3點離開ASOBONO, 今次醒目喇, 行去坐JR中央線, 途經麥當勞, o岩晒!!!
o岩o岩先食完雪榚, 去麥記做咩呢?
如果大家有睇埋我post o既Video就知喇, 原來食雪榚時老公子飲o個支汽水蓋寫住送麥記漢堡包呢!!! 就係咁, 我o地就多o左個免費漢堡包做聽朝早餐喇!!! (可惜o既係, 明明打算第二朝叫酒店幫忙加熱咁就有早餐食, 點知我o地最後都係漏低o左個包o係酒店房雪櫃無拎走無食到, 真係免費都變浪費呢...)
細佬玩o左大半日終於捱唔住, 訓著o左喇!!
家姐扮細佬訓覺!
訓著o左個樣好搞笑!!
o係涉谷車站見到o既日清麵屋!
涉谷? 唔係話去新宿咩?
其實本來真係無諗住去涉谷, 但我同老公子都好想見識下各自腦海中o既印像: 東京十字路口, 所以就一路坐JR一路上網搵'東京 十字路口', 結果search出o黎o既結果大部份係涉谷車站對出o既一條大馬口路, 於是見順路, 就坐多兩個站去到涉谷落車觀摩下喇!!
一出車站就見到呢個大十字路口喇!!!
有唔少遊人都好似我o地咁, 停留o係行人路邊自拍, 睇o黎呢度真係一個景點o黎呢!!
不過, 我同老公子都有d失望, 因為我o地印像中條十字路口應該更大呢!!! 老公子o既印像就係來自新聞片段, 而我, 就係來自細個跟我爸媽跟團o黎東京親身去過o既印像!!! 總之, 我同老公子就係覺得唔似係呢度, 可惜我o地再上網搵都唔識點搵...
算吧, 一場o黎到, 自拍一下留個念吧!!
由於手唔夠場, 高炒都影唔到條馬路, 又無自拍神器, 最後就出動重重o既腳架喇!!
腳架太重, 有d手震, 但總比用手角度高一d!!!
就係咁, 去一去涉谷影張相, 我o地又回程去新宿喇!! 出o左新宿車站向住東京都廳方向行, 其實一條大直路應該唔難搵, 但我o地都開始好攰喇, 忽然見到路邊有架寫住開去東京都廳o既巴士, 就無人坐同貴一貴(好似200yen/人)都衝o左上去!!
呢兩日坐Metro JR多, 巴士都係第一次坐咋!
眨o下眼就到東京都廳, 我o既沿指示往北展望台進發!!!
終於到達位於45樓o既無料展望台喇!!! 可惜呢日煙霞都幾大, 遠景都唔太清楚呢!!!
指示板話呢個方向望到富士山o架, 可惜...可惜...
呢邊望到晴空塔 (圖右方遠處)!! 至於東京鐵塔, 就行晒一圈都唔見, 可能要去南展望台先見到吧?!
叫人影X1
叫人影X2
大家都知我要求高, 叫人影真係10個有8個都唔識影, 都係自拍最滿意!!
好喇, 睇完風景, 又係時候買玩具喇!!!
因為, 呢度博品館放o左專櫃係度呢!!!
好靚o既和服Kitty, 可惜Kitty唔係我杯茶, 影張相算!
初遇蛋黃哥!!! 望到佢咁生面口忍唔住望多兩眼!!
咦, 估唔到蛋黃都可以做公仔, 真係幾得意呢!! 之後我行開o左諗住叫老公埋o黎睇下, 點知有2個外國大男人, 都對於呢隻蛋黃公仔駐足研究一番, 仲研究o左好耐呢, haha, 證明呢隻蛋黃公仔都真係幾吸引呢!!! (註: 我番到香港先知呢隻公仔叫蛋黃哥/疏乎蛋)
至於小朋友們, 都各有收獲!! 呢隻青蛙公仔早一日係博品館Koey已經幾鍾意, 但最後無買, Grandpa上網留言落Order要買, 今日既然有緣見番, 當然唔可以唔買啦!! 可惜呢度青色得番display, 最後唯有買黃色啦!! 家姐有收獲, 細佬唔可以無, 但全場Thomas玩具竟然得一盒, 想揀都無得揀, 不過呢盒都o岩細佬年齡玩, 唔緊要啦!! 買!
