浴血驚魂後續篇...

30/12/2015 (WED):

第一日出院我雖然有氣無力, 但惡露一直好少, 只係少少血絲, 所以我個人都唔算太擔心, 點知...

出院後2日下午5點幾, 我忽然feel到下面又唧o左一pat血出o黎, 即刻驚到衝入toilet!! 一睇, 係一part鮮血, 情況就好似我出事前2日咁, 又係無啦啦唧一pat血, 只係今次份量比之前少...

由於經歷過之前o既10級恐怖, 我個人頓時精神緊張起上o黎, 手都震晒, 想喊咁同老公表示好擔心...同一時間唔敢離開toilet, 繼續觀察出血情況...

由5點至夜晚10點, 出鮮血情況出現過至少5次, 我開始好驚好擔心, 不停打電話問醫生朋友意見...當時正係tum小朋友訓覺o既時間, 但我實在太擔心太驚, 我自己都忍唔住緊張到手騰腳震, 又唔敢離開toilet半步, 所以都有少少嚇親小朋友!! 好彩老公子係度, 最後小朋友都平靜咁入睡...

之後聽o左醫生朋友意見, 為安全起見, 最後都決定再次入院, 至少有醫生係度檢查清楚買個安心都好, 有咩事上o黎都有照應, 唔使留o係屋企自己嚇自己, 整日提心吊膽!!!

11點幾爸媽趕到, 我就餵埋人奶後收拾行裝, 再由老公子陪同去急症室!!

好好彩, 急症室列我做'緊急'case, 等o左半個鐘就有得見醫生!! 當時醫生檢查都話無再出血, 但穩陣起見都安排o左婦科病科收我症!!

上到病房2點, 姑娘問證時我仲係擔心到喊!!! 好彩姑娘們都好好人安慰我, 話明白我o既擔心~~

訓床等醫生檢查, 終於2點半醫生摸肚同拎分泌化驗, 再等多個鐘, 可以照超聲波!!! 醫生都檢查得好仔細, 咩角度都照得清清楚楚咁!!! 檢查完話唔覺出血, 照出o黎子宮都好乾淨, 只餘少量血塊, 同埋話我知我之前做刮宮手術已經係照住超聲波, 對住d組織o黎刮, 所以子宮有殘留物o係入面o既機會係極微!!! 不過佢o地見我咁擔心, 醫生都會再同senior o既醫生再相量下我o既case!!!

聽完之後我即時放下一大半心!!!

4點幾, 醫生再o黎搵我, 話我知senior 醫生睇晒我d資料同剛照o既超聲波, 同樣認為再需要做手術o既機會極微, 叫我可以正常飲食!!!

太好喇!!! 醫生都咁講, senior 醫生亦無再見我, 即係話我真係再大量出血機會唔大啦!!!

就係咁, 我泵完奶後就安心訓覺到7點幾喇!!

7點幾醫生問症, 都話我可以出院喇!!! 下面流血可能只係o個少量血塊同埋少少發炎所至, 叫我唔使擔心!!

到11點, 終於等齊文件出院!!!

檢查完真係安心好多, 至少我比之前了解多o左做完手術後o既身體狀況, 無咁自己嚇自己!!!

番到屋企下面間中又再出血, 我依然控制唔到自己有d緊張同即時去toilet...不過陪月媽咪同老公都話, 既然檢查清楚, 我就唔需要再咁緊張...

無錯, 我要放鬆d!!

本來開開心心迎接新生命o既一年,最後雖然o係惶恐中結束! 老實講, 心情還未平伏,郁d就有如驚弓之鳥,衝入toilet 情緒激動， 精神緊張...

希望2016一切都有新開始, 2015所有衰o野都過去, 新一年我要快樂健康咁照顧三位小朋友成長!

浴血驚魂

28/12/2015 (MON):

呢日係細細B出世第10日, 本來好地地抱妹妹去健康院覆診check 黃, 點知就上演o左一幕浴血驚魂, 第一次上白車, 入急症, 入緊急手術室, 全身麻醉, 第一次臨急買泵泵奶, 妹妹第一次用樽補奶粉...而家總算出院喇, 呢24小時真係發左場夢咁！住院等做手術期間,每次諗起小朋友都忍唔住喊, 好掛住佢地呢...

浴血健康院

呢朝一早, 我媽咪上o黎睇住大o個兩個, 我就一個人抱細細B去健康院, 由於我電話壞o左, 為方便聯絡, 我就拎o左我媽咪部手機出去!!! 出門口後仲撞到樓下管理員姨姨同埋鄰居, 開開心心俾BB佢o地睇, 傾o下計, 之後先上的士去健康院!!

9點準時到健康院喇!! 入lift上二樓, 點知架lift都未到, 我忽然feel到下面有o野湧出, 其實早兩日開始間中都多o左血湧出o黎, 但都只係湧一下就停, 去toilet換過墊同抹完就無, 變番正常少少惡露, 雖然我覺得奇怪, 但都無放太多o係心上...

點知呢一刻o係lift度, 唔係湧一下, 而係不停咁湧, 當時我已經心知不妙, 開始有d驚!! lift到, 我即刻衝出去同健康院職員講我流血, 但無人出o黎理我, 只係叫我入1號房搵姑娘!!! 入到去1號房, 我即刻話我流緊好多血, 流到成褲都係, 成間房其他人都聽到我驚惶失措咁講...

