第三十四周 (6/1 - 12/1)

今個星期無乜特別, 相都無乜影!!!主要係爛玩o左, 笑得越o黎越古惑, 叫佢唔好食玩具佢就偏要食, 仲要望住你o黎食, 睇o下我會唔會話佢唔好食咁!!!

7/1: 放低個女出去辨年貨, 點知因為下星期先開始有折頭, 結果白行一趟, 要下星期再出去, 不過, 都睇中晒買咩, 下星期帶住阿女買都唔太麻煩o既, 係拎得麻煩D!!!年貨睇完, 我同老公子襯難得free就shop下自己o野!!!我買o左對boot, 老公子買o左件衫, 仲買o左條牛仔褲仔俾乖豬!!!

因為有coupon, 去o左食雪榚!!

11/1: 去會所play room見到個BB仔扶住o野企係度玩, 賓賓話佢'eight month', 我心諗唔怪得咁strong可以企!! 點知之後賓賓話佢出世日期係6月21, o下?咁咪細乖豬一個月???正奇怪o既時候, 賓賓就抱B仔企係乖豬前, 咁我又扶乖豬企係度, 原來乖豬高人o地三分一個頭都有, 咁B仔似乎真係得半歲咋!!呢個B仔真係勁, 除o左好爛玩邊個'了'都勁笑外, 佢d活動能力仲好高, 可以用膝頭爬, 又識由趴轉坐, 仲可以企3-4秒保持平衡, 真係勁!!! 賓賓之後就教我可以多D扶乖豬企, 練下腳力!!!!

12/1: 好友帶佢個女靖靖o黎探乖豬, 好似都好耐無見過喇, 對上一次見面時乖豬好似都未夠半歲, 兩個B之前都係瘦B, 而家食o左粥仔後兩個B都脹番唔少, 叫做有番D肉地!!!本來今日諗住帶靖靖落會所度玩, 點知play room清潔無開, 好可惜呢, 下次約見面要記得避開清潔o既日子先得!!!

今日靖靖好乖, 去到陌生地方無乜點喊, 反而係我乖豬主場都扭計, 都唔知乜事...

最後, 因為大家忙湊B餵生果餵奶tum BB訓, 其實大家都無乜時間傾計, HAHAHA!!!!

今周精選相: