八個月大成績: 重17磅(近50%, 食粥兩個月終於追番D, 但其實仲係得塊面, D手腳仲係比較瘦!!), 身高大約70cm (75%, 但乖豬會郁, 好難度得準!!)! 剛八個月我正式再減多餐奶, 而家3奶2粥, 粥仔越食越多, 而家大約3/4嘜2餐, 水果就一 餐可以食得晒成個蘋果咁o既份量, 算幾多, 最愛o既木瓜大大個食成4分1都唔夠, 次次食完都喊, 可能太甜太潤太美味!!! 便便方面, 平均近每日一次, 出街就多數唔去, 除非太急!!而且都算成功去potty, 而家一星期都未必會有一次痾落片片, very good!!!
發展方面, 今個星期繼續進步, 已經可以自己爬高扶住地櫃企(但我仲未買到好用o既防撞膠邊, 所以屋企仲係好危險!)!!又越o黎越多o野講同'奸', 唔滿意就會EE呀呀大叫或即喊, 但一'得逞'就會'奸笑', 好似覺得自己好'威'咁, d動靜真係令人唔知好嬲定好笑!!!
23/1: 今年乖豬第一年過年, 我同老公子第一年派利是俾乖豬...其實無乜特別感覺, 因為佢又未明, 封利是都係俾佢當玩具拎到巢晒, HAHA!! 大約12點幾, 去到舅父屋企團拜, 因為有好多人幫我湊B, 我今日可以落去會所同親友們玩, 對我o黎講真係難得o既假期呢!!
第一年逗利是!!
大紅大金, 出發拜年去!!!
隻Monchichi仲大過乖豬呢!!!
至於乖豬, 其實咁多親友佢都驚, 成日望住D'熟人'喊o黎'求救, 而我呢個'熟人'緊係避得就避, 費事佢見到我扭要我!!!
最後, 臨走時發生o左d'意外', 就係舅父屋企門外地上發現有'朱古力漬', 原來係乖豬舅公之前俾o左粒朱古力俾乖豬玩, 乖豬一直拎住無放低, 結果拎到溶o左, 成身都係, 好彩發現得算早, 仲可以入番屋洗手抺身, 但原來幾位舅公同舅婆, 同埋我爸媽都搞到成身朱古力, haha, 個個掙住抱, 偏偏就係今日可以'唔使抱'乖豬o既我同老公子無中招呢!!!!
P.S. 一踏入龍年好友就宣布陀第二個b, 真係令人開心O既消息呀, HAHA, 希望我都可以係今年生個龍B啦!!!
再P.S. , 乖豬雖然過年前識得'請請', 但過年咁多陌生人, 根本都唔會'請'俾人睇, 結果佢o係年初三唔使出街拜年時, 係屋企玩心情靚先o黎'請請'呢!!!
24/1: 今日年初二開年, 朝早去o左我媽度食年榚, 有我屋企人湊B, 我今日可以同細佬妹同佢o地o既另一半仲有我爸玩Card Games, 嘩, 我好耐無試過玩呢D'娛樂節目'喇...果然做o左媽咪真係'全年無休'...真係要好好珍惜呢兩日o既'開心時光'呢!!!!
行去我媽屋企途中, 乖豬個樣好搞鬼!!
夜晚就去99度食開年飯, 唔知係咪出o左兩日街攰, 乖豬呢晚除我以外完全唔俾人抱, 放係sofa玩好地地, 一俾人抱起就望住我喊, 拒絕其他人呢!!!!
今周其他精選相片:
心情勁靚, d 表情好鬼馬!!
haha, 剛訓醒就俾人用閃光燈閃, 出現呢個怪樣!!! 我諗呢張係乖豬出世以o黎隻眼影到最大o既一張相呢!!!
兔年過o左先o黎扮兔仔!!! (中間o個張相我覺得好似我, 同埋影得乖豬好大個呢!!)
Your baby is so cute and beautiful. Super big eyes!!
