首先就係多o左'ra ra ra' o既發音, 同以前只識'Ng'人唔同, 比較似學講o野!!! 另外就係無啦啦識'擰頭', 當然, 佢仲未知'擰頭'係咩意思, 但佢間唔中就會擰o下, 有時好似答我o地問o既野咁, 都幾搞笑!!!
玩方面, 多左少少自己玩, 唔會好似之前係唔係都爬向我要抱, 不過依然對我行開行埋好敏感, 精神時我行開一陣都OK, 但耐D就唔得!! 訓覺方面越o黎越好, 訓落床少o左喊, 可能知道要訓覺啦, 只要邊陪佢玩, 玩到佢攰就乖乖笑住訓, very good!!! 至於訓低玩片都好似無扭計扭得咁勁, 大多數都無喊, 不過沖完涼著衫都仲係麻麻, 多數要坐佢係度先唔喊!!
食方面, 越O黎越明顯唔鍾意飲水, 如果係魚湯就飲得好快!!
上星期尾乖豬識鍚鍚, 不過之後第二日已經無再鍚, 隔兩日又叫, 終於又鍚多次, confirm真係識, 不過呢一次之後又無再鍚過...!!!
試過同朋友傾傾下計我朋友無啦啦叫乖豬個名, 佢識望, 應該都認得自己個名喇!!!不過爸爸媽媽都仲係唔識...
最後, 今個星期尾我傷風, 雖然唔係太病, 但喉嚨痛流鼻水始終都唔太舒服, 所以我勁驚傳染到俾乖豬, 唔係怕佢病親, 而係怕佢唔舒服會勁喊勁癡身...好彩, 我戴o左幾日口罩結果都無傳到俾乖豬, 太好喇!!
30/12: 今日帶乖豬去探好友Wendy同佢滿月o既昊昊B!!!昊昊B今日唔肯訓覺呀, 我在場時都只係見到佢每訓15分鐘就醒...做媽咪o既一定勁辛苦, 無得休息要成日tum BB訓...我都差唔多忙記o左乖豬咁細個時我湊佢o既日子喇, 應該係辛苦到不想回首...
昊昊B, 你要訓多D呀, 快高長大, 聽教聽話呀!!!
31/12: 今日同中學同學打golf, 我o地同另一個都一家大細咁去, 等B女們可以同陽光玩遊戲!!!
心情幾好, 不過一放佢坐草地就喊...!!
兩個B表情一樣, 嬲爆爆咁!!!
下午pump o左新玩具俾乖豬玩!!
仲落o左會所一陣!!!
Koey looked so innocent in the first pic :) and I love her new pooh pooh toy!!! =D
回覆刪除For the playmat, do you think it's better to have it as one piece rather than those like puzzles that you need to assemble them from pieces? I think the one piece mat is easier to be cleaned/wiped! Do I need to buy a thick one?
[版主回覆01/11/2012 10:51:21]隻POOH我都幾鍾意, 淘寶O架, 好平添呢(RMB39)!!! 我張playmat好簿o架咋, 暫時佢都係坐係度跌, 唔會整親, 但企係度跌就唔知夠唔夠厚呢!!! 係呀, 一塊過易抹D, 一塊塊o個D我見其他BB好似好鍾意拆囉, HAHA!!! 不過一塊塊o個D就易收埋D!!!
都飲魚湯肯唔肯用飲管呀? 多D自己玩, 就可以做自己野了!!
回覆刪除靖未飲過湯, 肯飲湯都好, 多D水份!!
[版主回覆01/11/2012 23:11:34]飲魚湯肯用飲管呀, 有時仲飲得好快, 飲水方面, 呢兩日佢玩緊時俾佢飲, 佢會飲一啖就唔飲, 唯有得閒就俾佢飲一啖, 好過無!!!
Koey係就係多左少少自己玩, 但時間仲係太短...希望佢之後再'獨立'D啦!!