兔年o黎喇!! (24W)

1/2/2011 (24W)

肚圍: 35.5 (咦, 細過上星期o既??唔通上星期著太多衫度錯左??), 體重: 126磅

大肚look @ 24W
其實冬天咁凍, 我都無影過肚皮相, 側身大肚look都無咩影...haha!!

============================================================

2/2/2011 (24W1D)

今日年三十, 公司假期唔使番工, 我仲請埋初五, 即係連放6日假, 正!!!

今日下午ikea個櫃送o左o黎, 兩個安裝師父都幾好人, 執走晒所有雜物, 又叫我坐埋一 邊怕整親我, 走前又講'新年快樂', 真係好少見d送貨o既咁好人, 要讚下!!!

客廳儲物櫃!!係就係比預計買得貴o左d, 不過鋼琴面真係靚d!!門色係我同老公子揀o既, 紅色襯番電視牆, 好滿意!!!

窄身櫃, 主要用o黎做飾櫃, 所以我o地會裝燈入去!!不過送o左o黎先發現, 原來個玻璃櫃門會倒影對面屋入屋呀...要諗諗辨法睇下解唔解決到呢個問題先得!!!

因為今日我唔使番工, 所以有時間襯年三十執好呢兩個櫃!! yeah!!我d靚靚結婚物資終於唔使屈係書房個書櫃, 可以靚靚咁display出o黎喇!!!

hehe, 自己都覺得擺得靚, 好鍾意好鍾意, yeah!!!

============================================================

3/2/2011 (24W2D)

今日大年初一呀, 兔年到喇, 祝大家兔年大吉大利, 男o既升職加薪, 女o既青春常駐, 越o黎越靚, 個個身體健康, 一世幸福!!!

==========================================================

尋晚唔使去奶奶度團年, 今年可以去同我d親友做節, 我細佬妹仲第一次摸到乖豬踼添, haha!!!

至於今日, 成家人去o左舅父屋企團拜, 好熱鬧呀, 不過可能d食物太肥膩, 正常我feel到想嘔, 叫老公子快手去拎個膠袋俾我時己經太遲...係成班親友前嘔, 好噁心呀, 真唔好意思呢!!!!

今日總共22人, 好熱鬧呢!!

第三代(包括我在內)就玩card games, 第一代同第二代就竹戰!!

邊玩邊食都食到好飽呢!!!

第一代!!!

我舅父呢度個view真係好正!!!

夜晚老公子嫌電視無o野睇, 拎o左盒張學友2002-03年演唱會dvd睇, 一路睇乖豬就一路踼, 睇o左三個鐘都無停過, 勁活潑呢!!!!

今日真係好開心好熱鬧呀, 祝大家都身體健康!!!

===========================================================

4/2/2011 (24W3D)

年初二中午去我媽屋企食榚!!!

七種榚呀, yummy!!!

我幾鍾意呢個紅棗榚,好煙un又唔太甜!!

本來o既一家五口, 而家變o左8口喇, 計埋我肚入面o個個就9口喇, haha!!

食完lunch我o地就玩card games, 下午就食我妹同佢bf買o既雪榚蛋榚, 好味道!!!

夜晚得番我同老公子同爸媽食開年飯, 不過連續幾日都食得好滯好飽, 所以大家都唔係太開胃...而我仲連嘔5餐...haha, 似乎賀年食品都唔多o岩我喇!!!