第4次私家產檢 (27W5D)

27/2/2011 (27W5D)

自照完結構後都成7個星期喇, 真係好掛住乖豬呀, hehe, 今日終於又可以見o下乖豬喇, 唔知佢又大隻o左幾多呢??

我同老公子食完早餐10點4去到診所, 今日唔係太多人, 等o左15min左右就有得睇, 我就問醫生我上星期個肚好實, 佢話應該係假宮縮, 有時唔好話個人攰d會多d假宮縮, 佢話有時肚痛d腸'嗱'住郁到個子宮都會易d出現假宮縮, 所以只要個肚實得o黎唔痛咁就ok!!

好喇, 去照乖豬喇!!!乖豬大o左好多, 一個screen睇唔晒佢成個人喇, 唔知係咪太迫, 其實我覺得都唔係睇得太清楚咋...

乖豬個頭仔, 得27周size, 18%咋...個頭仔咁細o既!!!

仲有, 原來佢個頭唔係向緊下呀, 照緊時佢個頭係我肚臍右邊位置附近, 咁我就問醫生, 點解我feel到佢打c egg時chok o下chok o下個位咁低...點知醫生話我feel到o既唔係打c egg...佢仲話bb都未使用橫隔膜住, 又點會打c egg??? 佢仲覺得我feel到o既只係我子宮d pulse (但我肯定唔係我心跳囉, 唔通我咁都分唔到咩!!)!!...o下...但我睇johnsons baby個每周development唔係咁講喎(http://www.johnsonsbaby.com.hk/pregnancy/pregnancy_week_27.aspx), anyway, 我都無再質疑醫生喇, 算啦, 其實我都知乖豬仲細, 就算之前個頭真係向下, 都仲有大把空間轉番上o黎!!!

大脾骨, 都係得27周size, 17%...腳短短??

 
肚圍, 28w5d, 72%...嘩, 大肚腩...
體重就2磅9安士, 46%, 係中碼size!!!!

我問醫生, 照咁估, 出世時大約幾重, 醫生話大約3.3kg呢!!!咁食d咩又可以令bb大隻d呢??醫生就話, 我乖豬唔係細隻, 佢size正常係中碼, 又唔係細碼...其實睇size最重要係睇佢個肚腩, 就好似大人咁, 你都唔會睇佢個頭而話某個人好肥一樣, 所以我唔應該有錯覺以為bb頭細腳細就要夾硬食多d o野谷肥bb...哦, 原來係咁o既!!!

噢, 我仲記得上次16周幾照私家同21周照結構時都度到乖豬係中大碼b o架, 估唔到而家只係中碼bb咋, 仲要係頭細腳短肚腩大o既中碼bb女...um...我都係頭細腰粗咁o既中等身型喎, 老公子就係頭大身高o既大碼身型...咁, 唔通乖豬似我多d????係都唔錯喎...不過都係似爸爸高d腳長d好d, hahahaha!!!!

p.s. 尋日o係一田/jusco買o野時老公子都仲有講笑咁講話乖豬仲有機會係仔...haha, 今日醫生都有照到乖豬重要部位, 佢話'好清楚, 係女o黎!!'...haha, 老公子你死心未呀???