第二十周 (30/9 - 6/9): 乖豬無便便

今個星期無乜特別...

乖豬主要係越o黎越熟練轉身, 明明有時趴到攰喊, 但呢頭我幫佢反番轉後佢又趴過, 所以而家乖豬清醒時我比以前更忙, 少o左時間做自己o野!!

另外就係乖豬而家基本上食完6點幾餐奶都唔會訓, 到9點就勁扭計, 所以我決定再提早d最夜餐奶o既時間, 由10點改到9點幾, 乖豬又可以早D訓覺, 佢訓o左後我又可以有d freetime休息o下, 都幾好!!

最後就係乖豬無便便喇!!!其實乖豬3個月前平均一日一次便便, 到3個幾月開始多o左隔日先有, 直到踏入4個月, 開始越o黎越少, 有時隔2日, 有時3日...點知今個星期乖豬竟然一直無便便喎!!!...好彩我一早知食人奶o既BB如果吸收晒d人奶真係十幾日無便便都唔出奇o既, 所以我都唔係太擔心!!一路等等等, 到第9日終於有便便呢, haha!!!

30/9: 今日番娘家食飯, 我第一次用揹帶打直揹乖豬, 真係方便過打橫揹多多聲, 乖豬又可以周圍望o野!!

第一次打直揹!!

乖豬呢個水手look唔錯呢!!!

放乖豬自己坐, 成家人都覺得佢變o左個人仔好得意!!

2/10: 星期日清晨5點, 老公子電話響起, 嘈醒晒一家三口(好彩校o左震機咋,乖豬醒o左少少食番手指訓得番!!)...原來係姑仔朋友打o黎問姑仔地址, 因為姑仔飲醉酒講唔到o野要送佢番屋企!!...

唔知乖豬係咪知爸媽今日眼訓呢, 佢今日都好乖, 食完7點奶就訓到11點先起身食下餐奶, 等爸媽都可以訓到11點, 抵讚!!

5/10: 今日重陽節假期, 我同老公子就帶住乖豬落樓下商場食lunch同買餸,haha, 乖豬出世咁耐都係第一次咋!!

============================================================

其他精選相:

趴得好穩喇, 只係間中會'中'個頭落地!!

趴係度都要食手

裝下先

乖豬睇到我打喊露就笑得勁開心...haha, 可能我打喊露夠醜樣, haha!!!