鼻鼻掂水!

乜都知!

乖豬16個月大! (31/8 - 27/9)

好耐無blog, 時間上實在越o黎越唔許可我寫blog喇, 特別係呢段時間我開始習慣把握乖豬訓午睡o既時候, 做完家務都跟住Hup一陣, 所以就更加擠唔出時間寫blog喇!! 而家寫blog多數都係o係我番娘家時唔使湊女先可以寫, 希望月記方式可以堅持到啦, 加油!!!

乖豬16個月大喇!!

體重: 22-23磅

身高: 無度

便便: 大約每日1次, 間中會隔日

食: 每日2餐粥, 2餐奶+1餐Tea

新識o既說話: 問知唔知/似唔似/明唔明 會識答 知/似/明, 除o左一向識叫EO做'E', Pooh 做'Pooh'外, 而家好清楚咁識叫埋'虎' (跳咷虎)同埋'Pig Pig' (Piglet), 仲識叫'Rin Rin' (人人, 都係公仔o黎), Mama (麥嘜, 發音同媽媽好似), 認得'A'同'B', 特別係'B'字, 係電視一見到就會大叫'B', 睇到BB識叫人做'Baby'

發展: 行得快左, 但仲未跑, 識扶住上樓梯, 同佢去會所自己雙手扶住一步步由地下上到3樓都唔夠喉咁!!! 識得自己Sir滑梯! 入形狀方面, 應該認得D形狀喇, 但呢排佢唔鍾意玩 (可能之前成日迫佢入, 唔鍾意), 只係一味倒晒D形狀係地下, 唔肯入, 仲未有機會拍低!!

自理能力: 同上個月差唔多, 另外多o左個習慣, 就係訓醒覺一定要搬晒床上o既公仔出廳, 訓覺又會由廳搬番晒入房!

最後, 繼續揀歌仔, 呢個星期鍾意聽'麥兜'!

2/9: 今日去o左一個生日Party, 慶祝中學同學個仔仔2歲生日!!! 佢同6299一齊住居屋, 間屋800幾呎勁大勁實用, 你話想當年剛出o黎做o野就識抽居屋你話幾正, 咁而家負擔就唔使咁重嘛!!

呢個蛋榚係我中學同學為個仔整o架, 好勁!!!

主人家送o左隻狗仔氣球俾乖豬, 乖豬超開心!

 

5/9: Karen入o左o黎我屋企探我, 仲同乖豬游水添!!!

乖豬已經完全唔拍水, 游水游得勁自在同開心!!

6/9:

新手袋仔, 好八妹仔呢!! 

14/9: 爸媽結婚周年紀念!!! 我o地番去上年食飯o既地方, 仲坐番同一張枱呢!!!

一年前:

15/9: 今日跟老公子隊波一齊入長洲玩!!!

乖豬點幾鐘訓o左!!

我同老公子食下小食!!!

乖豬訓o左近2小時, so good, 一起身就係沙灘玩沙, 好開心!!!

 
不過好搞笑, 佢唔慣o係沙上面行個感覺, 開頭放佢企係度佢就一步都唔敢郁, 兩腳插係地一味大叫抱抱要人幫佢!!!


唔幫佢咩佢又無發脾氣喎, 反而企係度彎腰玩沙, 個pose好搞笑!!! 結果佢要到臨走前先適應到D沙, 總算敢周圍行喇!!!

老公子D friend留係長洲過夜, 我o地就坐5點幾船走, 番到屋企都7點半有多喇, 呢日真係好攰呀, 但睇見乖豬玩沙咁開心都值o既!!!!

16/9: Hip Hop Look!!!

呷醋

注: 佳佳 = 唔該借借

第二次Ultrasound (10W)

終於可以再同小B見面喇!!!

照出o黎係10W3D, 同上次照o既EDD差3日!! 

小B d手腳仲係好似個波咁, 好得意, 仲見到佢郁添呢!! 一睇見佢郁真係莫明咁開心, 就算嘔得幾辛苦, 腰再痛都好似抵番晒咁!!!

另外, 體重持續下跌, 而家得番118磅, 無o左6磅喇, 差5磅就番番去我未陀乖豬前o既體重喇!!! 醫生見我輕o左, 開o左D維他命同鈣片叫我13周後食!!