姑娘比我冷靜, 問: 係咪惡露未清呀?
我: 唔知呀, 但我已經成腳成褲都係...

之後姑娘就幫我抱住BB, 俾o左一塊產婦衛生巾俾我就叫我去toilet...

去到toilet, 我一除褲自己都驚, 因為已經彈到toilet門同地下都係血, 成條褲, 連鞋都有, 我當時只能坐o係toilet乜都唔敢做, 因為d血仲係不停咁湧緊出o黎, 換幾多墊都無用...我唯一可做o既, 就係大叫: 有無人呀???

可惜當時toilet乜人都無, toilet亦無救命鐘, 真係叫天不應叫地不聞...

我大聲叫o左大約5分鐘吧?? 終於有人入toilet, 當時o個個女士一入o黎見到我同一堆血可能都好驚, 我就即刻叫佢幫我搵姑娘, 好好彩, 終於有幾個姑娘入o黎搵我喇, 當時我已經驚到成個人震晒同想喊!!!

姑娘: 唔使驚, 冷靜d先, 行唔行到?? 有無暈?? 我o地搵輪椅推你訓床先!! 有無家人同你一齊o黎??
我: 無, 我自己一個抱B o黎check黃!

之後姑娘們都好快拎輪椅o黎推我, 搵o左張床俾我訓住先!!

訓上床, 健康院設備比較少, 但姑娘們都好好, 雖然好多血, 但都盡量幫我, 可惜攝o左好幾塊墊都無咩用, 我仲係feel到下面d血仲係不停咁湧出o黎...姑娘之後幫我度體溫同血壓, 可幸, 雖然流o左好多血, 但我血壓同體溫都正常, 自己亦唔覺得頭暈...

Settle好我後, 我拎起電話正想打俾媽咪通知佢幫我拎衫褲到健康院接我...我手上部電話, 咪就係我媽咪o架囉?? 咁我點通知佢?? 我即刻打俾老公, 話佢知我發生o左事, 但通知唔到我媽咪, 本來老公差d想打番去屋苑管理處, 但好好彩老公子搵到我之前whatsapp過俾佢, 陪月姨姨個電話!!

當時陪月姨姨差唔多上到我屋企, 老公聯絡到陪月姨姨後講o左我情況, 等o左一陣我媽咪就用陪月姨姨電話聯絡到我, 我先可以話到俾媽咪知我發生咩事, 需要佢幫我執d乾淨衫褲o黎健康院!!

姑娘們放番BB係我身邊, 發生o左咁多事細細B都仲訓得好甜, 完全無醒, 咁都好, 如果佢喊我反而仲要照顧佢就仲麻煩...

媽咪趕到

大約大半個鐘吧?? 當時我都已經無晒時間概念喇, 總之媽咪終於趕到o黎健康院, 佢先幫我抱B check黃磅重, 姑娘們間中入o黎問候我情況, 話會搵醫生盡快幫阿B check黃同睇o下我!! 之後又唔知等o左幾耐, 因為已經有入急症室o既心理準備, 我先叫醒BB餵佢食奶, 等佢唔好餓親!

醫生到喇, 細細B d黃比上次退o左, 增重亦理想, 之後醫生只係口頭問我情況, 望都無望我流血情況如何...或者健康院設備唔夠吧? 之後佢就話會幫我call白車入急症喇!!

白車送入院

又唔知等o左幾耐??白車到喇, 兩名救護員問我情況, 幫我量體溫血壓, 原來我當時微燒, 但我自己完全唔覺!! 之後救護員就幫我過床, 抬我上白車, 媽咪就抱埋BB跟車到急症室!!

急症室乜病人都有, 其實我o地都知抱埋BB去唔係太好, 但當時根本無得選擇...

上到白車, 可能我血壓正常又無暈, 白車應該無響號, 反而係又慢又安全咁駛去急症室, 其間救護員仲同我o地傾湊B經...其實佢o地陪o下我傾計都好, 等我心情都relax少少無咁擔心同緊張!!!

到急症室, 分流到'緊急'類

去到急症室, 原來威院新翼呢個急症室咁大咁靚咁新淨...救護員幫我登記好後就交o左我俾急症室姑娘!! 姑娘問完情況後俾o左張黃卡我同推o左我去一間房, 我就o係房內等, 原來黃卡寫住我係'緊急'類,  次於最高級別'危急', 相停醫生好快會到!!!

等醫生期間, 打電話通知老公我情況, 佢幫時已經離開o左公司趕緊o黎!! 之後再通知陪月姨姨我情況, 可能要辛苦佢一個人湊住大o個兩個小朋友一段時間先!!

老公子到急症室喇, 之後醫生都到, 大約等o左15min 吧!! 佢幫我襟肚同檢查出血情況, 當時出血情況似乎已經減少o左, 之後佢就通知婦科收症!! 之後我就被推出房, 轉頭已經有第二位病人被推入房, 急症室真係好繁忙呢!!!

婦科收症

o係急症室大堂等o左10min, 終於有人推我上房喇, 原來我係去5樓婦科病房!! 入到去病房大約12點幾1點, 我繼續訓床, 姑娘問症後隔o左一陣就有醫生睇我, 然後就幫我打點滴同叫我禁食, 水都唔可以飲!!!

