乖豬食完訓訓完食, 我自覺都叫適應o左, 仲同老公子講其實佢請一星期我都ok, 因為朝朝我媽咪會上o黎幫bb沖涼同拎飯我食, 夜晚老公子去完奶奶度又會拎飯我食, 咁我其實要做都係照顧個女換片同食奶, 點知湊b原來唔係咁間單...
第8日: 乖豬好enjoy沖涼!!雖然我知我媽咪日日上o黎同佢沖涼都幾辛苦, 但我知佢都好enjoy同個外孫沖涼...另外, 由於初生o既乖豬的確幾似初生o既我, 我媽話的確有d似湊緊我咁呢!!
睇o下乖豬幾enjoy!!!
第9日: 臍帶終於甩o左喇!!
首先, 我沖涼時成個浴缸都係血...!!!其實第七日沖涼時無好直接淋生水, 主要用薑水抹沐浴露再係咁二淋生水沖一沖, 估唔到今日沖涼諗住就咁用生水, 花灑照頭淋到腳就出事...我睇住兩腳內側都係血, 一直流到缸中搞到成個缸都係血, 好得人驚, 沖完涼我坐o左係toilet抹o左好耐先止血咁...本來都唔夠膽講俾老公子知, 但後尾見止止o地血都係講o左...
自今次疑似流血不止後, 奶奶煲o既木耳湯(去瘀血, 佢連煲3日叫我食晒d木耳)我唔敢再食d渣, 之後惡露真係明顯少d, 似番m到第一日咁o既量...
第二件黑仔事係今日奶奶上o黎又煮飯, 我借d二話泵奶就入房諗住唔使煩, 點知泵出o黎o既奶水竟然係血紅色, 好horrible, 唔怪得姑娘話頭一個月唔好泵, 似乎我真係扯傷o左乳腺...之後我改用手擠奶, 因為點都要confirm擠奶無血先可以俾乖豬埋身...好彩擠出o黎o既無血, 所以我照埋身, 但至今我都唔敢再用泵, 或者满月後都未必敢用住喇...
最後一件黑仔事就係bb噴奶!!!一直都知應該換完片先餵小朋友食奶, 但bb有時就鍾意食食o下奶去大大, 有時真係唔忍心佢'up'住個pat pat咁耐, 於是呢晚佢食完奶, 我就幫佢換片, 點知我可能舉得佢pat pat太高, 佢即刻嘔奶, 仲要係口同鼻一齊噴奶柱出o黎, 我即刻嚇到好驚, 邊大叫老公邊快手扶起bb坐直掃風...bb一聲都無喊, 好似乜事都無發生咁, 但我就嚇到忍唔住大喊, 因為第一次見bb噴奶, 好驚佢會'濁'親, 所以我好內疚, 覺得係我幫佢換片先搞到佢嘔奶, 成手同成張床墊都係奶o既同時我只識喊, 好彩老公子清理現場同安撫我咋...自此之後, 我真係寧願bb被便便up住個pat pat都唔敢o係佢食完奶時幫佢換片喇...
第11日: 今朝一早再去健康院磅重, 由於自覺個肚都叫扁番d, 我好自然咁係櫃拎條褲出o黎著, 點知...仲差好幾寸先拉得埋...o個刻都幾hurt, 因為我事先完全無諗過會著唔落呢...
另外, 乖豬呢日有3.36kg, 進展良好, 今日姑娘教多次餵人奶, 下星期一磅多次就滿月先再去健康院打針, 好橋今日係我中學同學教, 雖然係識, 但我又唔覺太尷尬...
去完健康院老公子自己出去沙田辦出世紙!!
再另外, 今日換片時乖豬噴便便, 仲要噴到好遠, 網床唔拆得出o黎洗o既地方都污漕埋...抹死我同我老公...
笑得咁奸, 成個男仔咁!!
我有出世紙喇!!
第12日: 奶奶不嬲愛曬命, 所以剛到12朝佢就急不及待叫佢d親友o黎探bb, 其間我拎我剛出世o既bb相俾親友們睇, 佢o地都話乖豬似我, 點知奶奶似乎呷醋, 猛唱反調, 話bb唔似我, 似我老公...奶奶仲襯我唔為意成塊面貼落bb塊面...我都係睇番d相先知...今次到我呷醋喇...我咁多日都無試過哄bb呢, 奶奶成日懶係合衛生講到自己差d要戴口罩先上o黎探bb, 點知自己轉頭又唔洗手又用面哄bb, 太過份!!! :(
乖豬第一次睜大眼大笑被拍到, 不過抱住佢o既唔係我...
第13日: 剛剛先話乖豬食完訓訓完食, 我最多訓少d咁解, 都唔難照顧, 呢頭見完健康院姑娘以為餵人奶己經無乜問題, 點知今日個女食奶d pattern亂晒, 埋身30min好似訓啦, 放低落床5-10min就醒晒, 再幾min後又喊又扭食, 如是者30min埋身, rest 20-30min 再埋身30min...可以連食我2-3hr先真係訓著...唉...坐係度又呵又tum都唔訓, 成日要食, 就算我夠奶都無咁快recover到, 兩邊都清晒個人又支力, 搞到我成身散晒, 亦好懷疑係咪我唔夠奶, 所以佢食極唔飽???
