踩單車

上星期日我同o左老公子去踩單車呀!!! 係乖豬出世以o黎第三次拍拖去呢, HAHA!!!

原來而家租單車要$90, 好貴, 加上o個日太陽好曬, 我差D就想放棄唔踩, 好彩最後都係去o左咋, 因為背住個太陽踩其實唔太曬, 加上天氣一流, 所以踩得好開心, 令我同老公子都覺得好似番番去拍拖o個陣時咁呢!!

大霧o左幾個星期, 今日難得風和日麗, 更難得係可以同老公子二人世界, 真係好開心!!

我打電話叫我妹係屋企zoom去水警機地, 白色塔仔下面個紅點就係我同老公子喇!!
(呢度好似睇唔到, 我係電腦睇相放大就見!)

科學園, 見到好多爸媽帶住1-2歲BB踩BB單車, 我同老公子都wonder佢o地係點樣入到o黎咁遠?

記得以前興用竹做o既BB椅掛係單車車頭載BB, 而家已經無得見, 應該係唔合安全規格...唔知除此之外, 仲有無方法可以帶BB踩單車呢??

o係大圍還車後老公子帶我去食o係openrice見到0劣評o既食肆食雞脾飯, OK啦!

由於已經2年無踩過單車, 是晚我雙腳超痛呢, HAHA!!