東京大阪親子遊2015 - 20150616 Day4: 雷門寺, 晴空塔, 金子半之助江戶前天丼, 東海新幹線, 大阪難波!

(唉, 明明打o左大半, 都幾sure blogspot有自動save, 但點知都係唔見晒...而家又要再打過, 都無咁好心機...)

呢日9點鐘未夠就check-out離開酒店, 因為想盡快完成朝早行程, 咁下午坐新幹線落大阪就唔使咁夜喇!!

出酒店先向日本橋站出發, 因為我o地今日要坐淺草線去淺草雷門寺同晴空塔!

出門口無耐, 見到o係Thomas故事入面成日見到o既轉車台!!!!

小朋友們都好開心, 因為香港好少見!!!

由於事前我上網見到有人推介o係吾妻橋度影向晴空塔比較靚, 於是我就決定唔o係淺草站落, 而坐多一個站o係本所吾妻橋站落!!!

本所吾妻橋唔係咩旅遊景點, 加上時間好早, 街道上都無咩行人!!!

汽水機留影!!

印像中細個跟屋企去日本, 每次見到汽水機都好開心, 因為好似部部機都唔同, 總會有驚喜見到未見過o既飲品, 但而家香港太多日本貨, 而家見到日本汽水機一d驚喜感覺都無, 真懷念以前o見汽水機有如有發現o既回憶呢!!

天色唔清, 影極都唔清!!

行o左15min左右, 到o左一條藍色o既橋!!!

原來呢度d觀光船咁靚呢, 好cyber, 好似007咁!!

影!!

影!

再set埋腳架, 影!!!

影完, 我o地就繼續向雷門寺方向進發喇!!! 大約行多10-15min, 咦??? 點解呢邊個view仲靚o架???

一睇, 原來呢條紅色橋先係'吾妻橋'...而且呢度眼望就見到淺草站!!! 點解會咁o架....

我超級唔好意思, 忍唔住猛同Koey & 老公子講sorry, 因為我搞錯o左, 先令大家白白行多至少45min路, 仲浪費埋寶貴o既觀光時間...

橋右邊寫住'吾妻橋'....

係就係已經waste o左好多時間, 但又無理由唔影??

最後, 老公子當然要同'吾妻'影番張自拍!!!

就係咁, 運完一場大吉後, 我o地比原本預計足足浪費o左1個小時行程...唉, 真係好失敗同好唔好意思...

去到雷門寺, 旅客好多, 個個都忙於自拍, 我o地都唔例外!!

由於當時已經10:45, 我o地最後放棄行雷門寺, 先去附近搵食!!!

色川!!! 淺草區食鰻魚飯o既百年老店!!!

我o地到達時剛好11am, 當時已經有一對日本老夫婦o係門口等候, 我o地排第二!! YEAH, 唔使排長龍等食, 我同老公子都忍唔住覺得今次好醒目!!! (不過同時間我仲係怪緊自己, 如果無運大吉, 可能我o地已經行完雷門寺, 食完即刻可以去晴空塔呢!!)

我o地排隊後, 好快有其他人排後面, 大約一半係中國遊客, 一半係日本當地人, 睇o黎呢間鰻魚店都真係幾有名呢!

未入得去食, 老公子先帶小朋友o係附近行o下!

行完一轉, 仲未入得, Koey唔想再行就陪我等, 老公子就帶細佬去睇車!

11:20am, 舖頭開門入得喇!!! 當時老公子仲未番o黎, 老闆娘問我幾位, 我答4位, 點知佢唔俾我入, 要求我齊人先入得, 我話我老公只係o係附近行一陣就番, 但都係唔得...當時我真係心急如焚呀, 難得排第二入去食, 而家因為未齊人食唔到, 仲可能要等好耐先到一輪有台呀...

我即刻打長途去老公子電話, 但唔知點解打唔出, 最後無可奈何, 我唯有用最失禮但最原始o既方法...當街當巷大叫'老公~~~~~~~~~~~~~~'!!!! 好彩呢條街好靜, 我把聲一向都算響, 老公子終於o係我叫到第3 o下'老公'時出現, 而老闆娘亦好好, 留o左一張4人抬等老公子番o黎, 無叫到其他等候中o既食客入去, 所以最後我o地都順利食到第一輪, 唔使再等, 真係有驚無險呢!!!

舖頭細細, 只有3張4人台同bar台, 所以要等下一輪先食都可能要等一段時間呢!