之後又唔知等o左幾耐, 可能大半個鐘至一個鐘吧, 我叫老公子同媽咪去食飯先, 因為坐o係度等都無咩用...

老公子同媽咪去o左食飯, 醫生終於都o黎睇我喇, 我自己好怕企起身又baba聲流血, 但姑娘叫我唔暈就試o下照行, 由於我怱怱入院, 鞋又係血, 我當時只係著住襪咁跟住姑娘行去房搵醫生...

懷疑有組織留o係子宮, 要做緊急手術

入到房, 醫生問症後就叫我訓床檢查同照超聲波, 一除褲又係成墊成褲血...比起生B, 呢d檢查係唔舒服, 但總算忍受到...檢查o左5-10min, 醫生話照到我子宮內有陰影, 可能係血塊, 但用拑檢查好似'了'到d疑似胎盤組織o既物體, 雖然檢查時出血情況已經減少o左, 但都建議我做刮宮手術!!!

當我聽到要全身麻醉做手術o個下真係好驚, 聽埋醫生輕描淡寫咁講埋手術風險時我仲驚, 眼淚忍唔住係咁流: 大約1-2%會出現o既手術風險包括失血過多要輸血, 要割除子宮, 嚴重可能會流血不止...

如果唔做手術, 而子宮內真係有組識, 即使而家呢一刻無再流血, 但大量出血o既情況仲會有可能再發生...

雖然我都明呢d風險醫生係必需話我知, 但我今日只係抱BB去健康院咋, 無啦啦話我知要全身麻醉做手術, 仲要簽名承擔手術一切風險實在太過突然, 我即刻勁掛住屋企, 勁掛住屋企3個小朋友, 忽然好怕再見唔到佢o地, 眼淚真係忍唔住係咁流, 但o黎到呢個地步都無得揀, 我只能一邊喊一邊簽字同意做手術!!!

由於係緊急手術, 有咩大事都係用呢個手術室, 所以要排隊, 但醫生都唔知要排幾耐, 只能等手術室有位後再通知!

之後, 我就坐上輪椅由姑娘推出醫生房!! 剛好老公同媽咪連BB都番番o黎, 我就話佢o地知醫生斷症結果!!

由於完全唔知我要等幾耐先有得做手術, 於是就叫姑娘安排間房俾我餵埋最後一次人奶, 之後媽咪都應該要抱BB番屋企先, 醫院呢d環境始終唔適合BB留係度...

麻醉師到

埋身餵奶期間, 麻醉師o黎同我講手術風險, 由於我表明我要餵人奶, 所以麻醉師都好好, 話會安排一隻對餵人奶影響最少o既麻醉藥俾我!! 其實佢都有俾我揀半身麻醉, 但半身麻醉醒後有機會出現頭暈頭痛, 對照顧BB無咁好, 所以我最後都選擇全身麻醉!!

由於麻醉師咁快出現, 我一度以為我好快可以做手術...

但原來麻醉師只係要提早預備麻醉藥份量, 所以先咁早問我高度重量等資料!! 生完BB我都未磅過, 呢日上磅, 53.4kg, 原來我差1-2磅就同我未有B前一樣咁重喇, 呢胎果然重得少, keep得好fit呢... (^^!)

餵完人奶, 媽咪先抱BB離開, 再叫剛好o係威院附近o既弟婦幫忙買奶粉, 奶樽同奶泵! 唉, 有時真係唔到我唔認命, 我生第3胎再有信心全埋身餵奶又點? 意外就係意外, 再緊急o既情況就算再唔願意都無得揀, 呢晚我唔係度, 妹妹始終要食奶, 我亦始終要泵奶去掉...

媽咪走後, 老公就繼續留o係度陪我!! 可能同產科病房唔同, 呢度病人比較少, 非探病時間老公子留o係病房內陪我, 只要唔太阻人姑娘都唔會即時趕走!! 5點半至7點半探病時間, 由於怕流血, 左手打左點滴, 我連床都唔太敢落, 突然入院我又無物資係度, 我同老公子真係只有你眼望我眼, 悶悶咁係度等, 等通知做手術!!! 而我心情比較激動, 特別一諗起屋企o既小朋友就忍唔住喊, 好掛住佢o地...!!!

無了期地等

可惜, 7點半探病時間完喇, 始終未有消息, 老公子再留係度等都無咩用, 之後叫佢去食飯先, 我就問姑娘借奶泵泵奶...

老公子食完飯, 見再等都無咩用, 於是叫佢先番屋企等我電話...

9點, request要借o既奶泵仲未借到o黎, 但我已經好谷, 所以只好叫老公子再行一轉o係屋企帶剛買o既奶泵拎番o黎病房俾我用!!!

N年無用過奶泵, 左右各pump 15min重共有5安, 唔知算多定少呢??? 可惜多又點少又點, 個pump都未消毒, 妹妹又食緊奶粉喇, 我pump完只有倒去toilet, 真係好無奈...

襯老公子係度我去toilet, 雖然已經超過12小時無飲水, 但唔知點解好多尿去...可幸塊墊唔算多血, 始乎出血情況已經好輕微了!!

