部份傢俬送o左o黎喇!!

上星期五同星期日,之前買o既床,衣櫃,書櫃同餐台(唔記得影相)都送到喇,咁多件貨之中最滿意就係張床!!都係o個句,呢張床係由頭到尾都無變過心,honey仲讚d用料好似好實淨添!!!至於最失望就係個衣櫃,因為個師傅裝得唔好,搞到衣櫃入面d櫃桶拉唔到出o黎,櫃邊仲au灣o左,其中一邊門又漏'la',合唔上,會入塵!!好彩,宜家肯再安排人上o黎幫我整過,不過要等多個星期喇!!

衣櫃!

櫃筒被櫃門頂住o左!!

櫃側又'au'o左!!

門o既門邊又'披'o左!!

由頭到尾都好鍾意o既床!!

背板有可以調校角度o既枕位!坐o係床睇電視睇書都方便d!!(不過個原裝枕袋有舖頭名,太肉酸,我一定會'車'過一個靚d o既!!)

由壓!

書櫃!

星期日honey同我爸合力砌好我舅父送俾我張靚書台,張書台其實無十年都有八年o架喇,不過舅父買o既係貴價靚o野(不過我唔知佢係邊買!),D門好厚好靚,用咁多年都無'au',勁!!如果唔係舅父搬細屋放唔到,相信舅父都唔會唔要張台!!張台honey勁鍾意,因為夠晒大,o岩晒佢用o黎睇圖用喎!!

honey努力砌台中!!

完成,大家睇到嗎,張台d木好厚o架!!