50歲大肚婆!

大約個多月前,我如常坐E車番工,仲記得當日無位,所以我企o左係下層兩邊都係四位對坐座椅o既走廊位,當時我向住o既一邊坐o左三女一男,男o既低住頭好專心咁睇報紙,三個女o既就不停傾計,哦~男o既應該唔識呢三個女o既~

等我再形容得清楚d啦,其實o個三個女o既應該係三母女o黎o既!

母親:      大約45至50吧,雖然外貌有點老,但幾瘦幾fit!
大女兒:  約15歲,身形有點圓潤!
小女兒:  約9歲,外貌與姐姐很像,但身形較姐姐瘦!

三位女士言談甚歡,阿媽同兩個女兒傾計就好似對朋友傾計一樣,間中仲聽到母親用比較俗(又或者係潮啦...我唔識分)o既用語同兩個女傾計,正當我欣賞呢位母親對女兒如朋友,毫無代溝時,我忽然睇到d好驚嚇o既o野...

母親o既腹部原來大大的隆起了,大約像有了五個月身孕吧!!

我開頭也不敢相信自己眼睛,因為我從來沒有見過年近50的大肚婆,所以滿腦子疑惑!!!是多年前生育後沒有好好修身嗎?但看她手腳修長明顯是瘦削型呀...

結果,母親忽然自然地用手摸一摸肚子,我確定了答案!!

在我眼前的,確是一位快50歲的孕婦!!

我唯一想到母親年紀這麼大,還要冒住險做高齡產婦的唯一原因,只有'追男丁'這個理由!!

可是...

這個想法在我快要下車時也解開了...

因為坐在母親側的男子終於同母女們有對話了!!再細看男子相貌,原來跟大女兒頗似!!

無錯,亦即是說該男子亦是母親所出...

男子大約23至25吧...照男子與兩名女兒的年齡差佢,50歲母親大約每隔8-9年便大肚一次,肚裡的一胎,跟細女兒亦剛好是言個差距呢...

不要怪我小見多怪,但對於我來講,這個母親所做的的確令我難以理解!!很明顯,50歲母親臨老大肚的目的並非為追仔,如果我無猜錯,佢生小朋友o既原因係可能怕悶!!因為對上一個小朋友8-9歲開始大個,唔再癡父母,所以佢想生多個小朋友等自己可以玩耐D!!!我眼前呢兩個女兒,出世o既理由都應該都係呢個原因!!

我明白,o係香港呢個自由社會,只要有能力,每人都有生仔o既自由,但係50歲又唔係無兒無女都仲要搵命搏生多胎真係好難令人明白!!

作為旁觀者,其實我唔應該有任何意見,但呢件事對我o黎講其實都幾震憾...或者我真係見識少,第一次見50歲o既大肚婆,所以思想上無任何準備接受呢個衝擊...到我有朝一日思想更加開放,接受到呢D新潮事物時,我會理解到點解汪阿姐會成日俾記者問佢生小朋友o既問題吧!!!

以上純個人恴見,如不表同意,請見諒!

我倆的數字遊戲

婚後三個月有多喇,終於終於砌好我一直好想整理好o既支出表,唔係誇張,我終於有一種'大功告成' o既感覺!!

由買樓、裝修、結婚、蜜月以及婚前婚後o既日常開支,我同老公子都係不規則地俾錢,雖然一直有用excel keep低d數,但有時真係唔係樣樣有單有據,一唔記得mark條數就好亂...

幾經辛苦,可以recall或有單據o既數目而家都分別入晒excel,結婚及蜜月excel更加可以close file,感覺認真良好,哈哈!!

Wedding Project(唔計酒席)	~$80,500
Home Project	~$97,400
Honeymoon Project	~$52,000

Home Project應該仲有幾千要洗(仲有傢私未添置),另外兩個project已經close file喇!!

睇番個Actual Expense,原來短短年半我o地就洗o左廿幾萬!!不過,幾個project 都o係budget以內完成,甚至係比預期expense少o左,其實都幾有成功感!!

今個月,我同老公子終於可以Balance番支出,清清楚楚無拖無欠(其實...做人老婆係咪要有'家用'o既呢?有無邊個做人太太好似我咁'均真'買個蘋果都入excel同老公計清每毫子呢???haha...),o黎緊我o地要努力計下還錢同日常支出條數喇!!

努力呀!!

妹!

我妹上電視呀!!!

自近排政府全城動o個個清潔運動廣告後,我妹又有機會上電視喇!!

聽晚(27/9)亞姐邵音音表演時會我妹同另一個女仔會為邵音音伴舞,另外2/10國慶show佢會同一班dancer幫郭富城伴舞呀,不過Aaron呢個佢話未必認到佢,因為所有dancer都無樣睇喎!!!

為o左捧我妹場,聽晚我一定要睇亞姐先得!!

fc620 ~ 酒店拍照篇

Exactly 3點半埋岸,船家控制時間真係好好!我o地上番Van 4點到達灣仔萬麗海景酒店Oasis Room!!

