o野, 都係d紗巾口水肩包被同2,3件衫仔!!