嘔嘔嘔, 體重不斷下跌!!! (7-9W)

6/9: 

今次嘔得仲勁過上次, 上之嘔極都食到正常份量o既食物, 但今次每餐食得少少就頂住, 由有左到而家, 已經輕o左3-4磅, 磅數終於回落到120以下, 係就係恨o左好耐, 但都不免有D擔心再咁落去會唔會營養唔夠...

而家我每餐都要當2餐食, 作嘔情況好似真係減少o左, 但人總係有D犯賤, 害喜輕微o左係無咁辛苦, 但我就硬係因此有D擔心, 因為而家只有害喜感覺先令我feel到BB o既存在呢, 所以害喜少左, 難免令我有D胡思亂想, 真係矛盾!!

================================================================

11/9:

終於8周幾喇, 個肚好似大o左少少, 比較實, 有少少唔似之前胃氣脹咁, 不過依然係一朝早個肚會平D扁D!! 另外, 體重依然下降中, 得番119磅, 懷孕後輕o左4-5磅了!!

================================================================

21/9: 

上星期放低個女俾屋企人再瞞住佢o地兩公婆去o左大圍睇樓, 可惜我o地太失策, 就咁walk-in同高估o左心水屋苑o既放盤情況, 由於地產舖無匙係手, 搞到用o左4個鐘都只係睇左3個單位, 加上之前一日又去o左長洲玩o左成日, 真係攰到我飛起, 條腰好似就斷咁, 好辛苦!!

呢幾日害喜好似減輕o左, 我每餐食到o既份量好似多番, 亦無咁易嘔, 但我亦因為咁又胡思亂想...好彩, 我一出街食飯依然嘔吐大作, 咁先無咁驚!!! 下星期一終於可以再同小B見面喇, 好期待呀, 我好掛住你呀!!

轉轉轉~乖豬轉食illuma喇!!!

轉轉轉喇, 乖豬轉奶粉喇!!!!

 
illuma stage 3 幼兒成長配方奶粉

haha, 相都影埋, 真係好隆重其事咁喎~~~ 咁緊係啦, 因為我都考慮o左一段時間先有呢個決定o架!!

其實乖豬食緊o個隻都OK, 食o左4個月都無咩特別問題, 但最近見到幾位身邊識o既blog 媽媽都轉o左, 加上見到illuma o既電視廣告主題主打'親和人體配方', 同一般奶粉好唔同, 所以我就決定要了解o下illuma係乜東東, 話晒, 轉奶粉對BB健康都有直接影響, 咁大件事, 點都要做多d研究先得!!

了解之下, 原來illuma 有一種特別成份, 叫做Sn-2 Palmitate (Sn-2 棕櫚酸), 呢種成份, o係母乳中都存在!!! 呢種結構o既脂肪比較容易被BB腸道吸收, BB營養吸收得好, 自然容易肥肥白白!!! 唔單止咁, 由於呢種結構o既脂肪可以減低鈣質同脂肪酸產生作用, 咁就少d鈣皂o既形成, 鈣皂少d 唔止代表BB便便無咁硬, 仲代表鈣質無咁易隨鈣皂從便便中排出, 鈣質吸收好o左, BB肥肥白白之餘就更易骨骼強健啦!!!!

haha, 上面資料勁哩?? ...失禮, 呢D當然唔係我隨口Up o架啦, 其實我係o係illuma o既官方網頁搵o架, 佢o地有晒圖畫解釋Sn-2係乜東東, 睇完真係易明好多!!!

ILLUMA 特別成份: 結構脂Sn-2 Palmitate

當然啦, 只係參考illuma官方網頁唔夠全面, 所以我仲睇o左少少其他網頁o既資料:

Sn-2 棕櫚酸 - 最貼近母乳脂肪的結構 (Source: Yahoo Knowledge)

Sn-2 棕櫚酸 (Source: Wikipedia)

除o左Sn-2外, illuma仲有其他營養成份: 

(haha, 之前乖豬由人奶轉奶粉時我反而無咁有心機研究, 而家真係連罐上o既營養標簽都睇埋!!!)

好似AA/DHA, Alpha蛋白同水溶性膳食纖維仲有各種維他命!!! 不過我就無再一隻隻營養研究喇, 巿面上其他奶粉o既廣告大至上都有提及呢D營養, 呢D營養對BB腦部發展同成長一定有好處, 所以我都好放心!!


