...bb抹乾淨o左, 助產士就抱o黎同我o地合照, 可惜我部相機連埋我d行李鎖住o左...所以咁珍貴o既相, 只能用我老公子部手機影, 好彩都有300萬像素, 唔太差o既...
之後老公子要離開產房, 助產士就問我想自己疴胎盤定佢o地幫我拉, 我當然叫佢o地幫我啦, 當刻真係咩力都無喇!!! 助產士邊檢查我胎盤邊教另一位助產士, 原來個胎盤都好大個o架! 同一時間, 另一個姑娘就同我講"好靚呀, 含氧量100%呀", 我無深究, 我估係講緊bb血液含氧量o卦, 總之佢話data靚就得喇!! 至於我, 由於無咩野做, 就望o下訓係不遠處箱中o既乖豬, 我見到佢喊都唔喊, 仲睜大對眼周圍望, 好得意!
終於聯針, 係男醫生, 佢話我傷口都算爆得勁...可能因為我生得太耐, 磨傷晒, 佢話我入面有一忽俾bb扯甩o左...由於要聯一段時間, 我就同醫生吹起水上o黎...極好傾咁, 聯針都唔痛, 聯好後醫生同助產士講我呢個產婦都幾得意幾好傾, 我就答佢話之前成晚陣痛o野都講唔到, 而家唔講幾時講...haha!!!
聯完針4點半, 我request姑娘抱乖豬俾我埋身餵, 餵得極成功, 一d都唔痛, 餵o左半個鐘我先連埋bb一齊送上產後房!!送上房其間聽到有人讚bb精靈得意, 可能因為佢一直眼仔碌碌, 唔似多數bb合埋眼啦, haha!!!出到lift大堂, 見到由十點幾一直係產房外等候o既爸媽同老公子, 我o地一齊坐lift去產後房, 我爸己經急不及待猛用手機影外孫, 仲不斷話佢眼仔碌碌呢!!
到產後房5點半, bb要沖涼被人拎走o左, 呢個時間剛好探病時間(d時間真係夾都無咁準!!!), 爸媽細佬妹老爺奶奶姑仔都有o黎, 但我剛生完, 心情仲好激動, 見人就講"生仔好恐怖", "下胎開刀算" 等等, 仲忍唔住眼濕濕...可能因為剛生完, 雖然好開心好多人探我, 但其實我覺得5點半到7點半呢2個鐘探病時間有d難捱, 因為我無得休息, 產後房冷氣又細, 我熱到成身汗媽咪又要迫我襯d飯熱時食, 真係熱到我人都癲呢...
anyway, 終於7點半完o左, 我終於可以躺係床休息o下, 雖然心情激動又熱都唔會訓到, 但都叫有少少時間養神!!
好似到8點幾9點吧, 乖豬終於推番俾我照顧, 我亦終於由懷胎10月o既女主角, 變為乖豬o既工人, 展開我無得訓o既生捱...
辛苦了~~好好休息呀!! bb快高長大, 呵呵 :)
回覆刪除[SkyBlue回覆06/03/2011 15:35:00]多謝呀, 等遲d settle再約大家o黎探bb啦!!
湊豬湊成點呀
回覆刪除[SkyBlue回覆06/03/2011 15:52:00]三日前開始佢變o左好大食呀, 30min訓o左之後5-10min又醒又扭食, 如是者餵足2-3hr都有...我訓得好少呀...d人話bb第3個wk就猛長期會食多d o野, 但我bb個幾星期人仔咋, 都唔知做乜咁大食...