去到,老爺奶奶以及早上o係男家o既親友已經到o左都唔奇,最出奇係林志達律師竟然都到o左!!

林律師係香港有名o既證婚律師,我年多前confirm佢我都記得佢講明佢一定比預定時間早最少半小時到現場同新人做Briefing,估唔到我約佢6點,佢4點就出現,勁!!林律師先入新娘房同我打個招呼,話先要出一出去,五點半前佢會再番o黎,哦,原來佢仲要出去,只係先同我打招呼o者,林律師真係好盡責!!!!

早一日放o係酒店o既物資遲遲未運到reception,姊妹們未有o野要預備,都努力地o係新娘房補妝,因為上船時大家都吹到頭髮亂了!!雖然我當時心急如焚,但我只可以做o既,亦只係坐係度俾Maggie化妝!!諗番轉頭,成晚,特別係開席前我有唔少時間都好急燥,真係好多謝好姊妹珍妮不時安慰我,叫我relax唔使擔心,佢會take care咋!!

右上: 趕入酒店一刻!

轉妝完畢!!

其實之前去過d租衫公司試裙我都比較鍾情深色裙,覺得著得比較好睇!!本來我打算想著深藍色晚裝,但我媽唔鍾意,後來俾我見到Rosemary著深綠色好正,所以我改o左目標為深綠!!呢條裙早o係一年前婚展時見到Rosemary著已經好鍾意,去到羅浮宮即叫sales令俾我試,試完覺得自己都著得到,二話不說就揀o左!!!另外,呢個髮型我都好鍾意!!

條裙有少少前短後拖尾,仲係泡泡腳,不過要行起上o黎先覺,就咁企定影裙擺垂得比較直,好似無咁靚!!

由於仲未有咩賓客,我o地於是又周圍影影影!!

Oasis Room令我最鍾意o既地方,就係呢個玻璃天幕!!!

我o地似唔似周X淇,鄭X穎??

大家知道這張是拍甚麼嗎??
.
.
.

咪就係我o地個logo囉!!!當初同WeddingArt Siufei傾佈置時向佢suggeset o係backdrop砌'fC (10)'就係想我o地可以企係前面扮番我o地個logo,Siufei當時仲有讚我呢個諗發呢!!!!haha,不過我o地個backdrop太矮喇,效果同想像有d出入...哈哈!!!

之後,攝影師就帶o左我同honey上新娘房同酒店大堂影相喇!!

酒店走廊都影!!

搭lift又影!!

呢間就係我o地間海景套房喇!!

呢張唔錯!!

呢張都幾好,嘻!!

少有o既honey單人照!!

呢張我少有咁無笑到四萬咁口!!!但原來唔笑,張相又幾有feel喎!!

好喜歡呢張特寫!!

之後我o地又趕落酒店大堂影!!真係好衝忙o架!!

呢張我o地'ar ar ja ja'好似d富貴人家咁扮有氣派!!!

下回帶大家番上Oasis Room望下d decoration!!

婚後三個月!!

不斷咁努力update fc620,好似好耐無寫過日常生活添,嘻!!

過去呢一個月,老公子為o左考試成日唔得閒陪我出街,夜晚訓覺更加係晚晚都我訓先,溝通機會少o左好多...不過由於我上床訓覺唔再被'人'騷擾,我大部份時間可以十二點半前訓,有幾晚仲未夠十二點就訓得,精神狀態比之前一個月好好多呢!!!

由於老公子要把握時間溫書,所以去兩邊屋企食飯o既次數減少o左,不過,我就因此煮多o左飯!!!哈哈,honeymoon後到而家其實只係兩個月多少少,但一包五公斤米已經俾我o地兩口子食清光!!好勁!!!

哈哈,每次跟住書仔煮完一d賣相比較靚o既飯食送,我都忍唔住要影低佢,以下呢幾樣美食都獲得老公子讚賞o架!!

上左至右: 檸汁雞, 焗麵包布丁, 曲奇 (呢次係第三次焗,用得比較多牛油,所以亦係咁多次最鬆化o既一次~!)
下左至右: 焗辣意大利汁三色粉, 西炒飯, 咕嚕雞&老少平安!!

為o左老公子有好食送食,我o地尋日去大眾買o左本小菜王,佢內裡有成千種菜式呢...哈哈,如果我跟足,咁咪即係日日煮o既話三年都唔會重複食送菜囉???

另外,由於老公子考試,所以屋企先邀請我o既朋友o黎house warming,至於佢o既朋友仔呢,我o地正努力安排時間o架喇,等我o地呀!!

一班好姊妹!

o係大學同學介紹下,我o地仲o係淘寶買左少少得意card games招呼朋友呢!!

至於三個月慶祝呢...係無o既,不過尋日襯老公子考完試,我o地出o左去旺角,為o既只係要去食阿SO推介o既綿花冰!!!

