嘔嘔嘔, 體重不斷下跌!!! (7-9W)

6/9: 

今次嘔得仲勁過上次, 上之嘔極都食到正常份量o既食物, 但今次每餐食得少少就頂住, 由有左到而家, 已經輕o左3-4磅, 磅數終於回落到120以下, 係就係恨o左好耐, 但都不免有D擔心再咁落去會唔會營養唔夠...

而家我每餐都要當2餐食, 作嘔情況好似真係減少o左, 但人總係有D犯賤, 害喜輕微o左係無咁辛苦, 但我就硬係因此有D擔心, 因為而家只有害喜感覺先令我feel到BB o既存在呢, 所以害喜少左, 難免令我有D胡思亂想, 真係矛盾!!

================================================================

11/9:

終於8周幾喇, 個肚好似大o左少少, 比較實, 有少少唔似之前胃氣脹咁, 不過依然係一朝早個肚會平D扁D!! 另外, 體重依然下降中, 得番119磅, 懷孕後輕o左4-5磅了!!

================================================================

21/9: 

上星期放低個女俾屋企人再瞞住佢o地兩公婆去o左大圍睇樓, 可惜我o地太失策, 就咁walk-in同高估o左心水屋苑o既放盤情況, 由於地產舖無匙係手, 搞到用o左4個鐘都只係睇左3個單位, 加上之前一日又去o左長洲玩o左成日, 真係攰到我飛起, 條腰好似就斷咁, 好辛苦!!

呢幾日害喜好似減輕o左, 我每餐食到o既份量好似多番, 亦無咁易嘔, 但我亦因為咁又胡思亂想...好彩, 我一出街食飯依然嘔吐大作, 咁先無咁驚!!! 下星期一終於可以再同小B見面喇, 好期待呀, 我好掛住你呀!!