第四十三周 (9/3 - 15/3)

而家真係越大越識o野, 而家媽咪未必係第一位, 因為乖豬識睇場景揀人抱, 如果精神要玩同出街, 就會揀grandpa或爸爸抱, 因為佢o地係最好o既人肉機動遊戲, 
試過老公子抱住佢, 我伸手話要抱乖豬撥開我添呢, 以前真係無可能發生呢 !!! 至於沖涼訓覺食奶呢D生理需要, 佢就要搵媽咪, 試過我忙住煮飯叫老公子學o下幫佢沖涼, 點知喊到收唔到聲!!! 另外, 我媽話試過幫乖豬著鞋後乖豬猛指住門口叫, 好似知要出街, 叫大人快D咁, 不過我就未見過, 唔知係咪真係識呢!!

食方面, 食左一星期奶粉, 雖然只係一餐, 但好似真係肥o左少少, 特別係面珠仔, 摸落好似實o左少少!! 不過呢, M完後我似乎都係無乜人奶, 而家一早一晚咁餵, 好多時1min內就食晒, 甚至有時可憐到每邊只係啜幾下就走...有時真係好奇怪, 我無人奶乖豬食, 佢又唔會喊, 但2點幾餐奶粉食完8安佢都會喊唔夠喉, 真係好神奇, 可能乖豬食o左咁耐, 知道人奶無就係無, 啜都無用o卦!!

至於飲水, 之前有一排覺得乖豬飲多o左少少水, 但今個星期唔知乜事成日都唔飲, 終於有日買o左Lemon,試下加少少落水, 好似真係飲多左少少, 之後o個日無加lemon, 但唔知係咪一朝唔夠奶所以餓, 一次過猛飲o左近2安, 真係好少有!!

最後係便便方面, 自半歲逗乖豬坐potty後一直都好成功, 一星期可能都係得一次會係片片度去o左我唔知, 但呢排乖豬便便o既SIGNAL好亂呢!!! 以前只要一見乖豬定格谷紅塊面同發出一D便便先有o既'NG'聲就多數逗到, 但而家乖豬成日都發出o個種怪'NG'聲, 搞到我成日逗佢但逗唔到, 一日逗足幾次好似俾佢整古咁...亦因為狼來了多o左, 有時到佢真係想便便時, 我又會因為懷疑而遲o左逗, 搞到成日遲o左痾o左落片片度,好麻煩呢!!!

最後, 多得blogger refer, 我有可能有個搵外塊機會, 希望成事喇, confirm o左再分享!

本周精選相:

成日食床

今日出街試下部2.幾KG, claim係最輕巧o既BB車, 都幾好用, 真係好輕, 我一個人出街抱住佢單手拎車都得, 遲D去旅行應該可以大派用場!!