係囉~ 真係夾都無咁準，D探病時間好準，其實一生完D屋企人可以即時黎探你係好好彩嫁，佢地唔使再企係度呆等又可以見下你同乖豬~
回覆刪除不過你聯針都仲有氣力同醫生講笑, 醫生又咁勁話咁難聯都可以分心同你傾計都好野~
恭喜你順利順產咁生左你既乖豬，祝你乖豬快高長大～
話是話，你都生左你乖豬，可以開估佢中文名未？
[SkyBlue回覆06/03/2011 15:53:00]你上o黎探bb時開估你知啦 :)
我同你相反, 生完去產後房2點半, 訓到第二早, 起左身仲食埋早餐鬼咁開胃~~~ 不過我係起左身先餵第一次奶.... (第一次餵奶時間訓左, 姑娘又無叫醒我, 佢地話我發緊燒喎)
回覆刪除你B女都肯食奶, 加油ar~~~
[SkyBlue回覆06/03/2011 15:54:00]嘩, 你訓得著咁好o既, 我陣痛+生完o個晚連續48小時無訓過, 真係眼訓到傻呢!!
你既生產都幾順利 ^^
回覆刪除我諗我應該無你咁好彩啦...><
[SkyBlue回覆06/03/2011 15:55:00]未必o既, 你一定都可以順順利利生bb, 加油呀!!
我果時姑娘聯針都好痛呀，仲有，我係同bb分開去產後，生完幾個鐘先見番佢呢，但醫院就生完12小時先俾我全權照顧，所以都有得休息下
回覆刪除[SkyBlue回覆06/03/2011 15:57:00]我有打止痛針呀, 所以唔痛!!你就好啦, 我陣痛+生完第一晚就要湊b, 連續48小時無訓過...
乖豬識揀時間世黎WOR 真係夾都冇咁好~~ 個時我媽咪個D等左幾耐 我生完搞掂哂都夜晚9點幾 老公同我屋企人都冇得睇BB
回覆刪除[SkyBlue回覆06/03/2011 16:00:00]其實我家人都睇唔到bb, 因為bb拎走o左去沖涼呀, 所以大家都係探我咋!!! anyway, 有人即刻探我當然開心啦, 不過真係有好有唔好, 因為無得休息, haha!!
見到你話聯針時, 仲可以同醫生吹水真係好勁呀! 我睇到都有少少心寒呀~ 你個bb好得意呀, 一出世就眼仔碌碌, 好精靈, 似晒個靚媽咪!!
回覆刪除[SkyBlue回覆06/03/2011 16:02:00]放心, 唔使心寒, 其實聯針時打o左止痛針, 所以無感覺o架!! haha, 其實都係個醫生吹得2嘴我先會答到嘴, 當時生完個人可能仲好亢奮, 其實都唔會訓得著!!!
聯針一d都唔痛架? 定係打左止痛針?
回覆刪除[SkyBlue回覆06/03/2011 15:35:00]打o左止痛針, 所以一d都唔痛呢!!
一口氣睇完生產記...我痛「暈」左... 我一定唔得.. 我超怕痛.. 都係開刀好了！
回覆刪除[SkyBlue回覆06/03/2011 16:02:00]我生完都係咁諗, 不過而家對o個種痛又模糊o左...我都唔知下胎o既話開刀定都係順產...haha
好好休息
回覆刪除好想睇下乖豬而家係咩樣呀
[SkyBlue回覆06/03/2011 16:06:00]呢排仲要忙於適應呢, hehe, 遲d啦, 遲d一定會再post佢o既近照!!等我呀!!
辛苦你啦......真係偉大的媽媽!!!
回覆刪除[SkyBlue回覆06/06/2011 13:30:00]thanks, 不過原來湊女仲辛苦過生...haha~~
你好勁阿， 不過我覺得你真係好偉大
回覆刪除[SkyBlue回覆06/10/2011 10:19:00]所有媽媽都偉大!!到你做人媽媽時一定都係!!
乖豬既工人 <-- 呢份工必定做得你好 enjoy!
回覆刪除再次恭喜你地﹗
[SkyBlue回覆06/10/2011 10:20:00]多謝你呀!!!haha, 暫時呢份工都ok, 係眼訓d!!!
真係好得意喎~我以為要一段時間先開眼呢~*0*
回覆刪除[SkyBlue回覆07/25/2011 14:40:00]我有朋友話佢bb成個星期先開眼...haha