21W磅重番番去120磅喇, 不過我覺得呢日著件冬天衫重D, 所以實際可能唔夠120, anyway, 跌8磅升番4磅, 都OK啦, 話晒我出街都仲係嘔得幾勁, 所以暫時體重升得慢D都好正常!!!
講番胎動, 其實踏入16周已經好似feel到少少, 但由於Kobe弟弟實在仲細, 所以每次我'feel'到後都好唔肯定!!! 踏入17周, 胎動開始比較'實在', 我亦比較肯定, 不過上胎我都係17周就feel到胎動, 所以今次都係差唔多, 唔算早過上次!!
唔知係咪我已經忘記乖豬o個陣o既胎動係點, 硬係覺得Kobe弟弟D胎動好似勁D, o係19-20周開始, 我已經係無時無刻都feel到弟弟踼我, 連企o係度都feel到, 到20-21周, 直頭多o左feel到佢好似打司egg 咁有規律地踼, 我印像中Koey應該無咁早打司egg吧??同埋o個陣好似企o係度就無乜feel到踼??
由於胎動都幾明顯, 有時仲踼到近肚臍位, 所以呢排都有試o下叫Koey摸下弟弟, 上面條片仲拍到佢俾弟弟踼到'噢'一聲叫, 好肯定佢摸到!!! 雖然同Koey講過弟弟係Baby, 叫佢鍚佢, 佢亦都好似好明白咁, 但唔知o係Koey腦仔入面, 會覺得我肚入面郁o既係乜東東呢??? 真係世上只有BB Koey先會知喇, 到佢大個, 睇怕佢睇番片都唔會明, HAHAH!!
我仲好懷念三十幾周踢到果肚歪晒的情景，哈哈
回覆刪除[版主回覆12/11/2012 17:06:44]我呢排都有諗幾時會踼到肚歪, 有D期待!!
very cute!!!!
回覆刪除[版主回覆12/11/2012 17:06:57]thanks Jennifer!!
我都好想快d比bb踢呀..唔知個感覺係點既呢
回覆刪除[版主回覆12/11/2012 17:08:30]而家你都feel到啦, 似有D氣泡又似有人敲門, 再大D成個肚突起時就仲搞笑!!
當仲陀住2B時, 雅宏好鍾意鍚我個肚, 得閒會摸下, 點知....到細佬出左世後, 佢仲覺得我個肚有D野咁, 得閒都會掀開睇下或鍚下, 真係比佢激死仲唔肯鍚細佬 (我諗佢理解唔到媽咪肚入面舊野已經出左黎la)
回覆刪除不過女仔理解力及同理心都強D, 可能佢地會明白多D (i guess)
[版主回覆12/14/2012 00:01:23]Koey而家都成日想掀我衫模肚, 但我開始唔俾, 話冬天凍, HAHA!! 佢都會鍚我肚, 呢幾日問佢或爸爸肚入面有無弟弟, 佢仲識擰頭添, 好似真係好明咁, 希望弟弟出世後佢真係唔會太呷醋啦...不過女仔天性...好難講!!