第二十三周 (21/10 - 27/10): 乖豬去滾!!

今個星期乖豬識'滾'喇!佢今個星期終於識趴起後自已訓番低, 有時放佢係大床時仲見到佢自己趴轉後即訓番低, 好似係度滾咁, 以後真係唔可以立亂放低佢係床邊走開呢!!

至於趴方面, 佢開始識識o地用後腳young, pat pat gut gut o下咁, 可以轉到少少, 再加埋識訓番低, 基本上放佢o係床度佢邊度都去到, 可以好自由咁周圍拎玩具'食', 如果佢乖乖o地自娛o既話, 有時我都唔一定要陪到佢實一實呢!　



另外, 乖豬呢個星期繼續學飲米水, 我就學用個粥煲仔...煲o左幾日都煲得唔好, 成日都太浠要轉用大煲滾過, 搞到我差d想放棄想退貨...好彩, 後尾先知原來我一心諗住煲粥水, 所以米太少水太多先煲唔到...

至於乖豬都OK識食, 我用spoon餵慢D佢就會好心急, 仲會出手捉實我手餵入口, 好似好為食咁, haha!!!

最後,今個星期我媽去o左旅行, 所以為免我屈係屋企悶親, 我呢個星期就自己搵節目, 一個人揹乖豬去行下屋企附近商場或者行公園, 都幾充實, 係其中一日揹住個囡行o左個半鐘頭辛苦d, 番到屋企膊頭勁痛!!

22/10: 今日禧禧媽同靖靖媽o黎拎淘寶戰利品同探乖豬, 對上一次三個B見面已經係兩個幾月前喇, 今次見面個個都大個o左, 禧禧變化最大, 因為佢大隻o左好多, 腳仔厚厚好得意!!

靖靖一o黎到就認地方, 基本上一放低就喊, 乖豬跟住亦喊埋一份, 情況同上次我去探靖靖一樣...反而最細個, 4個月大o既禧禧就最乖, 兩個B女o係佢側邊咁喊法都仲識笑, 定過台油咁!!

交換BB抱!!

三年抱兩圖!

三個B一齊開餐, 訓o係度影沙龍,好似日劇poster呢!!

禧禧同乖豬仲影埋'結婚相', 唔知個女大o左睇到會唔會不滿呢??

開完餐靖靖同乖豬繼續情緒不穩不斷喊, 禧禧o係勁嘈o既大喊聲中仲可以安睡, 勁!!

===============================================================================

其他精選相:

好似運功咁!!

扶住坐到一陣!