大戰bb展 (27W)

22/2/2011 (27W)

肚圍: 36寸,  體重: 131磅==========================================================

我發覺我個肚早兩日變得好實好實, 好似連胎動都少埋...我估計原因可能係:

1. 星期六日太頻撲, 行得太耐加上個人忙呢樣忙o個樣無時停, 令個肚變實, 亦因為少o左坐低休息, 所以少o左感受胎動
2. 我食o左Materna之後去便便好辛苦, 太用力'谷'...谷到個肚都受壓變硬???
3. 乖豬又大隻o左, 個肚開始唔夠空間俾乖豬玩

總之, 過去兩日乖豬係就係有郁, 但可能個肚太實, 令郁o既尋福度細o左, 搞到我都有d不安, 奇怪我個肚做乜咁硬咁實!!!

尋日星期一番工,生活正常番, 又停食o左Materna 3日, 尋日去toilet無再夾硬'谷'...今日個肚終於都無咁實喇, 胎動又好似明顯番...(我留意到乖豬呢幾日打C Egg o個位都好低, 唔通乖豬個頭已經向緊下面??), 希望個肚唔好再變得咁實啦, 因為o個種感覺真係令人不安呀!!

==========================================================

24/2/2011 (27W2D)

我咪話我懷疑乖豬個頭仔已經向下o既, 理由好簡單咋, 因為每次乖豬打C Egg, 我近pat pat 入面位置就會一下下咁輕力chok, 位置咁低, 佢頭仔仲唔係o係下面??

其實呢, 頭幾次feel到乖豬打C Egg係覺得好得意o架, 但而家...你諗下每日pat pat 入面位置4-5次俾人輕輕力chok下一下又一下, 每次大約20分鐘...雖然一d都無唔舒服, 但都真係幾騷擾o架...hahaha...

==========================================================

26/2/2011 (27W4D)

今日又係一個忙碌o既周末!!

一早10點我就去到威院會合個肚細我一個月o既準媽咪Cindy一齊去聽分娩講座, 2個鐘o既講解都幾清楚, 最有用係佢有show到威院產房d相, 等我終於大約知道威院產房o既環境, 唔錯!!!

聽完講座之後我就出去沙田會合老公子, 因為襯一田bb展買我o地睇中o左o既木床!! 去到一田, 唔係想像中咁多人咁擠擁, 我o地第一時間去買木床, 印像中原價係$1899, 而家大約85折, 賣$1679, 雖然尋日老公子去bb展見到荷花counter會員價賣$1615, 一田好似貴o左少少, 但荷花入會費都$150啦, 計落都係一田抵d, yeah!!!

除o左本床外, 我o地仲買o左Hallmark一套10件o既床品同埋一張遊戲墊, 我同老公都好滿意d戰利品!!!俾完錢安排送貨, 由於木床要4月尾先有貨, 我同老公子都prefer遊戲墊同床品都同床一齊送, 咁就唔使咁快放係屋企佔位置, 不過d一田職員好似懵懵o下咁, 拎住我2張單釘完又拆又影印又釘...亂到飛起, 我老公子事後話佢o地好似玩緊啤牌咁...真係有d worry到時佢送貨會唔會有甩漏呢!!

左一: 尋日派o左老公子去bb展, 點知bb展原來無尿片同奶粉會入...等我仲一早print晒label等老公子入會方便d, 點知都無乜點用...而且, 老公子好大頭蝦, 明明入場券寫明去荷花counter有雜誌送嘛, 佢又唔識去拎, 結果拎得2本disney紙書仔同d無用o既宣傳單張, 乜贈品都無...too bad...
右一: 多謝好朋友Eva俾我o既肚紋膏同幫我print label呢!!
左下: 一田d床品promotion多數係pooh, 但我唔多鍾意pooh嘛,所以揀o左唯一唔係pooh o既hallmark呢款床品, $429一套10件, 480針, 都幾靚!!
右下: 呢d遊戲墊都好似幾多媽咪有興趣, 我同老公子都覺得唔錯, 所以買o左4尺x6尺size, $179!!!

行完一田去食lunch, 經過新城巿地下, 好靚呀, 放o左好多櫻花 (雖然係假o既!!), 影番兩張相先!!

話時話, 我好似好耐無同老公子出街影相呢!!!

我個肚都真係大o左好多咁呢, 塊面都多o左肉o地...haha, 係咪好有媽媽feel???

食完o野, 繼續大戰百貨公司bb展!!!我o地大約3點幾4點去到荃灣吉之島, 吉之島呢度多人過一田好多好多, 老公子行步路都好驚, 因為實在太多大肚婆, d路又窄, 真係好怕撞到d大肚婆呢!!!

當我正對住手上o既checklist煩惱點入手時, 好朋友珍妮打俾我, 原來佢今日都出o黎荃灣吉之島幫個女買o野!!!

o係珍妮指導同幫我格價下, 我終於對手上o既checklist有多d idea, o係好多o野都係藥房買抵d同埋想買o既乾綿無貨之下, 估唔到我都唔係買o左好多o野, 等我仲以為今日o係jusco會大手入貨添!!!...不過呢, 雖然買o野唔多, 但唔覺唔覺我同珍妮又傾又講, 都搞o左好耐...老公子就最悶最慘, 因為我唔得閒理佢, 佢唯有自己去睇d boardgames 玩具解悶...可憐o既準爸爸呀...hahaha!!!

haha, 今日我同珍妮不約而同著o左同一款衫呢 (我o地係分開於淘寶買), 唔影相都唔知, 我同佢件衫原來有分別o架, 咁奇怪o既...!!

最後, 我o地o係jusco買o左$98x o野, 諗番轉頭, 原來o係jusco買hallmark o個套床品抵d, 因為jusco都係賣$429, 但仲有hsbc 9%回贈呢!!!!

呢d就係今日o既戰利品!!!!
我o地o係jusco買o左思詩樂和尚袍($39/2件), 百靈牌耳探($455)+即棄探熱耳套($38.3/40個) (送企鵝公仔), arau二合一bb沖涼洗頭液補充裝 ($165/4包, 同事個仔用緊, 推介我用!), Huggies濕紙巾 ($31.9, disney盒), Huggies初生尿片 ($79.8/2包), bb車雨擋($68)同埋整bb手腳印模o既o野 (唔知點叫...$109.2), 以上貨品全部仲有hsbc 9%回贈!!
上圖右下角o個一盒仔同一包仔係一田買木床送o既德國牌子baby lotion同搽pat pat cream試用裝, 仲有左邊中間o既Lactacyd潔膚液(美贊臣bb會gift coupon換o既!!)!

番到屋企7點幾, 老公子悶到散晒(haha!!), 我就好d, 狀態一定好過上個星期過海去apita...

總結收獲, 其實d bb o野都買得咁上下喇, 剩低o既item, 心目中都大約知會o係邊買 (e.g. bb衫我諗我都係會淘寶, 奶樽奶泵就由朋友度買, 奶煲同事送, 乾綿濕巾尿片或其他就藥房買...), 所以之後d星期六日都應該唔使頻撲去買呢樣o個樣咁辛苦喇, yeah!!!

題外話: 細佬同佢女友上星期去o左日本玩, 之前特地托佢去akachan幫我買o野, 但最後佢o地唔順路無去到, 但佢o地都好好, 幫我去o左babyrus買made in japan o既衫仔(折o左約hkd $8x/件), 我好鍾意左上黃啡色頂帽仔(影相無咁靚!!!2頂帽仔都係made in china, ~hkd$2x-3x)同disney枕頭仔(hkd$8x), 好靚呢!!!乖豬, 記得多謝舅父呀!!!