我o地叫o左2客大鰻魚飯(4000yen@), 再加燒鰻魚頸 (700yen) 同燒鰻魚肝(700yen)各一串!

前菜同湯, 個酸蘿蔔Koey好鍾意! 個湯就好香香菜味, 唔係一般麵鼓湯, 都唔錯!

主角出場!!! d鰻魚望落好肥美呢!!!

左邊: 鰻魚頸, 好硬, 一向視魚骨為無物o既老公子都話食唔到, 只能咬碎佢lur番出o黎!!

右邊: 鰻魚肝, 每舊有一半無咁硬, 小朋友可以試到少少, 味道唔錯!!

呢一餐Kobe仔食o左好多鰻魚, 因為真係好肥美好好味, 仲食到佢o個陣陣炭燒香味, 個飯d汁都好正, 唔多唔少唔太咸又唔太甜, 好餸剛剛好, 不過賣單o個刻我同老公子都有少少打o左個突, 因為我o地無睇清楚大鰻魚飯原來要4000yen一客, 雖然好味, 但又好似未至於賣咁貴...haha, 百年老舖出品質素唔差, 只係價錢略貴, 但旅行嘛, 一餐半餐又無妨o既!!!!

食完飯, 去番雷門寺!!!

雷門寺大門個燈籠底, 原來都幾靚呢!!

又自拍!

時間有限, 加上呢d典型旅遊景點, 都唔會太多o野想睇, 巡例行一圈啦!!

好可愛o既日本小學生!

五重塔+淺草寺, 全程多數自拍, 呢張少數係搵途人影o既!! 都影得唔錯!!

香火頂盛, 但我o地唔拜神, 小朋友又無興趣, 走!

回程見到佢, 就係咁, 開展o左Koey東京大阪青蛙蛙集郵之旅!!!

雖然唔算太熱, 但雪榚幾時都係出遊最佳街邊小食!!

呢杯黃色o既其實係番薯味, Kobe一啖都唔食, Koey就好鍾意!!

食完, 求其買o左2個怪獸樣公仔匙扣俾Koey Kobe, 再o係雷門附近是但揀o左間買o左盒人形燒就走喇!!!

去淺草寺坐車去晴空塔!!!

落車, o係廁所對出竟然有架唔郁o既火車, 咁又玩一餐!!

影影下有個職員出o黎主動幫我o地一家合照!!! so nice!!

去完toilet預備入商場, 先見到間賣糖o既舖頭有姐姐切緊糖!!

小朋友睇得好入神!!! 之後有個切糖哥哥仲一邊切一邊拎o左4-5粒糖糖俾Koey & Kobe食添!!!

再行出o黎睇到姆明Cafe!! 有唔少OL排緊隊呢!!!

我o地唔算姆明粉絲, 所以無入去行喇, 只係同公仔影相算!!

坐電梯上4樓, 一出去就見到Tomica!!! 小朋友又試叫極唔應人喇!!!

另一邊仲有間賣車軌o既, 都係好多路軌好多車, 但無Tomica咁吸引!!

任Koey Kobe玩o左唔知幾耐, 終於勸得到佢o地移步到隔離鬆馳熊度睇下喇!!!

門口呢個影相位唔錯!!

難得正經坐定定!!

睇公仔!!

本來都有d想買, 但要近$300HKD, 實在太貴唔多捨得, 所以都係無買!!

之後落一層有個大超巿, 見到資料有提過o既炸豬排三文治 (3件裝421yen), 試o下先!!

賣魚位置比香港o既大, d魚亦大條d!! 老公子好有興趣睇!!

魚生!! 價錢其實同香港差唔多, 但好似大份d同多款式d!!

最後買o左呢幾樣o係超巿中間搵位坐低食!!! 

魚生帶子OK, 但唔算話太特別, 反而個生果杯入面個哈密瓜超正, 又淋又多汁又甜, 掂!

(其實食完飯唔太耐都未餓!!! 所以最後豬排3文治無食到, 橫掂佢密封包裝, 幾時食都無問題!!)

之後我o地再行2樓, 呢層多d賣衫賣飾物舖頭, 但睇住個鐘, 時間真係有限喇, 想shopping一下o既時間都無...(又諗起自己浪費o左個1個鐘...), 我o地去買完手信就落1樓, 打算行埋賣晴空塔紀念品間舖頭就走喇!!!

細佬捱唔住喇!!

圖中一盒盒士多啤梨/香蕉就係o係晴空塔買!!