10點, 老公子番屋企喇, 再等都無意思, 而我就靜靜嘗試訓覺!!! 了解我都知我好難入睡, 特別係o係陌生地方, 但唔知係咪呢一日實在太驚嚇太突然, 我已經有d筋疲力盡, 我竟然好快訓得著...

呢種無了期咁等o既感覺, 其實10日前生B前都出現過, 不過上次o既等待係既驚且喜, 今次o既等待係充滿無奈...

做手術了

11點半, 姑娘拍醒我: 做得手術喇!!! 快d除衫除褲著袍~~

我心諗: 真o架? 太好喇!!!

之後邊打電話通知老公, 再去個toilet就除衫著袍, 再由輪椅推到手術室!!! 一路推我就一路問姑娘手術係點, 原來手術過程好快, 順利o既話大半個鐘就可以完成, 聽姑娘同埋推住我位姐姐語氣, 呢個手術其實好少事, 完全唔使擔心!!! 聽完佢o地語氣, 我先開始無咁擔心, 手術風險似乎都唔大吧!!

去到手術室我訓上床, 手術室醫生先俾暖被我蓋住以防凍親, 之後就有醫生 (應該係麻醉師吧!) 主動叫我唔使擔心,  話麻醉藥份量唔多, 基本上做完手術到我第二朝出院時已經可以埋身餵番人奶!! 之後再等o左一陣, 推我入手術室倍姨姨見我眼濕濕就安慰我, 話手術室其實唔可怕, 叫我唔使被電視劇集嚇親, 呢位姨姨真係好nice, 好多謝佢安慰!!

再等o左陣, 一位望落比較senior o既醫生o黎對我名同問我知唔知自己要做咩手術, 之後就同另一兩位醫生推我入手術室!!!

訓o係度被推入手術室o既感覺真係好奇怪...覺得自己真係好似怕緊電視劇咁, 不過呢D經驗真係唔試好過試!!!入到手術室, 同係電視睇到o既一樣, 上面有幾支有燈, 遠處有個鐘, 時間係12點半...之後醫生們就俾氧氣我聞, 叫我大力吸, 吸o左一陣, 醫生話我知醒後我會覺得喉嚨有啖痰同少少喉嘴痛, 再之後就話我知要打麻醉藥, 我好快就會訓...

麻醉藥一打, 手背涼涼o既, 之後我就訓著o左...

訓醒喇!!! 醫生叫我名, 叫我起身, 我就好似訓醒一樣, mark大眼望, 我已經唔o係手術室, 我試圖轉下個頭, 郁到少少, 但又未完全轉到咁!!  之後慢慢越o黎越清醒, 醫生同我講手術順利, 我望一 望鐘1點半, 我只係訓o左一個鐘, 真係好快呢, 我亦無覺得身體有任何唔妥唔舒服, 係喉嚨真係有啖痰咁, 講o野唔係太清楚, 我試圖咳下清下舊痰, 但被醫生叫我唔好, 咁樣反而會咳傷喉嚨!!

之後醫生幫我檢查一下出血情況, 雖然我feel到pat pat位有血, 但醫生話OK, 無乜血, 仲話我知我已經可以正常飲食, 第二朝好快可以出院, 之後我就好快被姨姨推番我上婦科病房喇!!!

手術成功, 可以出院

上番病房, 我自己唔太敢落床, 唔知係咪藥力未過, 我2點訓到4點幾, 之後先起身泵奶!!! 泵完奶叫姑娘幫我倒o左去之後就繼續訓, 訓到朝早7點老公打o黎先醒, 我先話俾老公知我好快做完手術, 仲應該好快出得院!!!

7點半, 醫生巡房, 醫生幫我襟肚檢查同望一望無再出血, 之後就話我知刮宮刮到20g疑似組織, 聽語氣算幾多, 但佢o地都要拎去化驗先確實到係咩!!

我: 係咪因為子宮feel到有物體係度, 所以身體就不斷供血落子宮做成大量出血?
醫生: 無錯!!
我: 咁而家刮乾淨係咪就唔會o架喇?
醫生: 係呀!
我: 咁我而家係咪都落得床食得o野o架喇?
醫生: 係呀, 落得!! 你陣間 就可以出院o架喇!!

之後無耐, 有個senior o既醫生再聽番頭先位醫生覆述番各病人病況!! 我聽到醫生講我個case時聽到'Heavy Bleeding','urgent', 'anesthesia', '20g'... 似乎我情況真係幾緊急咁呢...諗番轉頭我流咁多血都無血壓唔正常或頭暈, 都算好彩!!!

醫生之後再特登行o黎叫我坐月暫時唔好補身住, 唔好食d太行氣活血o既o野, 同再一次confirm我可以即時埋身餵番人奶後, 我真正安心喇, 我似乎無事喇!!!

之後早餐到, 我一口氣食晒落肚, 因為我24小時無食過o野喇!!! 之後我見到位姑娘好熟口面? 咦, 原來件以前同樓o既樓友!!!!

樓友: 咦, 你做乜事係度?

之後我就講我發生咩事!!!

原來樓友o係呢間醫院做o左好耐, 產後房都做過, 但我生3胎一直都無遇到佢, 偏偏今次唔係生B入院先o黎撞到, 真係唔知應該開心定唔開心!!

