31/3/2011 (32W2D)
肚圍: 37.5寸, 體重: 133磅
=========================================================
其實自結構檢查知道係女之後, 我同老公子就已經幫乖豬改好中文名喇!!
雖然, 我同老公子都覺得唔會再改第二個名, 但而家因為乖豬未出世, 都係保持神秘先, 等生o左先開估!!不過對於改名心德, 都可以share少少:
首先我係o係blog友小藍度睇到一個大陸改名website(http://hk.myblog.yahoo.com/littleblue619/article?mid=16714),佢入面介紹o左咩字適合兔B(印像中大約係話有'口'字, 草花頭, 禮衣邊等等o既中文字), 於是我就上網o係d字典度搵屬於呢d部首而又覺得好聽o既單字, mark低晒!!
知道乖豬係女之後, 我就捉住老公子一齊睇呢d單字, 老公子揀o野一向快手, 所以話咁快就俾佢ban 晒佢唔鍾意o既字, 選擇得番好少!! 之後左拼拼右拼拼, 最後得到'最後名字'!!
個名, 其實唔算好好聽, 因為讀出o黎唔算'響', 不過我同老公子都覺得意思重要過好聽 (其實而家d人改名, 我個人覺得似係以好聽行先囉!!), 所以都幾鍾意呢個名, 我老公子直頭好似唔想consider第二d option添, 因為我之後好間中又up d option出o黎, 老公子都係堅持呢個名最好, 似乎佢真係好鍾意, 所以呢個名, 都應該9成9會用o架喇, 我仲諗埋如果第二個係仔時個名叫咩添, hehe, 希望乖豬會鍾意啦!!
至於英文名, 其實o係未有BB前我已經諗好o左:
男仔: Kobe
女仔: Koey
原因其實有d'大女人'o既, 因為我唔抵得小朋友中文名跟老公子姓, 所以我要佢o地英文名跟我姓!!!
由於跟我姓o既英文名少之又少, 所以暫時得上面兩個名合適, 如果下一胎再生個女, 真係要諗o下仲有咩名係'KoXX'咁喇...haha!!
=========================================================
1/4/2011 (32W3D) 講完乖豬個名, 不如講o下我最想自己邊樣o野遺傳俾乖豬.... ...無錯, 就係我對眼!!! 雖然擁有深深o既黑眼圈同大近視, 但對眼的確係我自己最滿意o既身體部份... 其實我對眼, 係遺傳自我媽咪o架, 我媽咪成家人都擁有我公公o既大眼睛, 對比上o黎, 我細佬妹對眼相對無咁似媽咪!!
...至少...都算大, 雙眼皮又深, 睫毛仲ok長o架!!
我對龍鳳胎細佬妹, 可惜我對咁細個o既佢o地無乜印像啦, 而家睇相真係好想mit佢o地呀!!!
至於長睫毛...我媽d睫毛其實頗短, 至於我爸, 其實都唔算太長, 但我好好彩, 睫毛竟然可以又多又長, 對眼就好似劃o左眼線咁...
我成日覺得我d睫毛似sesame street呢隻象...
總之呢...乖豬其他o野唔似我都ok, 但對眼呢, 似我都唔錯吧???(哎也, 如果乖豬出世對眼唔似我, 我係咪要delete o左呢個entry呢???)
最後post o下我自己細個d相啦, 幻想下, 唔知乖豬會有幾似我呢??
出世一星期左右o既我!!
...anyway, 我都係幻想o下o者...其實乖豬似邊個都好, 都係我同老公子o既愛情結晶, 應該遺傳o左我同老公子o既最好基因吧, 而且都係o個句, 最緊要健健康康!!!
好似李嘉欣咁, 都係要改個仔個名係JM縮寫...其實都幾有意思既, 又唔會好似林青霞兩個女咁露骨...哈哈!!
回覆刪除[SkyBlue回覆03/31/2011 11:34:00]HAHA, 我老公都試過用林青霞個女個名match落我同佢度, 好搞笑!!!
如果生女的話 , 我已經改左架啦 , 不過如果係仔就有排諗 , 毫無頭緒.
回覆刪除[SkyBlue回覆04/01/2011 10:18:00]睇你blog, 似乎你monchacha o既姓別都差唔多confirm啦, 如果係女咪唔使再傷腦筋住囉, HEHE!!
睇見你地改名就真係開心喇~
回覆刪除[SkyBlue回覆04/02/2011 10:33:00]thanks thanks!!!希望乖豬鍾意個名啦!!!
有冇睇我O個篇講遺傳架~~~好野多數係顯性呢~^^
回覆刪除你囡囡一定似你咁靚女JE~
我之前咪講過想用個藍字既~原來都O岩屬兔喎, 唔知屬龍O岩唔O岩呢?我都唔記得自己POST過有關生肖既改名LINK…睇下先~^皿^
英文名反而難改呀…唔想太長, 又唔想太普通, 老公話唔鍾意睇倒都唔識讀O個D…
[SkyBlue回覆04/02/2011 10:38:00]有睇呀, 希望好似你篇o野咁講, 我對眼可以顯性遺傳俾乖豬啦!!!hahah!!!
好agree呀, 我都唔鍾意d英文名睇o左都唔識讀o個d呀, 感覺好似好扮o野好作狀咁呢!!
原來真係三歲定八十, 你細細個已經好靚女喎~~ 真係好似劃左眼線咁...又大又精靈...好可愛呀!! 但你形容似seasame street隻象就好搞笑囉...你對細佬妹都好cute呀...肥嘟嘟!
回覆刪除[SkyBlue回覆04/02/2011 11:12:00]多謝你呀!!希望乖豬遺傳到呢對眼啦...不過我老公子話佢自己對眼都唔係好肉酸o者...hahaha, 但都係似我好d!!!
我細佬妹細個時出街應該都幾囑目o架!!因為以前龍鳳胎應該無而家咁common呢!!! (而家人工受孕common d!!)
你初初出世時都好多頭髮呢. 我都想我B有大眼, 唔係細眼
回覆刪除[SkyBlue回覆04/02/2011 11:02:00]係呀, 多頭髮呀, 所以我而家都好多...hahaha!! yes yes, 祝你b女都係大眼妹呀, hehe, 好快可以見到你b女喇, 好緊張呢!!!
龍鳳胎真係冇得頂呀, 我都係識得一對AUNTIE UNCLE係咋
回覆刪除[SkyBlue回覆04/02/2011 11:35:00]yes, 除我細佬妹, 我都唔識另一對龍鳳胎呢!!
梁詠琪~~
回覆刪除[SkyBlue回覆04/02/2011 15:35:00]係喎係喎, you are right!!!
放心啦, 大眼係顯性, 應該遺傳到架~~~ 我識既大女通常都似阿媽多D (包括我.芬.玲.等等), 我估你個女都應該似你多
回覆刪除[SkyBlue回覆04/02/2011 15:36:00]希望希望, 我都係似我媽多d, 不過jodi個女同我另一個friend個女都似爸爸呢(我覺得)!!!
原來你又細到大個都咁靚, 打破左人地成日話細個靚大個唔靚既理論.
回覆刪除係呀, 其實似邊個都無所謂, 最緊要健康呀.
[SkyBlue回覆04/04/2011 21:05:00]多謝呀!!!yes, 最緊要健康!!
哈哈，又無諗過用自己個姓…又係啵，b個姓跟左老公，同自己好似無乜關係咁，有d linkage都好丫～
回覆刪除[SkyBlue回覆04/08/2011 09:41:00]yes, 希望個女鍾意個英文名, 唔好自己改左佢啦~~~~(因為我應該唔會將英文名落身份證!!)