好多謝各位提議我blog乜好呀, 不過, 由於我都係想呢個blog講番同老公子related o既題材, 其他題材, 我都係寫番係我feonko o個邊個blog!!!
今次先同大家blog o既, 就係介紹我所讀o既bachelor degree: Cognitive Science!!
希望大家了解我多d, 亦希望大家唔好被我悶親就好喇, haha!!!
2010年7月30日 星期五
Cognitive Science
眨o下畢o左業6年喇, 我所讀o個個bachelor degree : Cognitive Science亦都己經係09-10呢個學年正式關閉(The development of Cognitive Science)...
其實大家又知唔知咩係Cognitive Science呢??
基本上, 我見十次工, 十次interviewer都會問我呢個問題, 而我亦好樂於回答, 因為我唔介紹o既話, 香港以後都無咩人會再知道有Cognitive Science呢個學科!!!
簡單講，“Cognitive science is the study of human mind ＂。其中包括五門學問：Philosophy、 Psychology、Linguistics、Computer Science 同埋Neuroscience。
除computer science以外, 其餘科目都係解構人腦係點樣運作，有o左對人腦o既認識後, 就可以嘗試用computer science o既knowledge, 寫一d program去模擬番人o既思考行為出o黎，如果模擬出o黎o既行為同人o既行為好相似, 咁就可以去驗證呢d 科目o既theory 係咪合理!!
Computer science o既另一個應用, 就係設計一d能夠照顧人o既behaviour 同需要o既智能機器出o黎！所謂Artificial Intelligence (AI, 人工智能), 就好需要 Cognitive science o既knowledge先可以設計到出o黎!!!
俾個簡單例子，大家成日用o既ATM，其實大家有無諗過點解係先出卡後出錢呢？咁o既設計,其實係因為人去襟錢時target係錢，所以attention會放係$度, 若果ATM出錢先，人就會因為attention放係$度而好容易忙記拎番張卡! 相反，如果我o地係設計ATM時了解到attention呢種人o既心理，先出卡後出錢, 咁人忙記拎卡o既機會就得以大大減低, 使用ATM就方便得多喇！呢方面o既應用, 亦正正係我認為CogSc最有趣o既地方！
當然，除o左應用外，電腦亦可以幫助我o地去了解人啦，如果有日真係有個機械人同人一模一樣，連人都不能分清佢真人定機械人o既時候，咁人對自己腦袋係點運作已經好了解喇！所以電腦亦係一樣令好多Professor咁喜歡CogSc人o既原因，因為我o地識寫電腦program，令research時更方便！
| Philosophy 好多深奧o既哲學 問題，好似人o既思想究竟係獨立存在定係只係腦袋運作o既負產物呢？哲學就好似辯論咁，就住一個題目，然後睇o下D出名o既哲學家有乜論點，然後又睇o下另一個點反駁， 都真係幾深奧o架！ | Psychology 心理學就係學o下人點解會咁諗o野，人係點樣接收外來o既訊息，好似點解人會睇到不同o既Optical Illusions咁，又會讀o下D出名o既心理學家o既理論，令我對人都了解唔少呢！ |
| Linguistics 所謂Linguistics，就係語言學，而語言學並非學習語言好似日文，法文咁，而係學習人點解同其他動物唔同，識得用語言溝通， 人又係點樣理解語言，點樣溝通o既呢！ | Computer Science 講明係電腦嘛，咁緊係要學寫program同algorithm啦！我o地仲會學A.I.， 學不同o既Searching Method，寫program去同人捉棋，哈，無錯，就好似好捉嬴唔少棋王o既Deep Blue咁！ |
| Neuroscience 我o地會o係HKU Medicine o個邊上堂o架！讀o既o野近 似Medic同Bio，不過就將學o既o野集中係認識神經系統o既運作，好似d訊息由外界點樣透過神經傳到腦部，經過計算後訊息又點樣傳到身體各部位作出反應！ | |
近來, 我同老公子係度睇緊我舅父俾我o既一部documentary影帶 BrainStory, 加上最近明珠台連續三個星期播放關於睡眠o既documentary, 當中內容都勾起我唔少前讀cognitive science / psychology o既回憶, 老公子亦好似對呢方面好有興趣, 而我亦憑我o既記憶解釋一番, 真係好懷念cognitive science呢!!!
不過, 有趣還有趣, 現實歸現實, 大家睇完以上介紹, 相信都知道香港呢個搵錢至上o既社會根本就無咩工種係需要有cognitive science knowledge o既人, 如果要搵工, 想信要去到外國o既research center先得(好似蘋果iphone呢d, user interface極user friendly, 當中做左幾多human behavior o既research可想而知, 但呢d咁揼本o既research, 真係至有美國MIT呢d大型research center先會做得到!!!)...所以畢業後, 我o地為數30人o既同班同學,可以話個個都投身唔同職業, 基本上, 除繼續進修做research o既同學外, 大家都未能真正學以致用!!!