忽然見到識人, 心情都靚番, 佢幫我拆埋點滴後我終於行動自如, 去toilet見到無乜血我成個人開心番, 行得走得身體好似無乜唔妥, 我亦換番乾淨o既衫褲等文件出院!!!

出院了

終於, 文件齊喇, 老公子都到!! 姑娘都笑我歸心似箭, 咁緊係啦, 趕住番去埋身餵奶呢!!

臨走再同樓友打聲招呼, 我講笑話咁都撞番都唔知應唔應該合照, 佢就話: 都係等係街撞到先再影相啦!! 無錯呢, HAHA!!

之後交錢拎藥, 浴血驚魂24小時盛胃$200, 之後要食足一星期抗生素!

打的番到屋企10點, 回想番過去24小時, 真係好似發o左場惡夢咁!!!

估唔到生完B都會有手尾跟, 忽然之間諗起生BB要搵命搏呢種講法, 我仲成日覺得自己好彩, 生3胎都好順利, 但估唔到生完都仲會出事, 對呢個講法體會忽然深o左...

至於點解會發生咁o既事?? 我都真係唔知點解，可能助產士當時無檢查清楚? anyway, 唔發生都發生o左, 原因唔再重要, 最重要我已經平安好番, 可以番番屋企見番三個小朋友!!!

番到屋企好開心, 即叫陪月幫我煲薑水沖涼, 因為我成腳仲有血跡, 所有衫同外套即刻洗, 褲同鞋襪無法子洗唯有掉o左去!!!

可能屋企最舒服， 我個人終於放鬆, 感覺真係有點虛脫!! 講o野有氣無力, 好眼訓, 比生完B出院o既狀態更差!!! 而家感覺又要由頭再坐過月咁, 又唔可以咁快補, 似乎有需要請多半個月陪月呢...最後一次坐月, 點都要休養番好個身體呀!!!

經歷o左今次, 我覺得我都唔可以成日當自己鐵人, 係屋企成日行o黎行去執頭執尾, 我真係要愛鍚自己多少少, 坐多D訓多D, 做少一陣鐵人,學朋友話齋, 坐好埋個月等自已可以'重生'先得喇!!!!

大肚皮第3回 ~ 極速生產記

今日周家3小姐Kodi出o左世第4日喇!!! 襯6299帶o左Koey Kobe出街, 等我襯得閒快快打o左篇生產記, 好好記錄低我人生最後一次出入產房o既經歷啦!!!

38W5D 砌好床仔喇!! 

肚圍: 39寸, 媽媽增重: +15lbs

16/12 (WED) 39W1D 見紅

仲記得好巧合地, 生Koey 同Kobe 時見紅o個日咁o岩Grandpa都係開始放大假o既第1日, 所以今胎我都八卦o地問o左我爸爸邊日開始放假! 原來係16號, 當時仲心諗, 因為M期唔準, 真正預產期其實大機會係25-27號, 16號咁早, 今次應該唔會咁o岩吧?

點知, Grandpa真係有魔法吧? 16號一朝早起身, 我真係見紅呢, 仲要都幾明顯, 心入面唔多唔少都有d緊張, 因為真係無諗過咁早, 心入面都有少少亂!! 當時老公子剛出門口番工, 而我又成日擔心第3胎生得好快, 所以就即刻打電話叫老公番轉頭!! 呢個時候Kobe起身入房搵我, 我就攬住佢同佢講: 媽咪今晚可能要入醫院生BB喇~~~

通知埋我爸媽後, 佢o地都上晒屋企幫忙, 而我就最後檢查多次走佬袋同keep住留意見紅情況!! 點知中午打後, 紅沒有了, 一直得番少少啡, 肚亦無痛, 最後一直到5點鐘, 我決定都係唔去醫院喇, 因為行得走得真係無跡像咁!!

17/12 (THU) 39W2D 行得走得一切如常, 點知半夜...

夜晚個腦好緊張, 但都總算訓得到, 朝早起身都無再紅, 只有少啡...似乎真係未生得呢, 但呢少少啡又係點解呢?? 心情難免好緊張同囉囉luen, 精神緊張...不過一切依舊, 我仲拖地做家務, 一切生活如常...

無啦啦放o左2 日假o既老公子身痕, 是晚買o左材料打邊爐!!! 打算聽日番工銷假先, 唔好浪費假期!!!

打邊爐後, 我開始覺得假宮縮好似密o左, 不過個肚都唔係痛, 只係一宮縮時個人有d唔舒服咁...

11點我先訓, 點知1點鐘就俾宮縮整醒, 個人忽然勁緊張, 唔通真係生得?? 於是忍唔住拎手機check宮縮時間, 大約7-8分鐘一次, 雖然唔痛, 但好似都幾有規律!! 

我成個人開始好緊張, 即叫老公子入房, 同佢講我好驚, 而家係夜晚, 我應唔應該入院??? 係咪真係生得??? 會唔會去唔切醫院?? 半夜生咪要自己call 白車入院??? 老公子咪無得陪產??

老公子之後開電視陪我睇, 希望我唔好咁集中諗住, 搞到個人咁驚!!!

的確, 睇o下電視好似真係分散d注意, 就係咁, 我呢晚就去o下toilet, 睇o下雜誌, 老公子3點左右後尾都訓o左, 我雖然都有試過再訓, 但一靜落o黎我就feel到宮縮, 忍唔住check時間, 所以我最後都唔敢訓, 3點幾4點走o左去沖涼吹頭, 直到5-6點再試o下訓, 但都係唔成功, 就係咁, 呢一晚我成晚無訓過, 飽受精神折磨...