另外, 我仲搵到篇好有趣 o既reference, 就係2011年5月24 (咦, 乖豬本來o既預產期呢!!!!)o既一篇報道, 內容唔單止指出人奶中o既Sn-2 所帶俾BB o既益處, 仲提到當時香港仲未有奶粉有呢種成份, haha, 估唔到報道出o左後, 而家香港真係有奶粉有呢隻成份呢, 對我呢個曾經餵母乳o既mama o黎講, 真係好消息呢!!! 

具獨特脂肪 sn-2棕櫚酸　助大便鬆軟 幼嬰食母乳　便便暢通
 

雖然, 我o既餵人奶生捱o係乖豬10個月大時, 因為供應不足就結束o左...但我諗番起仲係好懷念, 如果唔係供應不足, 相信我而家都應該仲堅持緊餵人奶中...

"雖然自知'退休'o既日子不遠, 但連續兩晚Koey忽然唔肯再埋身, 我還是不能自已地感到很傷心...10個月了, 實在不捨...唉, 我要失戀了!!!"...

 
上面句facebook status 係乖豬10個月大時寫o架, 呢個就係10個月大o既乖豬...唔好睇佢紮晒孖辮咁cute, 佢唔肯再埋身時我真係超hurt, 而家睇番當時句status都仲係有d酸溜溜o既感覺...

諗番起當初餵母理o既理由, 都係想俾最好o既乖豬 (當然, 人奶mama都要有健康飲食啦!!), 既然而家有奶粉 o既配方可以做到'親和人體'o既效果, 真係無咩理由唔俾個機會乖豬, 等佢再次感受下母乳帶o黎o既益處...

所以, 就係為o左呢個母乳情意結, 為o左'親和人體'呢個概念, 為o左俾我能力所及最好o既乖豬, 我決定轉食illuma!!!!   

好似好長氣咁添, 希望乖豬都開心有新奶粉食啦, haha!!!!

20120720: 乖豬14個月大喇, 希望你繼續健康快樂呀!!!!

A to Z

雖然有排都未講得正, 但牙牙學語o既呢一刻真係好搞笑!!

第六十六至六十七周 (17/8 - 30/8): 乖豬15個月大!

15個月大!

體重: 21.8磅

身高: 無度

便便: 每日1次

食: 每日2餐粥, 2餐奶+1餐Tea

識講: 爸爸, 媽媽, 佳佳(唔該), 抱抱, 歌歌, Kitty, pooh pooh, 姨姨, 舅舅, 爺爺, 麻麻, 姐姐, 車車, no no, wo wo (狗), 虎 (跳咷虎), 無無, 波波, 包包, 兔兔, 帽帽, 花花, 飯飯...(開始數唔到咁多喇!)

發展: 行得幾穩, 但仲未去到跑o既程度, 出街會乖乖拖實大人, 亦好鍾意主動拖住我或老公子去playmat陪佢玩!! 

自理能力: 其實都無話咩自唔自理, 只係學大人入屋就除鞋同socks(當然要幫)同放番好係鞋架!
終於識唔玩spoon, 乖乖將食物'畢'入口, 無再FING到周圍都係!!
會有限度地幫手執玩具!!! 雖然都仲係好鍾意倒晒D玩具係地下之後就唔理, 但每次佢想玩另一樣野時聽到我叫佢執番好之前o個樣玩具佢都會乖乖幫手執好先!!

最後, 繼續勁有主見, 而家聽歌會揀歌仔, 特別係聽完某首歌好聽, 之後播第二首就會出聲'歌歌' 示意要第二首歌!! 早排夜晚一定要我唱'One Little Two Little Indian'o個首歌, 無啦啦有晚唔鍾意, 我唱'London Bridge is Falling Down'先無投訴, 就連唱中文版'有隻雀仔跌落水'都唔俾, 真係唔知佢個腦仔諗咩野, HAHA!!!

18/8: 去Snoopyland玩, 今次真係識行喇, 佢可以周圍走, 睇得出佢玩得幾開心!! 今日仲夠膽sir滑梯, 可能開始唔怕喇!!!

今周精選相:

自己企起晒D人仔骨牌

呢張好少女呢!!