第二十一周 (7/10 - 13/10): 乖豬醒目o左?

今
個星期主要係覺得乖豬又醒o左, 因為食奶前佢多數食緊手, 要我拔番佢手指出o黎先得, 但呢個星期佢竟然一見到食奶就識自己拎番隻手出o黎,
再張定口雙手抓向我等我埋身!!我覺得佢識得咁做證明佢又intelligent o左呢, 有planning, 知道要食奶就要先唔食手呢!!

另外逗佢笑都令我有呢個感覺, 因為好多時只要我古古惑惑咁望住佢, 都未做d乜引佢笑佢就會笑定先, 咁好明顯表示佢知有人同佢玩呢!!

食奶時郁動多o左, 多o左用口扯, 有時扯到我好痛...又多o左個動作, 就係用手狂'where', 有時仲抓到我手一條條痕!!

便便呢就無再隔咁耐喇, 而家大約2-3日一次!

最後就係訓覺, 明明上星期開始想就個女早d訓而提早餵最夜餐奶, 點知呢個星期乖豬成日食完一放上床就醒, 碌多成個鐘近十一點先訓...唉, 連個黑眼圈仔都好似出o左o黎呀陰公...但我又真係令唔到佢早d訓...失敗!!

7/10: 今日去元朗探靖靖同拎好友幫我淘寶o既戰利品!!其實都係第一次自己一個帶佢去咁遠, 但自可以打直揹後都真係覺得幾方便, 都唔覺太難!!

一去到乖豬訓醒無耐, 心情OK, 仲即刻玩靖靖d玩具, 無因為認地方而喊, 好乖咁!!

靖靖訓緊覺, 靖靖媽媽就借靖靖d靚靚帽仔俾乖豬戴!!

3點餵奶, 乖豬邊食邊訓, 訓o左大半個鐘我唔小心整醒佢, 可能太突然, 佢神情好呆滯咁眼光光, 之後就開始爆喊喇...

佢應該係認定方呢, 仲諗住靖靖都醒o左影o下合照一齊玩, 點知唔得喇, 因為乖豬連我抱住都照喊...仲要喊得好勁好惡!!!

影o左20張合照都有, 但兩個B唔合作, 掛住亙望唔望鏡頭!!

乖豬狂喊, 仲整喊埋靖靖!!BB喊真係會傳染!!

最後由於乖豬喊得太勁, 靖靖又夠鐘食奶, 所以就早d走喇!!

=======================================================================================

今周其他精選相:

而家訓覺成日轉pose!!

望窗, 我好疑惑佢係咪真係識望風景!!

呢個星期尾開始成日捉腳仔喇!!