(清晨見到同我一齊佗第3胎o既中學同學報喜, 真係好開心呀, 唔通我o地真係咁有緣, 兩位小千金會同一日出世???)

18/12 (FRI) 39W3D 入院

隨住天開始光, Koey呢朝番早去學校開聖誕Party, 我呢朝要提早預備小朋友早餐同叫醒小朋友換衫番學, 忙o左一大輪宮縮都疏o左, 我心情亦好番d, 係無訓攰d...

我爸媽8點上到屋企, 預備帶Koey番學, 我先通知佢o地我似乎要入院, 佢o地都有d失預算咁!!! 

送Koey出門口時: 媽咪今日真係要入醫院生妹妹出o黎喇, 你今晚照顧細佬喇喎!!

當時我有少少想喊, 但Koey就好冷靜咁同我bye bye, 一切好似如常咁, HAHA!!

由於呢朝call唔到的士, 最後等到爸媽車完Koey番學先再車我同老公去醫院, 臨落車, 想同Kobe講幾句攬幾o下, 點知佢好cool唔肯攬我, 有d鬧情緒...

最後, 老公子呢日都無銷假, 9點幾就陪o左我去威爾斯登記入院喇!!!

上到產前房, 唔知係咪成朝做o左好多其他o野影響, 宮縮好似疏o左好多, 15分鐘先一次, 有時30分鐘都有, 變得好irregular同要好集中精神先留意到!! 姑娘見我咁疏, 都無幫我check度數, 但就因為我係第3胎, 怕我一生會好快, 所以就安排o左個走廊邊o既床位俾我, 方便我落產房!! (開頭我都有d嫌我個床位好開揚, 都係同隔離床位媽媽吹水先知原來俾呢個位我係有原因o既, HAHA!!)

未到探病時間, 我就同同一邊WING 床位o既媽媽們吹水, 當中得我係生得, 其他都係因為不同產前問題而留院觀察, 原來大肚有o既問題真係好多元化, 聽完大家面對o既佗B問題, 我都覺得我佗3胎都Touch wood大小順利平安好好彩 (雖然話今胎因為成日被人話胎細而出入多o左醫院檢查, 但turn out都無大問題, 真係算好好彩!!!)!!! 

大家傾o下大肚經, 好快就到lunch探病時間!!! 老公子買o左飯俾我, 但我一直就只顧留意宮縮好疏, 同埋研究點用我老公部spare手機等我可以上到網...HAHA, 總之其實都無乜心機同老公子傾計, 一直只係識得問: 點解仲係咁疏o架?? 究竟幾時先痛密d呢??

探病時間完o左, 我決定唔同媽媽們吹水, 試o下當係半夜, 訓o係床度專心留意宮縮, 睇o下會唔會密d, 可惜...一直都無乜進展...

5點半: 又到探病時間, 老公子o黎o左, 行o下企o下, 間中宮縮好似去番7-8分鐘一次, 雖然仲係行得走得, 但好似有d希望...

7點半: 探病時間完結, 本來我超想宮縮一密生得老公子 就唔使番屋企, 直接等埋我落產房陪產....可惜, 老公子探完後宮縮又去番15分鐘至30分鐘先一次, 似乎我18號生B同老公子可以陪產 o既願望, 達成機會都係微乎其微喇...

9點: 老公子o係醫院食埋晚飯回家喇!!! 我亦試o下早d訓, 但又點訓得著呀?? 對住個鐘check宮縮, 時間一分一秒過去...

11點幾: 宮縮痛o既程度好似大o左少少, 不過去toilet見紅依然好少, 痛緊時都仲係行到走到...

19/12 (SAT) 39W4D 極速生B

12點: 終於過o左18號, 同中學同學位小公主最後都唔係同一日生日, 唔緊要啦, 其實同呢位同學仔都3胎一胎比一胎預產期近, 其實已經係好有緣o架喇! :p

12點幾:宮縮繼續15分鐘先一次, 強度有所增加, 開始要少少呼吸幫助忍痛, 但未夠密, 究竟幾時先o黎料?

1點15分:宮縮又痛o左, 但痛o既時間只有20秒左右, 其實都唔耐, 試圖叫姑娘check度數, 可惜姑娘一問知我仲係15min先一次, 唔肯幫我check, 只係俾o左個暖水袋我暖o下肚底無咁痛!!!

1點30分: 宮縮忽然變為3-4分鐘一次, 每次都要呼吸幫助忍痛, 但未feel到有力向下推, 我忍唔住再叫多次姑娘幫我check, 話佢知宮縮明顯密o左好多!!! 姑娘反應都好快, 即刻拉簾幫我check, check完大叫過床, 我心諗: 正, 終於落得產房!!!

1點45分: 落到產房我勁心急...

一宮縮就問:用得力未?

姑娘: 未得, 頭先4度咋!! 

聽到有d失望, 明明記得生細佬時落到佢產房一check7度用得力生o架...

姑娘問: 幾點開始好痛o架?

我: 1點半

之後又痛喇, 我話feel到有力向下喇喎...