...而我, 最終亦憑呢少少o既computer science programming knowledge投身o左I.T.行業...呢個又係另一個故事喇...
雖然, cognitive science並未為我畢業後就業帶o黎清晰o既目標 (事實上, 呢個可能都係令佢畢業生就業前景同收生成績每況愈下, 而最終被香港大學cut o左o既重要原因), 但我依然無後悔揀o左呢科咁有趣o既科目(其實, 我知道我全班30個同學仔都好鍾意呢一科!!!)!!!
至少, 我覺得自己讀完呢科後, 因為當中五門學問所需要o既思考模式而令我變得思考上更靈活, 比其他人分析事情時考慮得更全面, 對自己或其他人o既行為更了解呢!!!
p.s. 以上內容(細字)其實係我以前個個人網頁入面o既(由於yahoo geocities結o左頁, 我個靚靚homepage就咁無o左, 等我遲d又介紹下我呢個陳年homepage先!!!)
2010年7月26日 星期一
2010年7月25日 星期日
新工作有感
番o左新工眨o下眼兩星期, 唔知點解, 今次感受特別深, 同之前次次轉工o既感覺都唔同!
1. 責任感大了!!
做o左呢行4年, 之前去到邊都仲係"小妹妹", 就算technically我唔算小妹妹, 但身邊同事總係當我小妹妹咩都唔識咁看待, 會好有耐性同抱住容忍o既態度對我循循善誘, 被受照顧!!! 不過, 今次終於唔係喇, 因為我係條team入面唯一一個technically熟悉呢個system o既人, 番工兩星期已經有比較senior o既同事"請教"我...(聽到對方咁講, 嚇到我即刻應都應唔切"唔好咁講"...), 所以, 今次番工感覺上真係責任感大o左好多呢!!! (不過, 簡中都有人當我小妹妹, 仲問我係咪第一份工...)
2. 歸屬感大了!!
番得兩星期, 對份工理應談唔上有咩歸屬感, 但今次偏偏相反, 我對呢份工"非常"珍惜!!!當中最重要原因可能係今次份工比以前o既都要穩定!!雖然唔係perm, 但contract period比我之前任何一份工都要長, 可以俾我計劃更長遠o既將來, 亦唔使再面對年年搵工o既不安, 所以, 就算人工未算理想我都完全唔介意, 因為我終於可以"settle down"(有舊同事同我講, 恭喜我可以上岸!!), 唔使再係巿場上過住遊牧民族般o既生活!!!
另外, 今次份工係自薦番o黎, 自己真係付出唔少努力先成功爭取到份工, 所以我真係特別珍惜!!
以前我公司唔會放私人物品, 因為話咁快又轉project site或轉公司, 但今次我o既辦工桌終於有私人物品喇, 雖然都唔多, 但好明顯我真係對呢度有歸屬感先會放自己o野係度呢!!!
3. 返樸歸真!!
係出面打滾數年, 雖然辦公室政治與我呢個工作階層仲係有點距離, 但都叫做見識過o下, 對比之下, 我覺得呢份工o既人事好似簡單一點(雖然可能只係我番工日子尚淺, 所以仲未知!!), 因為呢兩個星期陪我食飯o既同事個個都好nice, 甚至表現有點傻氣, casual o既polo shirt & 波鞋充滿年青活力, 有時真係問到年資才驚覺對方年齡其實比相像中大!!!望見d同事, 我都會好希望以後可以好似佢o地咁, 簡簡單單咁返樸歸真, 安安穩穩咁打工就好喇!!!
最後, 番工兩星期暫時仲未適應o既反而係睡眠時間!!!
其實而家因利成便, 同爸爸番工時間夾到又順路,朝朝癡車坐可以8點一兩個字先起身, 但偏偏呢排訓得唔好,成日天光先去toilet, 之後就訓唔番(訓得番都唔"林"), 變相仲早過以前起身, 認真無陰公...另外就係, 而家放工有時都癡車坐, 變o左無乜機會行山番屋企, 上星期行番屋企, 發現喘氣o左, 睇o黎, 為o左健康d,可能我要考慮下唔好成日癡車坐先得!!
2010年7月18日 星期日
2010年7月15日 星期四
新工作
最新轉o左工, 新工作環境唔錯:
除o左認識到新同事, 仲撞番以前o既舊同事同consultant, 又可以約埋一齊食飯喇!!
=====================================================
另外, 由於我可以遲d先起身, 老公子o既早餐就成問題喇(其實佢唔覺有問題, 係我覺得有問題o者!!!)
之前我早過老公子番工, 我會蒸定包點同沖麥皮, 到老公子起身時就有得食, 仲唔會凍晒添...之後有段時間就一齊番, 一齊食早餐一齊出門口最開心, 但而家...