回覆刪除[林澄回覆02/08/2012 11:40:15]only when I can assure I will have a baby as cute as yours....haha... :)
[版主回覆02/01/2012 10:49:22]thanks ~~~你幾時會plan生BB呀?
越大個越過癮 :) 識得喺 potty 度開大應該減輕你工作 :) 希望如你所願, 龍年追多個龍 B! (不過到時你會唔會湊得好辛苦?)
回覆刪除[版主回覆02/01/2012 10:50:44]應該都辛苦呀, 不過我媽當年2年1抱3, 我成日諗, 再辛苦都唔夠我媽當年咁勁, 所以暫時'勇'字當頭, 有左先算, HAHA!!!
第一張相Koey笑得好鬼馬!!~
回覆刪除[版主回覆02/01/2012 10:51:19]再相係我老公抱住佢衝前然後急停咁影, 所以佢笑得好開心!!
唔怕生, 有親戚睇住BB都幾好, 自己唔駛抱!
回覆刪除[版主回覆02/06/2012 11:50:27]係呀, 可以休息下, 但大前題係要佢唔扭計心情好先得, 所以o個日算表現唔錯呢!
乖豬好精靈呀
回覆刪除[版主回覆02/06/2012 11:50:45]thanks 呀, 同him him一樣精靈, hehe!!
其實張張都似你~~~~~~ ^^
回覆刪除[版主回覆02/08/2012 11:16:58]haha, thanks thanks~~
乖豬真係肥番好多喎！面珠脹卜卜好可愛！我個仔之前腸胃炎，痾左幾日，結果6個月返健康院唔夠磅，低過生長線少少，唉！
回覆刪除我想問下乖豬而家食野時間表大約係點？係咪食左粥之後快左長肉？
我個仔而家6個月，4餐奶1餐粥，會唔會3餐奶2餐粥會快長肉d呢？
太多問題添！希望你唔好介意！
[版主回覆02/17/2012 15:53:41]嘩, 你媽真係幾心急喎, UM...一係等個仔自己調節啦, 因為佢唔夠食完一定會喊話你知O架, 如果唔係餓成咁, 我就覺得唔好咁心急囉, 半歲人仔忽然就食兩餐粥好似太急!
[KellyMAMA回覆02/16/2012 23:42:59]你可以全人奶已經好叻，好羨慕呀!! 我就係俾阿媽阿支阿左，又話我唔夠奶、阿仔唔飽.....搞到餵唔成人奶，而家阿仔飲Formula奶 >.<
其實我都知粥一定唔夠奶咁有營養，但個仔又唔太like奶，加上佢屬於高瘦型，猛拉長但輕磅，阿媽係阿仔4個月果陣已經話要俾粥佢食，我一路拖到6個月先俾粥佢食，點知我阿媽又話要食2餐粥，勁心急，唉!! 我真係好無奈 >.<
[版主回覆02/15/2012 18:14:29]食左粥仔係肥番呀, 不過唔知係咪又開始拉長個人, 又或者呢排天氣熱著少左衫, 我覺得佢又好似瘦番D咁喇!!!
哎也, 腸胃炎咁陰公...
粥仔方面, 其實聽講粥只係飽肚, 營養始終係奶多D O架, 所以你個仔剛6個月食粥仔, 4奶1粥OK O架喇, 等7個幾8個月先轉3奶2粥啦, 乖豬都係8個月先3奶2粥!!時間表方面, 而家7點幾訓醒第一餐食奶, 之後11點粥, 2點幾3點訓醒奶, 4-5點生果, 傍晚7點粥, 之後9點幾10點奶就訓囉!!
你係咪全人奶??我到而家都仲係全人奶, 但基本上唔谷, 個女有時食5MIN都無就食完, 我都好怕係咪我唔夠奶所以個女咁瘦, 但又唔甘心用奶粉咋...如果再遲D佢拉高D仲瘦D, 睇怕我媽O個D都會叫我餵番奶粉...