捐血送鐘

今日紅十字去o黎o左我公司,我當然要去啦,我仲記得我上次講過原來捐血唔通又有意義,一定要支持下嘛!!!

聽同事講,原來紅十字會年年都會送d小禮物俾係度捐血o既人,好似粉紅色水晶擺設,血形o既公仔,好得意!!!

至於今年...好老實講...雖然我唔係為o左份禮物去捐,但我打開份禮物的確有少少失望...因為份禮物竟然係一個電子鐘!!!!!

送鐘...睬!!!!

個鐘仔好'玩具'...雖然有齊溫度倒數鬧鐘功能,但我個人覺得無咩用...

Anyway,今次捐血得我一個人,仲記得上次係上年7月同當時幾位舊同事放工落去捐,大家嘻嘻哈哈好開心,但今年問o左幾位同事都無人陪我,得我自己一個,忽然好懷念上年捐血o既情景...我仲記得上年我捐得好慢,捐極都未捐夠,完o左右手仲因為'鍊'得太耐而好支力,今次我就叻好多喇,好快搞掂,哈哈!!