假日親子甜點: 簡易Baby版'木糠布甸'

上次提到Koey d HiPP 象仔餅Kobe仔有得睇無得食,  於是我就開埋俾細B食o既HiPP牙仔餅俾Kobe試!! 點知Kobe得兩隻牙仔, 又係第一次食牙仔餅, 所以完全唔識食, 都係要我'啪'斷先食到少少!!

um...既然係咁, 不如索性整碎晒佢, 整'木糠布甸'啦!!!!

首先預備材料:

HiPP 牙仔餅 & 桃味糊仔~

步驟:

1. 壓碎餅仔

呢d粗重功夫就留俾Koey做啦~~

2. 開糊仔!

糊仔已經開好, Koey仲好努力咁壓餅碎~

3. 於容器灑一層餅碎, 再淋一層糊仔, 重複直到容氣盛滿!

大功告成!!!

賣相似唔似真o既木糠布甸?

係時候搵隻白老鼠試o下先~

好味!!!

梗係啦, 兩樣材料本身就好味, HAHA!!

haha!!! 好喇好喇, 講真, 搞完一大輪, 當然唔係旨在想細佬食o左d餅餅, 又或者整靚靚以圖用賣相吸引Kobe仔食啦!! 其實整親子料理最開心o既, 係過程!! 由於我都有好一段時間無同Koey整餅整蛋榚, 呢日有得俾佢整餅碎佢似乎已經好開心, 仲好賣力, 細佬食剩o個d佢又清埋, 可想而知佢都幾鍾意同媽咪玩親子料理!!

好, 打鐵襯熱, 今次整完Baby版木糠布甸, 下次一於整個大B版俾Koey同我一齊整同食先!!