回顧過去,展望將來

一年眨o下眼又過去喇,又要回顧過去,展望將來!!

睇番一年前o既post"回顧過去,展望將來!", 我曾為2011年定下以下目標:

1. 生番個肥肥白白健健康康兼得人鍾意o既小寶寶!!

2. 生活會因為乖豬o既出世而發生大轉變, 希望我可以做個稱職o既全職媽媽, 亦希望老公子唔會因為呢個轉變而覺得生活壓力加大!!!

3. 希望放棄dream job無想像中咁肉痛, 亦希望我可以成功搭到舊同事refer一d freelance job俾我幫輕老公子!

4. 同上年一樣, 繼續寄望老公子出人頭地,2011年加薪再加薪!(老公子唔只成為我將來o既一部份, 更係乖豬, 亦即係我o地一家大小o既衣靠喇!...哎唷, 擔子好重呢..!!!)

5. 儲錢...要做全職媽咪, 少份收入, 其實都知儲唔到錢o架喇, 唯有希望努力慳錢下, 呢年都唔使運用銀行儲備去應付開支啦...

結果:

1. OK呀, BB總有難湊o既時候, 不過in general乖豬都應該算係一個唔太難湊o既BB!而且好彩餵人奶都算成功,暫時so far so good, um..都算肥肥白白啦!

2. 全職媽媽真係不易做, 諗番轉頭坐月時都只係唔慣新生活方式而覺得辛苦, 但而家其實仲忙, 因為乖豬識爬同鍾意周圍搞o野, 睇少陣都唔得, 所有家務都要等乖豬訓o左先做到, 夜晚煮飯就最難, 因為佢多數唔訓, 好多時要等到老公放工番o黎先煮, 成9點先dinner...而我唯一休息o既時候就係等乖豬10點訓o左後!!!!!

3. Freelance??太忙喇, 有都應該唔會接住囉...!

4. OK啦, 年頭加左人工又升職!

5. 真係儲唔到囉...

展望2012,我希望...

1. 追番條龍仔!!

2. 老公升職加薪!!!

3. 年中第一次帶Koey去旅行開心又順利!

4. 乖豬越大越聽話, 健健康康快高長大

o係呢度, 都祝大家2012年更進一步!!!