我唔煮早餐, 我老公子就寧願唔食或者日日幫襯大家樂都唔願去自己開爐蒸, 我當然唔想老公子咁無益同浪費金錢出街食啦, 但唔通咁就要我提早一個鐘起身服侍我位老公子大人??????
我問老公子佢可唔可以照顧番我轉頭, 老公子點都唔肯自己開爐蒸...嗚...其實蒸包沖麥皮好易之嘛, 照顧番我轉頭等我可以訓耐d都唔肯, 咩老公子o黎o架...
可惡!!!!
2010年7月14日 星期三
2010年7月9日 星期五
去新城領獎及做訪問
尋日last day, 今日小休一日, 不過都好早起身, 因為10點要去到新城電台領獎同埋做訪問!!!
去到, 工作人員就俾份voucher我喇!!!
冠軍獎品詳情: http://www.metroradio.com.hk/997/Travel/hotel16.html
YEAH, 收到新城工作人員send番俾我o既相喇!!!
節目主持人林柏希!!
之後工作人員就帶我去錄音室, 節目叫" 全「旅」打", 主持人係林柏希!!! 開頭我都好驚, 唔知錄音係點, 但主持果然係主持, 開始錄音後佢就好似普通朋友同我傾計咁帶住我去講番旅行o既點滴, 所以成個過程都好順利, 大約錄o左20分鐘就搞掂!!!
之後, 我仲要錄多句宣傳說話: "hi, 我係feon, 我係一按遊世界旅遊好寫得o既冠軍得主, 大家記得send多d遊記o黎新城知訊台資訊網呀!!" 點知呢句說話我錄得好差, 錄o左四五次先得...hahaha!!!
最後工作人員幫我同林柏希合照, 嗚...可惜我無帶相機呀...工作人員話會send 番d相俾我o架, 希望佢o地記得啦!!!
宣我錄音o既節目將會於聽日(sat)同下星期六朝早10點至11點' 全「旅」打'入面播出, 大家有時間就留意下啦!!!
另外, 就當幫新城宣傳o下啦, 佢o地第二輪旅遊好寫得快開始, 有時間就留意下佢o地o既網頁啦!!!http://www.metroradio.com.hk/997/Travel/BlogMain.aspx
========================================================
今日下午我好乖, 難得放假都仲好勤力咁抹屋!!!日落時分先休息, 不過望到個咁靚o既日落景, 心情真係勁靚!!!下星期一就番新工喇, 希望一切順利, 前途一片光明!!!
=========================================================
另外, 上星期買o左包急凍沖繩生蠔, 於是就試o下焗蠔喇!!
左邊係菠菜白汁, 右邊係洋葱煙肉!!
放塊芝士係面拎去焗, 出爐喇!!
我同老公子都覺得菠菜好味d, 因為煙肉太濃, 蓋o左d生蠔鮮味!!
再配埋羅勒葉(無o左, 我自己種o個棵!!)白汁大蝦意粉...
同埋紅酒 (我都知海鮮應該配白酒, 但我屋企得紅酒咋...!!), 呢餐都算係咁耐煑得最美味o既西餐喇!!!
=========================================================
準媽咪Jenny教o既焗薯, yummy!!
2010年7月2日 星期五
睇住啦, 下星期我一定re-resign!!!!
之前提過aia呢度有個多口同事, 我同佢講d o野轉個頭就俾老細知道, 多多事幹, 今日唔知佢係忽然諗起我份'dream job'想關心我定係點, 竟然send o左個email俾我:
"Hey, how’s your dream work?
Do I need to seek new candidate now? Do I need to book table for the 2nd time farewell? Haha
Personally speaking, of course I wish you could get it. This can make your life happier!"
睇完真係有少少想發火, 我覺得佢唔似就咁'關心'我, 而好似係'潤'我, 見我in 完兩個星期都未有聲氣似乎笑我唔得咁, 另一方面又似係巴不得想我快d走咁...總之, 我完全諗唔明佢send o黎o既目的係咩!!!!
之前受過教訓, 對住d咁o既人都係唔好同佢講咁多!!!於是我咁答:
"仲等緊消息呢!!!如果未來2星期都仲未有消息, 我諗都可以assume唔得lu!!!" 而實際上我先無咁笨, 我收到cu offer己經諗好o左o係7月7, 我剛做夠一個月前1日resign (我6月8番工), 咁我就即日通知, 唔使任何notice!!!同事呀同事, 我一d都唔旨在你咁有心幫我搞2nd farewell喎, 之前我仲諗住走o左會話你知我去邊度做, 但而家我諗我唔會話你知囉(雖然我諗行內消息都會好快傳到你耳中!)!!!! 星期三, 你等睇好戲啦!!!
訂閱：
文章 (Atom)