另, 上星期到衛生署個甲狀腺驗血報告正常!!
第14日: 乖豬繼續大食積上身, 夜晚12點食到我3點, 真係搞到我人都癲, 同一時間, 奶奶又自把自為話要上我屋企煮飯, 我好有禮貌咁表示自己要休息, 所以唔想佢上o黎煮煮晚飯, 就咁下午探bb就ok, 點知奶奶同姑仔發神經, 又話我命令佢, 講到我好似永世唔俾佢上o黎煮飯唔俾佢見個孫咁, 搞到我身心都好難受, 身體上己經無得休息, 精神就更加受折磨, 最後我第二日又要認低威扮乖打番俾奶奶, 講到我喊到崩潰咁滯, 我媽咪上o黎見到都喊埋一份, 我每次諗番起媽咪為我喊我更加忍唔住喊, 係呀, 你個女做人新袍真係好受屈呢...
從今次件事我真係更加憎奶奶, 特別憎姑仔, 點解我唔可以襯今次直頭同佢o地反面一了百了???點解最後又要捱我奶奶成個鐘長氣, 仲要佢以為佢o岩晒我錯晒!!!!
乖豬真係成個仔咁...
想像下代入你, 都覺得好唔開心, 真係好委屈呀 >.<, 你要加油撐住呀!! 為左自己身子, 唔好喊呀!
回覆刪除[SkyBlue回覆06/11/2011 16:35:00]我媽都係咁叫我, 話坐月喊以後都眼腫, 不過真係好唔開心...anyway, 我喊到傻奶奶終於好似明我坐月要休息, '暫時'唔會上o黎煮飯住...但我相信坐完月, 佢呢個request應該仲係會不斷出現... 你都知我幾唔鍾意佢, 佢真係上一次o黎我就煩一次, 所以盡可能我都想保護自己, 同佢o地保持距離, 先至咁介意佢入侵我個廚房...
加油! 挨過左頭兩三個月, 之後會漸入佳境!!~ 其實湊B對我地呢D 80後真係難的, 可能我地都無乜經歷要湊細佬妹的日子 (即是上一代人咁), 所以乜野經驗都無啦~~ 我生完BB要買過晒所有衫褲, 好慘!! 不過我仲抱有希望係可以著得番~~~~
回覆刪除[SkyBlue回覆06/12/2011 10:38:00]唉, 好彩而家唔使點出街, 又係夏天, 唯有繼續著大肚褲或裙算啦, 希望慢慢真係減得番啦...
又留血奶又有血水... 真係好驚啊. 有無問姑娘點解? 小心身子啊. 我朋友整咗個 screen 等換片時啲屎尿唔好周圍飛... 你都可以試試. 你老公是你奶奶個仔... 好難一了百了. 我估 BB 亦都是你奶奶第一個孫, 所以佢都好緊張好興奮吧. 婆媳關係 - 一門唔簡單的學問... good luck!!
回覆刪除[SkyBlue回覆06/12/2011 10:42:00]惡露應該似係界傷手沖水咁, 搞到止唔到血仲會不斷流血咁樣, 所以之後我沖涼都唔敢照頭淋到腳咁淋水, 所以呢個情況無再出現喇, 我都有問人惡露流幾耐, 似乎我食少o左木耳後d量都正常番,所以暫時無理喇!! haha, 我o地而家換片一聽到佢放屁屁都好驚, 用片即刻檔住佢pat pat...不過之後都仲有試過2次檔佢唔住...haha!!! 唉, 所以我成日都好羡慕其他人有個相處到溝通到o既奶奶!!
ai ya... 沖涼流咁多血, 你傷ロ未好番???? 好慘... 真係好恐怖呀.... 咁之後係咪冇用花灑照頭沖一排呀???
回覆刪除oh... 你奶奶係咪想照顧你多d呀??? 佢知你沖涼流咁多血好 worried 你?? 你有冇叫你老公子同奶奶反影吓??? 由個仔講可能容易d.... 而且你媽媽每日來為你打氣... you are not alone!
Take care!
[SkyBlue回覆06/12/2011 10:44:00]可能食木耳多拎血量多仲要沖水所以先搞到流咁多血啦...之後沖涼都真係唔敢照頭淋, 同埋無食咁多木耳後真係血量少d, 而家應該無咩問題喇!! 我奶奶佢只識掛住個仔同個孫, 我呢d只係配角... 多謝支持呀, thanks!!!
