第三十五周 (13/1 - 19/1): 乖豬叫媽媽

今個星期繼續進步, 沖完涼著衫或訓係度換片開始無乜喊, 應該係因為佢越o黎越明白我o地係度做緊咩, 所以無咁抗拒喇!!!!

今個星期開始又有新動作, 就係fing頭, 有時咁o岩問佢o野佢擰頭就會覺得好得意!!另外佢仲開始'百厭', 而家佢食玩具多數會望住 我o黎食, 越叫'唔食得'就越要食, 分明係'百厭'!! 另外佢仲識'掉'o野喇, 好彩未至於'掟'!!


跟住就係開始爬高喇!!!!自上星期見到細佢一個月B仔識企後, 我就開始扶乖豬企, 點知咁就一發不可收拾, 佢而家好鍾意爬上我身, 想我扶佢企, 開頭就咁企佢就好開心, 後尾不得了, 佢開始擒地櫃同我個身, 想借位扶住企係sofa邊或地櫃邊...第一次見到時好驚, 因為我地櫃仲未包好邊o架, 好驚佢hum親個鼻或眼呢!!! 唉, 睇o黎乖豬好快識扶o野企喇, 我又會比之前更加唔得閒Lu!!!!

!跟住就係識'請請', 只要佢咁o岩兩隻手亙握時叫佢請請佢就一定會做咁滯, 但如果佢本來兩手分開, 就未必做!!!另外, 有日佢仲無啦啦'拍手', 唔知係撞彩定係真係識識地!!!至於'bye bye ', 而家有時見我o地bye bye 佢會伸起少少手掌, 手指仔有時會郁郁o地, 可能都正在學緊, 期待佢快會學識!!!

上面段片都唔多sure係撞o岩識請請定真係識!!下面段片就明顯D喇, 因為真係我叫'請請'佢之後做, 而唔係佢'請請'時我先跟住講'請請'!!!





發音方面, 今個星期無啦啦叫'MAMA', 我第一次聽到真係超開心...雖然...佢好明顯唔係叫我, 只係咁o岩發呢個音, 不過日日聽到佢咁叫都真係令我夠晒happy!!!! 乖豬叫完'MaMa'第二日就叫'BaBa', 不過出現frequency比較少, 但都好, 證明乖豬無偏心, tum番爸爸, HAHA!!!




15/1: 今日係大好日子, 因為今日我有兩單婚禮要去呢!!! 由於老公子都要去飲, 放唔低乖豬俾佢湊, 加上乖豬又早訓, 所以我就算幾想去飲都無辨法, 所以一早就同好姊妹講o左先, 有d唔好意思!!!(其實, 我係咪要等乖豬戒晒奶, 老公子又舞得掂佢訓我先可以再有得出夜街呢????)

由於要出街餵o左奶先觀禮, 所以我o地1點就出門口, 去K11行o左陣街就去餵奶, 由於出街乖豬無訓, 等到食奶先訓, 點知到行得時已經2點5個字, 距離2點9觀禮時間無多, 結果我同老公子抱住訓緊o既佢跑住去觀禮, 勁辛苦, 難得咁'dun'法乖豬都訓到, 都幾勁!!! 結果我同老公子準時去到, 乖豬亦訓醒, 正好觀禮, 時間夾都無咁準!!!

由於BB唔多, 行完禮係文化中心外等緊同新人影大合照時, 乖豬吸引o左好多姊妹同親朋戚友注意, 連新老爺都抱住乖豬愛不惜手, 似乎好恨抱孫咁呢, HAHA!!!

呢個係細乖豬兩個月o既BB Curtis!!

第一單完o左, 電聯後得知天雨關係, 好友Karen佢o地去唔到影外影所以未夠4點已經去到會場, 咁我同老公子就出發過去喇, 沿途開始有d大雨, 而我o地就得一把縮骨遮, 其實都幾狼狽!!!

順利去到, 因為時間好早, 得d兄弟姊妹同兩位新人o既家人, 我就襯人少少同乖豬精神還好先同大家影o下相!!!

一對sweet sweet新人!!


姊妹們!!
下午5點, 一對新人行禮, 新朗哥o既誓辭令人好感動, 聽到我眼濕濕, 睇見好姊妹辛福滿瀉o既笑容, 真係好替佢開心呢!!

夜晚, 由於要湊B所以我無飲, 留到8點幾就走, 乖豬由我一離開就訓到差唔多番到屋企, 應該係超攰呢!!!

16/1: 夜晚6點幾o個覺唔知做乜事狂喊, 我火到o黎忽然好大聲叫佢個名, 乖豬嚇到成個人震o左一震仲驚到停o左無喊幾秒, 之後先繼續爆喊...之後佢一直都唔收聲, 我最後無附都係要抱佢訓番, 但佢一邊訓都仲係一邊喘晒氣, 好陰公咁, 而我就勁內疚, 覺得自己可能真係鬧得太大聲, 所以嚇到佢咁, 勁驚佢會因此起身後嬲我或者有陰影...好彩, 乖豬仲細, 醒番後又一切正常, 咁都好D, 但睇怕我真係要好好train o下自己EQ先得!!!

17/1: 今日乖豬grandma上o黎幫乖豬剪頭髮過年!!!剪完即刻精神好多呢!!!

今周其他精選相片:

又一餅印相!!

快過年喇!!!

會所放o左棵大桃花!!

去會所玩騎馬仔個樣好神氣咁!!!