姑娘望一望, check都無再幫我check: 見到頭仔喇, 你試o下一痛就出力生啦~~~

我: 好! (正, 用得力就即係唔使再捱痛喇!!!)

之後出盡9牛2虎之力push, 可能剛開始push, 姑娘都未o係我附近, 由得我自己出力~~~

姑娘: 穿o左水話我知~~

o係下一轉出力時, 'pop'一聲, d水噴出o黎...唔怪得無姑娘理我啦, 應該係怕穿水~~~~

其實我都係第一次feel穿水咋, 前兩胎都係生得前醫生人手穿水o架~~

之後, 姑娘先埋o黎幫我, o係姑娘們指導下, 我push o左15-20min吧??? 大約換o左5-6轉氣, 肚皮一鬆, 滑滑o既一團出來了...

2點16分: 細細B終於出世喇!!!! 3.18kg, 咦, 都有7磅呀, 成日話細細B細粒, 出世同家姐一樣有7磅, 真係算係咁囉!!!

我自己望一望鐘, 連自己都覺得有d amazing, 落產房45min就生o左!!!! 

快成咁, 老公除非留o係產房外等, 如果唔係, 就算只係o係醫院附近睇怕都未必趕到o黎陪產...

有時真係整定, 妹妹既然選擇半夜出世, 咁無得同爸爸媽咪影產房出世相都無辨法囉!!

雖然, 都預o左第3胎會快, 加上妹妹個頭細個Kobe, 都估到唔使push太耐, 但產程真係快到傻!!! 上次生細佬由大痛到生3個鐘已經覺得好快, 估唔到今胎仲誇張, 但另一角度睇, 生得快真係捱少好多痛, 感覺始終都無生第一胎咁恐怖呢!!

不過, 雖然話生得快, 但呢胎由見紅到生得竟然足足3日, 假宮縮太短太疏同維持o左好長時間, 唔似早兩胎見紅第二日就生得, 呢幾日所受o既精神緊張壓力比較大, 所以都玩謝我咁滯呢!!! 

3點: 細細B出世後一直伏o係我心口, 直到聯完針, 我就試俾BB啜!! 妹妹好叻, 啜o左半個鐘左右, 力度比想像中大, 希望佢食人奶好似Kobe咁叻啦!!! 餵人奶期間得番一個姑娘係度同我傾o下計, 唔知係咪半夜關係, 產房一路都係最多3個助產士, 比我上兩胎都少人呢!!

3點半: 上番產後房, BB被抱去沖涼!

4點幾: 細細B番番o黎我身邊, 姑娘雖然叫我餵, 但BB整極唔醒, 我亦未好訓得著, 所以用電話同BB自拍放上網!!

Kodi 妹妹出世喇!!!

醫院幫BB沖完涼, 眼仔mark大大, 照結構時話似細佬, 但咁快mark大眼喎, 係咪似家姐大眼睛呀???

呢日細細B日間大部份時間訓, 我10點先可以落床, 其實住院期間只需要餵奶, 都幾舒服o架!!! 

Lunch探病時間: 我爸媽帶埋Koey Kobe探我, Kobe無見我一晚好似怪怪咁唔多願意彩我, 唔知係咪鬧情緒有少少嬲我呢??

老公子終於同到細細B同埋我影相喇!!!

下午5點幾: 6299 o黎探BB!!

21/12 (SUN) 出院了!

呢晚細細B仲係訓得比較耐, 比姑娘叫我餵人奶餵密d, 不過我就好少理, 訓番多d, 斷斷續續都訓到3-4個鐘, 補番o下眠都無咁辛苦!!!

呢朝起身第一時間問幾點出院!! 

開頭都以為下午先出到, 好彩兒科醫生檢查BB, 打針, 同埋醫生檢查產婦都比想像中早完成, 仲好好彩咁, 原來可以即刻做埋先前登記o左o既新生兒代謝病檢查 (抽血), 最後順利12點出院喇!!!

初生BB表情多多, 好可愛!!

出院喇! 大肚皮不見了, 人生以後多了位小千金！ 呢個地方黎過3次，幾痛幾辛苦都經歷夠了，以後都唔會再番黎住架喇，never ！bye bye 威院8樓產後房,多謝所有醫護人員照顧!

出院喇!! 真正展開一家五口o既生活喇!!! 坐月有陪月姨姨都唔太擔心, 坐完月就要展開一湊三生活, 希望一切順利啦!!!

東京大阪親子遊2015 - 20150620 Day8 (最後一日): 心齋橋

o黎到最後一日日本之旅喇!!!!

呢日食酒店早餐!!

不過味道就唔多合港人口味~~~雖然碗飯好香, 但一早咁大碗飯真係食唔晒呢!!

慢慢食完早餐, 我o地先出動!! 因為今日我o地無安排咩特別行程, 只係簡簡單單o係心齋橋行o下算數!! (其實我好想有行程, 但老公子強烈反對, 怕我o地太趕頭趕命, 加上咁多日都無真係Shopping 過, 所以就想留呢日慢慢行o下街算喇!!!)

我o地又去黑門巿場, Koey見到青蛙花盆, 又集下郵先!!!

之後就去由第一日到大阪, 經過幾次都無緣食o既黑銀食lunch!!!

黑銀其實係食吞拿魚, 無其他o野揀o架喇!!!