見到你奶奶同姑仔咁，都登你唔開心，但家家有本難諗的經，你同你奶奶姑仔關係差即是你老公都會好難做, 你乖孫同你奶奶同姑仔既關係都係改變唔到，所以到第時你乖豬大左佢都會難做, 可以的話慢慢感染佢地，如果最后真係溝通唔到，試下避開下應該係最后既方法，你的家庭以你、你老公、你乖豬為基礎，唔好因為D閒雜人等而主導你既心情，知嗎？做番個成日笑同開心既FEON媽媽啦~
回覆刪除同埋見你惡露好似仲咁多，你要小心身子，坐月真係好重要嫁，如果坐得唔好會好影响你第時既健康。
揍BB係門高深學問，遇到有問題唔使驚，你一驚停左係度你乖豬仲唔知點算好添！冷靜D慢慢黎就OK了，特別係你老公唔係度得番你一個個陣添，你要加油呢～
[SkyBlue回覆06/12/2011 14:48:00]唉, 我都知, 個女同老公都有我奶奶d基因, 但我絕對唔會俾我個女似我奶奶咁變態...haha!! 惡露方面, 無食木耳後正常番喇, 而家似m完咁上下o既量, 唔知幾耐先真正完呢... yes, 其實我都有d驚得我一個人bb嘔奶時我會唔知點算o架, so far老公番番工後未試過, 但下星期老公要出trip三日呀, 希望到時平平安安渡過啦!!多謝你十卜呀!!
餵人奶唔可以食木耳架， 會減少人奶，書都有寫，所以你都唔好食住啦
回覆刪除[SkyBlue回覆06/12/2011 14:44:00]係??我只係知唔食得豬潤, 乳鴿同淡豆鼓咋!!!我食木耳o個幾日除惡露明顯多外, 又唔多覺奶量少, 可能影響唔太大!!
咁就好啦。我b日頭成日扭訓覺，又訓唔到。夜晚呢家11點食完，都訓到4，5點咋，不過好彩夜晚佢自己識入睡。
回覆刪除你女的名都有d中性，我女叫凱靖！
[SkyBlue回覆06/12/2011 14:58:00]係呀, 係夜晚8-12呢段時間辛苦d, 好用精力同佢搏鬥咁, 但只要佢一訓著, 咁我好彩都可以訓到4-5hr, 都算係咁!! 我女個名聽落中性d, 你女個名明顯女仔好多, haha!!
睇到你同奶奶既角力都覺得好攰!! 希望慢慢會好起來啦~~加油 其實我一直都知bb唔易湊, 尤其係初生, 但真係會咁頭痕?? 你會唔會請工人/做全職媽咪? 我都好驚到我時會拿手唔成世呀!!! btw, 點解花洒照頭淋會係咁流血既???
回覆刪除[SkyBlue回覆06/12/2011 19:15:00]係呀, 我都覺好支力, 你想像下我認識我呢個野蠻外星奶奶十幾年, 我忍耐力真係到極限呢... 其實初生bb只識食, 疴同訓, 都唔係想像中咁難照顧, 不過bb間中就會俾d surprise你, 好似嘔奶, 噴便便, 仲有忽然食奶pattern唔同晒等等, 要應付呢d先最頭痕囉...而家bb仲細, 仲未病, 我諗到病時我仲頭痕呢!! 我建議你生前開晒d bb用品試用下, 睇晒說明書會好d, 因為我就係無咁做, bb番到屋企先拆盒, 真係手忙腳亂, 希望你唔好好似我咁呢!! 我會做全職媽咪呀, 所以我就係佢工人呢, 到時又要煮飯又要照顧bb, 都幾大挑戰o架, 希望我應付到啦!! 最後, 我估係d水淋到下面, 搞到d血唔礙結所以係咁流, 有d似你界損手係咁用水沖咁, d血就會猛流唔會礙結一樣!!
婆媳關係永遠都係最令人頭痛
回覆刪除亦無解決既方法
唯有少D見面減少磨擦
[SkyBlue回覆06/13/2011 15:09:00]係呀, 但我想避, 佢想見, 咁都好煩!!!特別係我之後唔使番工, 都好難避...
我覺得身一個月比較易嘔奶,可能胃未發展好,兩個月打後都好小再嘔呀@
回覆刪除頭個月真係好難捱呀,捱過頭個月會易處理好多啦!
你99好煩下呀,不過都冇計呀呢家野...
[SkyBlue回覆06/13/2011 15:14:00]係呀, so far 嘔過三次喇, 得一次連鼻都噴奶, 而家我諗touch wood再嘔我都無咁驚o架喇!!!
新抱同奶奶就好似係天生架宿敵, 總係好難相處, 你都好d, 可以唔一齊住, 但我就同奶奶一齊住, 雖然宜家相處都算ok, 但我勁驚阿b出世後, 會同佢有好多意見不合, 到時實嘈大鑊,諗起就驚~~
回覆刪除[SkyBlue回覆06/13/2011 15:17:00]婆媳關係真係唔簡單, 我有朋友本來同奶奶關係ok, 但講到湊b兩代手法唔同, 都會起衝突呢!! 祝你好運!!!
我覺得乖豬真係好似你呀Feon , 唔好諗咁多啦 , 而家咩都要囡囡行先啦!!!
回覆刪除[SkyBlue回覆06/15/2011 13:29:00]thanks 小卡!!!你張profile pic好靚呀!!
婆媳問題似乎係一直都存在的 esp.湊B tim~ take it easy la
回覆刪除[SkyBlue回覆06/18/2011 15:43:00]thanks~~~呢個問題真係'未解決'...呢世都解決唔到...