6點左右, 離開東京都廳, 發現原來樓下就係'都廳前駅', 早知o黎o個陣就唔使坐巴士啦!! 我o地坐番Metro去番新宿駅, 之後就出發搵今晚dinner o既地方喇!!
途經五金店! 原來日本o既五金店同香港咁似呢!
到喇, 東京麵通團!! 上網話呢度d烏冬質素唔錯同好平好抵食, 性價比高!
店內環境
3碗烏冬再加d炸物, 價錢大約HKD120左右啦!! (唔知點解番到香港搵唔到呢張單, 所以都唔多記得幾yen lu, 總之就扺食啦!!)
牛肉烏冬! 另外兩碗一個係泡菜豚肉冷烏冬, 一個係炒蛋冷烏冬, haha, 其實我o地stupid, 睇到'玉'以為係半生熟蛋, 點知原來係炒蛋!!! 不過兩個冷烏冬超好味, 因為夠凍, 所以d烏冬比湯o個個仲彈牙, 正!!
開餐!!
攝影師Koey幫爸媽影, 又影得幾好喎!
同貴價餐廳比, 呢餐當然未至於'超好味', 但真係又平又扺食, 鍾意食烏冬o既就更加要o黎喇!!!到我o地食完時已經有唔少人等位添呢, 證明日本人都覺得呢度平靚正呢!!
食完影o下周邊街道夜景!!
haha, 兩母女一個蛇紋一個豹紋, 襯!
新宿呢度真係好旺, 不過太攰喇, 我o地都唔打算逗留太耐喇!!
好多動漫卡通呢~
去到歌舞伎町一番街!! 其實呢度都唔會o岩我o地一家大細, 但食完烏冬就係附近, 當然到此一遊啦!
好多燈箱!
行o左一番街, 轉去二番街回程, 竟然有大發現!!!!!!!!!!!!
原來早排上網見到新宿新開o既哥斯拉主題酒店就o係呢度!!!!!!!!!!!!
可惜太黑, 影得唔太清楚!!
忽然見到'大怪物', 小朋友們都好興奮!!
無錯, 自遊行雖然免不了成日為搵路而行大運, 但有時遇到計劃以外o既驚喜, 真係會特別興奮, 就好似而家咁: 發現哥斯拉, WAH!!!!!!
好喇, 終於離開新宿喇!!! 行去車站途經一條發出臭味o既隊道, 兩旁都有好幾個乞兒o係度, 新宿呢區果然比較雜一d呢!
番到JR站, 正猶疑坐中央線定山手線時, 山手線先有車, 就係咁, 我o地就做o左個錯誤決定...上到車先睇 到新宿番東京駅要37分鐘!!!!!!!!!!!!!!!!!! (上網查中央線, 只係要15min!!!!!!!!!!!!!!!!!)
算啦, 唔上都上o左, 橫掂有位坐, 唯有當遊車河!
Koey搶相機要自拍!!!
影咩?
兩隻自拍笑到傻o左o既傻豬!
迫爆鏡頭!!
番到酒店沖完涼9點!! Koey叫我影低佢個look , 因為佢恨o左用呢條索頭毛巾好耐, 今日終於有得用!! (小朋友頭髮短, 通常用沖涼巾索埋頭髮d水就夠, 所以一直無俾佢用!)
最後一晚o係東京, 老公子點都要襯機自己落街周圍睇下搵宵夜!!
結果我o地住東京駅呢區比較靜, 好少舖頭開到好夜, 就算有都未必可以外賣, 所以老公子話佢都行到好遠先買到呢個佢唔知香港都有分店o既築地銀TaGo燒墨魚丸(650yen/8粒)俾我食呢, HAHA!! 雖然香港都有食過, 加上外賣番o黎焗一焗都可能無咁好味, 但唔知點解硬係覺得呢幾粒墨魚丸似乎係全程 (包括大阪)食過最好味呢!!!
小朋友玩足全日好攰喇, 10點鐘訓晒好合作!!! 我o地可以'背住'佢o地嘆宵夜喇!!!
Day3完!!!
Day4 最後一日東京行程, 跟住就落大阪喇!!
沒有留言:
張貼留言