害喜改善了一點, 但體重還是...(13-14W)

自12周後害喜好似真係改善o左少少...

無錯, 只係少少...至少, 精神好番D, 肚餓時亦唔會好似之前咁辛苦, 食o野o既份量亦無之前咁少, 之前可能食幾啖都嘔, 而家應該食到半碗先嘔吧...

anyway, 出街食o野真係可免則免喇, 基本上食少少都必嘔, 反而係屋企坐定定就可以食多D, 好間中都可以食到正常份量而唔嘔, 所以而家約親朋友見面, 甚至同屋企出街lunch, 我都真係寧願坐係度唔食好過, 最多打包番屋企先再開餐...

而家個肚又再大o左, 好似至少有5個月肚咁, 但其實4個月都未夠...有時都希望時間可以過得快D, 上胎6個月止嘔, 希望今胎唔好破紀錄吧!!!

至於體重...以為嘔少o左DD體重應該可以止跌吧, 點知14周尾再磅, 得116磅多少少, 比做oscar時跌多1磅喇...噢, 差3磅就回復我未有Koey前o既體重喇, 估唔到生完乖豬一直跟身呢10磅肥豬肉會o係大肚時自動走左先得o架...真係令人又愛又恨呢!!!