兩點九去到,等左半個鐘有得食,點知店內寫住仲未有番石榴,於是叫o左個紅豆涼粉同綠茶冰,好彩,食食下有水果送到,果然就係番石榴,於是我o地即刻叫埋個石榴冰!!!個石榴冰一上台已經好香,真係好好味,個綠茶冰反而普普通通,個紅豆涼粉更加係唔多OK,出面大把甜品店好味過呢度!!!

右上: 阿土麵線,之前成日聽人話好味,今日終於試埋喇,都OK!!!
左下: 石榴冰!!個百香果醬好香呢!!

今日o既慶祝活動: 換床單,哈哈,今次換第三款床套,都幾靚呢,呵呵!!

Recent Update!

婚前開始越o黎越少o係呢度寫blog,婚後都仲係無咩時間俾我pick up番呢度...襯今日公司部電腦壞左,我搬左去一間無人o既大房做野,等我係呢度update自己最新status先~~

1. 最近好勤力做煮飯婆,兩口子兩個月就食完一包五公斤米!!(其實有時都想偷懶,但家住'半山',放工時間又就唔到老公子,出街食飯應該仲麻煩過自己煮...)

2. 呢排覺得自己終於適應新生活,開始catch到少少私人時間...雖然呢D時間仲係好少好少...

3. 另一半係夜鬼,對自己好一點o既方法係...自己訓先!!

4. 由於catch番少少私人時間,決定pick up番放低o左兩年o既煲日韓台劇生活,第一套揀o左玄彬同宋慧喬o既<<他們的世界>>...老實講,套劇好悶好悶,唯一令我仲未放棄o既原因,信相只有靚仔靚女呢一個point!!

5. 工作上呢個月有d忙,夜左放工,好彩,project快埋尾,呢兩日開始又得閒番,yeah!

6. 年尾公司地震,所以未必會同我續約,十月開始要搵工喇!!

7.最後婚後仲遇到兩件事一直好想寫,希望有時間寫番我對呢兩樣野o既感覺: 1. 50歲o既大肚婆 2. 討厭o既青蛙

 

 

希望以後多番D時間好似以前咁,多D update我日常生活o既小事趣事啦!!加油!!

fc620 ~ 遊艇party (Part3)

我同Honey影影影o既同時...

伴娘同姊妹們就幫手decorate遊艇!!!顏色用上theme color: 綠+紫色!!

Decorate完,姊妹們當然亦把屋時間,自得其樂地影影影...

咦?你o地係咪祝福緊我同honey呀??

呢張有d風,好自然呢!!

大家認得呢張相嗎??有無似曾相識o既感覺??

無錯,以上呢張相o係我blog唔止一次o架喇!!就係呢張相,我決心要以呢種橄欖綠為姊妹裙色!!!詳情大家可以睇番姊妹裙造好喇!!!!

我又加入戰團影埋一份!!!

呢張相,我覺得係我同伴娘姊妹們影得最靚o既一張呢!!

上船呢一part,班兄弟應該係最悶!!天氣太悶熱,佢地又要著住長袖衫,加上男士都唔特別鍾意被影相,成班兄弟成程船大部份都係坐o係船內唔郁,哈哈!!

不過...大合照又點少得兄弟們呢!!!

上: 兄弟們出動喇!!
下: 各單位埋位!!

哈哈...做咩伴郎咁o既表情??似乎仲係好熱咁喎...

攝影師由上層影番落下層!!

大家再整整齊齊企係船頭大合照!!!

當然唔少得'指定動作'...

呢張我同Natalie都笑得好開懷呢,睇番相都覺得開心!!

呢張攝影師叫我o地隨意企,大家當時都唔知點企先叫'隨意'...不過影出o黎又幾得意呢,個感覺有d似發現被人偷拍咁!!

Bubble (姊妹珍妮老公) show俾我睇姊妹們影o個張姊妹裙相,我又嚷住要影埋一份!!!

效果如何??

忽然間...

由於有大船經過,海上番起巨浪,正企o係船頭合照o既我o地被拋起咁滯,嚇到我同姊妹大叫...不過驚魂稍定,大家都忍唔住失笑,哈哈!!

呢張相...好似有D騎尼...不過係我o地自發擺呢個pose o既...哈哈,好似扮緊自由神像!!

呢張又係影得好自然!!

不知不覺三點要回程喇,一班人再輪住坐o係船頭影合照!!好彩呢個時候影得多合照咋,睇番晚宴d相,都無機會同兄弟姊妹續個影相呢!!

伴娘Natalie & 伴郎Mark

上左至右: 中, 周仔, Mark
下左至右: Michael, Antony, 鋒

Capture到兄弟們開心一刻!!

上左至右: Betty, Jenny, Natalie
下左至右: Athena, Clok, Karen

伴娘有d暈浪入番船休息!!所以呢張相得姊妹們再加我爸同Jenny老公Bubble!

爸爸不在話下啦!!另外我仲要好多謝Jenny & Bubble兩公婆為我同honey婚禮盡心盡力,佢o地兩個由朝忙到晚,辛苦晒!!!

臨別秋波~~~

遊艇Party準時於下午三時半結束!!!多謝收看!!

下一篇終於要帶大家去我o既婚宴場地參觀喇!!