好肥美!!

睇賣相一pat肉咁唔太吸引, 但食落係真係幾好味o既!!!

小朋友都識貨, 爭住食!

大住肚都照食, 不過放心, 我作嘔中, 都食唔多!! :p

唔錯, 都值得推介去食!!

食完行黑門巿場, 又掃街!

早幾日食過番尋味, 又叫神戶牛食!

好味!

之後見到好大隻生蠔, 好吸引!!

真係好大隻o架!!

不過我唔敢食喇今次, 老公子都話味道一般o者!!

唔記得邊間店舖老闆咁好, 送o左年輪蛋榚仔俾小朋友食!!!

炸軟殼蟹!!

小朋友最愛炸o野!! 好味!!

原來仲有賣河豚, 老公想食, 但得佢一個食最後都係無買到!!

又買豆漿, Koey最愛!!

之後見到呢間, 就係老公子買o左兩次宵夜都大讚, 賣炸雞軟骨o個間舖頭: 

之後慢慢行去心齋橋~~

又玩夾公仔~~~但都係無收獲~

之後見到賣土耳其雪榚, Koey想食, 所以就幫襯!!

但原來個叔叔會用個雪榚o黎玩雜耍, 明明成日俾Koey拎, 但Koey拎極都拎唔到, 搞到Koey笑晒好開心!!!

又有得食又有得玩, 又幾得意呢!

好味!

請爸爸食!

又經過!!! 呢張影得幾靚喎!!

見到個地盤外面都有青蛙, 又幾得意喎!!

Shopping去~~~~

可惜無童裝又唔係減價, 行o左唔夠3分鐘就出番o黎 :p , 我都係唔係天生購物狂o架喇!!

見到Sanrio!!

買o左蛋黃哥同2隻青蛙碟!!

由於心齋橋太長, 小朋友好快無電, 大人都口渴, 買杯綠茶飲下先!!

細佬無電喇!!! Koey都行得好攰, 但其實我仲未見到賣童裝o既店, 好想繼續行o架...

但時間唔太許可, 最後都係決定到此為此, 係時候反酒店拎行李走喇!!!

路經見到墨魚丸百力枝, 好o岩做手信呢!!

好靚o既渠蓋, 影低先!

最後作戰, 收獲都唔少, 要番酒店執番好!!

番到酒店4點幾, 執完一輪真係要拎住行李走喇!!! 由於有少少時間加上今朝太早食lunch, 所以又買d炸雞做下午茶先!!

走喇!!! 坐火車出機場!!

好彩行李都唔算太多, 行動都未算好輪盡!

望到機場喇!!

事先知道大阪機場有兒童遊樂設施, 所以我o地預早o左3個鐘就到機場, 點知要等好耐check-in...再加上要預時間食晚餐, 所以最後都無得帶小朋友到機場玩!

等check-in 搞搞震!

Check-in時, 本來我o地只買o左一件奇艙行李, 點知新買o個個細gip放o左少少o野就超重, 我o地差唔多要就地打開晒兩個gip再執過咁滯, 結果可能太阻人喇, 機場職員免費俾我o地寄晒d行李, 就係咁, 我o地回程可以輕鬆好多喇!!!

Check-in後去食dinner!!! 味道都唔錯, 但當然價錢比較貴!

食完飯預備去另一terminal上飛機!! 俾個task Koey自己去拎行李車, 其實都有少少遠o架, 同埋架車對於Koey o黎講有少少難推, 但都完成任務!

接駁去另一Terminal o既無人駕駛!

就到喇!

點知細佬o係落車時百厭爬無人駕駛列車張摺合椅, 結果一撞成口血!!! 但當時事出太突然, 基本上我o地無時間理佢, 反而怕無人駕駛會開走所以只能半拉半扯咁拖o左細佬落車先算...

成口血真係嚇死人, 好怕佢撞甩牙仔!!! 

最後老公子抱o左佢10-15min, 血止o左, 又飲o左少少水沖o下口, 細佬終於收聲喇, 亦落地照玩, 似乎只係流血嚇o下人, 實際無咩事, 我都終於安心d!!!

無事照玩o既Kobe仔!!

合照!!

吸收上次經驗, 今次劃位都係我陪小朋友坐好d!

老公子就一個坐隔離行疏乎下啦!

起飛喇!!!

由於8點幾機, 細佬起飛無耐就訓lu!!!

Goodnight~~~

家姐?? 邊有咁快訓, 扮訓咋~

終於家姐都訓埋喇!!! 我?? 扮訓咋, 完全訓唔著, 呢幾個鐘都幾辛苦!!!

終於, o係香港12點左右到機場喇!!

小朋友都訓醒晒, Welcome Home!!!!

第二朝訓飽排o下d旅行戰利品出O黎曬先!! 

Koey & 青蛙戰利品!!

是次行程最失敗係買唔到童裝俾小朋友, 而我自己其實都只係買o左頂帽, 一條連身同一條半身裙咋!!! 呢個look有無日本feel?? HAHA!!!

後記: 多謝大家追足半年睇我呢個虎頭蛇尾o既東京大阪8天親子之旅呀!!! o黎緊要展開另一個更剌激o既1湊3之旅喇, 希望間中都抽到時間出blog同大家分享呢個新歷程啦!!! YEAH!