有位小姐無啦啦好開心, o係度邊行邊自轉!!!

Koey又發現目標喇!!!

仲要有4隻!!

去到晴空塔紀念品專賣店, 一如所料, 價錢比較貴!!!

呢個3色印台幾好玩, 不過都係比較貴, Koey玩完印o左係d leaflet度留念就算!!!

晴空塔吉祥物!!! 呢個星星頭qoo幾得意!!

最後, 我同老公子只係揀o左個小磁石做紀念品!!

原來晴空塔正直3周年!!!

之後, 要穿過1樓行番去另一邊先去到淺草線, 眼利o既我見到枱上左下角o既鋼琴佗錶, 要2500yen, 其實佢仲有好多其他款, 款款都好精緻可愛, 但我一向對鋼琴形用品情有獨鍾一d, 所以貴少少都照買, 真係好靚呢!!!

就係呢間舖頭!!!

大約3點吧, 終於離開晴空塔, 坐番去日本橋站, 再向早兩日因太多人排隊而無緣一試o既金子半之助江戶前天丼進發!!!

"日本橋最早建於1603年，現存的日本橋是1911年的石造橋，是江戶時代最重要的陸路水路交通樞紐，因此有許多百年歷史的老店發源於日本橋，如三越百貨、山本海苔等等。" (Source: http://ea.ezfly.com/ProdWPKG/ProdMain.aspx?p=WPKG000000011)

橋上o既雕刻果然充滿歷史味道!!!

到達金子半之助喇, 因為只係4點幾5點, 所以只得1位女士排緊隊, 我o地即刻跟住排, 之後可能開始接近晚飯時間, 排隊o既人開始多喇!!!

未入得去時, 先有職員拎Menu出o黎幫我o地落單, 但其實佢menu只有一款食物, 就係江戶前天丼, 另外可以揀o既, 就係跟唔跟麵鼓湯, 由於我o地唔太肚餓, 決定唔要湯, 只要2客天丼 (960yen@)!!

等o左大約15-20Min, 入得喇, 我o地先行過一條又窄又高o既樓梯到2樓, Koey Kobe都行得好辛苦, 因為真係好大級呢, HAHA!!

就座時枱面已經收拾整齊, 仲放o左四隻各裝住2粒黑豆o既茶杯, 原來呢度沖o既, 係黑豆茶!!

2客飯等o左一陣就到喇!! WOW, 賣相已經引到我o地流晒口水!!!

有炸紫菜, 炸青豆, 炸半生熟蛋, 炸蝦x2, 炸魚同炸尤魚!!!

條炸魚長到伸晒出碗, 份量十足!!!

老公子大讚呢隻炸蛋, 真係超級好味!! 炸尤魚亦好林好易食, 炸魚就夠晒嫩滑又無骨, 個飯亦份量十足, 醬油唔太咸又唔太甜, 剛剛好, 如果我唔係無謂口, 一定食晒碗飯...總之就好正啦!!!

咁豐富o既一碗天丼只係60HKD左右, 我同老公子終於都明白點解呢度會有咁多人排隊食喇, 我同老公子都一至贊同呢一餐係我o地呢幾日o係東京食過最好味, 亦係最扺食o既一餐呢, 最可惜我o地就要離開東京啦, 如果唔係酒店咁近, 我o地一定會再o黎encore 呢!!!

走喇!! 就係呢條超高樓梯, 老公子都要彎晒腰拖實小朋友防佢o地跌親!!!

就係咁, 等o下位, 食o下野, 咁就5點幾, 我o地仲要番酒店去o下toilet執o下行李, 先可以去坐新幹線, 都咪話唔夜呢!!!

大阪無用Suica, 所以要同呢張Suica卡講再見喇!!!

收拾完剛買o既手信, 多o左一大袋o野要拎走喇!! (P.S. 呢個淘寶旅行袋雖然好易同人撞款, 但真係超好用, 值得推介!!!)

慢吞吞退Suica卡, 我o地就周圍搵邊度有便當買上新幹線食喇!!! 

可惜東京駅實在太大喇, 雖然我事前已經上網搵o左資料, 但都係唔識行, 問人邊度有'便當'買, 但頭兩個只係點o左我o地入大丸o既超巿買熟食...

總之運o左一場超大o既吉, 終於問到個好好人o既便利店點貨員幫手, 佢好熱心咁想幫我, 可惜佢英文有限而我日文又有限, 雞同鴨講o左一大輪先知, 原來我o地要拎住新幹線張飛, doo入去普通坐JR o既入閘範圍, 跟住先可以搵到我想搵賣便當o既舖頭!!!!

當我估估o下係咪拎住新幹線飛就可以doo入去普通閘口時, 呢個便利店點貨員竟然放低佢手上工作, 陪埋我o地入閘, 再指示我o地舖頭方向, 真係好多謝佢幫忙呀!!!

我想搵o既大型賣便當舖頭!!!內有過百款便當!!!

就係咁, 買個便當又唔知花o左幾多時間, 終於終於, 我o地上到18: 17開往新大阪o既NOZOMI新幹線列車喇!!!

我o地無劃位, 要行到第3卡車廂先有位坐, 好彩搵到3個+1個同行位, 遲我o地少少o既一家旅客就無得同一行坐喇!

YEAH!

開車喇, 介紹下先!!!

之後兩個小朋友就好忙咁不停搞前座個摺合枱...好彩應該唔係太騷擾到前面乘客o者!!!

聽講沿路都望到富士山o架, 但一o黎天色唔好, 二o黎就快天黑, 所以乜都睇唔到喇!!

扮訓覺喎...

好喇, 坐子彈火車緊係要食便當啦!!! 雖然唔係太肚餓, 但又開餐喇!!!

呢個子彈火車便當好靚, 小朋友睇見就開心, 本來想買兩個o架, 點知得番一盒, 唔緊要啦, 一齊玩啦!!

成份兒童餐咁好可愛!!! 不過d炸o既小食凍o左唔脆點都差少少!!

坦白講, 味道普通啦, 細佬就唔係太願食, 反而Koey好鍾意, 食o左個半飯團!!

到名古屋喇~~

食埋老公子呢個蟹便當先!!! 唔平o架, 要1400yen!

一打開好香蟹肉味, 材料都算多!! Koey又黐o左唔少o黎食, 睇o黎一向食飯慢到飯餸凍晒o既Koey 的確對'凍飯'情有獨鍾...

全程車要坐o左2個半鐘, Kobe仔o係臨尾o個一個鐘開始猛叫眼訓, 無晒心機仲不停扭計要抱, 搞到我都有d膽心唔同佢又暈車浪??? 好不容易, 終於o係8點52分, 準時到達新大阪駅喇!!!

臨落車前車窗外好大雨呀, 或者我o地要打的去酒店喇???

落車, 細佬生猛番喇!!! 雖然已經好攰好夜, 但都特登走去車頭同架子彈火車合照先!!

之後, 因為新大阪都算係大站, 我o地又試好辛苦咁搵路, 除o左細佬架B車, 我o地仲有兩件行李, 上上落落我老公子可能真係要行足3轉, 真係超級辛苦我老公...

終於終於, 買埋車票上得車喇...

其實我係想影木村, HAHA!!

9點落新幹線, 10點先到達酒店, 真係辛苦晒我老公子同Koey行咁耐喇!!!

酒店就係灘波站其中一個出口對面, 都算方便!!

o係8樓Lobby check-in完拎房喇!!!

好期待呀, 因為今次呢間酒店o既房間係和式o架!!!

一入去有個foyer位放行李

拉開百頁門左邊就係廁所!

廁所都幾大, 但無東京o個間咁靚!!

超大衣櫃, 基本上廁所對出呢間'房'都無咩用到!!

再趟開趟門就到房喇!!!

張床放地o下咁好玩, Koey一個箭步就訓o左上去碌喇!!!

間房夠晒大喇, 但個電視完全配合唔到囉....

窗邊仲有個窗台位可以嘆查同梳妝!

窗外風景都唔錯!!

酒店送俾Koey & Kobe o既2條靚毛巾同BB牙刷!!

由於呢晚比較夜, 所以我同老公子好似打仗咁急急同小朋友沖涼刷牙訓覺, 最後由於小朋友都好攰, 我諗只係tum o左一陣, 11點前佢o地就訓晒喇!!!

我同老公子就休息一下, 食o下人形燒同朝早未食o既炸豬排三文治!!! 我個人覺得個三文治好好味, 但老公子就唔太鍾意, 人形燒就普通啦, 正正常常甜食, 唔會難食呢!!

深夜12點, 我都支持唔住要訓喇...

 

wow, 點知電視機播緊新版本美少女戰士呢, 個個V剎面好成熟, 但依然好吸引我睇... 最後我睇o左一陣先投降呢, 行程緊密o既day 4終於完喇!!