發現乖豬 (回顧3-4Wk)

9/9/2010 (~ 3.5wk)

今個月第一次try, 由於自己年紀唔算大, 所以都有d信心, 不過話唔緊張就假...

今日係我自己估計o既排卵後Day10, 由於呢段期間我一直覺得身體同之前有d唔同, 為引證自己o既直覺, 今朝好心急就用o左支話自己可以m前5日check到o既捧捧check...

結果...

條線淺到不得了, 淺到好似無咁,但你話無咩?又好似係有喎...

咁即係點呢??好緊張, 但又急唔o黎...唯有過幾日再check!!!!

===========================================================

12/9/2010 (~ 4wk)

今日係自己估計o既排卵後Day13, 訓得唔好, 可能心底裡對驗孕還是太緊張吧!!!!

因為想老公子多d參與, 所以特登等星期日驗, 仲要老公子親自操刀!!!

結果...

上: 第一次check淺到影相都見唔到o既結果...
下: 第二次, 條線好明顯呢, 只係比較淺色, 可能都仲係太早驗吧...

上baby kingdom了解, 好多人話只要有線, 條線深定淺都可以當自己bingo o架喇, 加上我今次條線明顯深色過上次, 咁即係...

我bingo喇!!!!

不過, 可能上次己經有好淺o既水印, 加上我確切feel到今個cycle同之前m到好唔同, 我都有d信心係有左, 所以對呢個result唔算太興奮!!!

至於老公子, 佢因為我"未check到就當正自己有o左",所以心理上應該都做足準備, 反應都唔算太大, 只係好鬼馬咁同我講o左句:

"恭喜晒喎~~~"

我回敬番老公子一句: "恭喜晒喎~~"

之後老公子又倒頭再睡, 好似成件事同佢無關咁...激死人!!!

==========================================================

15/9/2010 (~ 4.5wk)

今日同老公子出發去上海, 係南京路步行街經過屈人寺, 於是就決定入去搵棒棒!!!原來大陸d棒棒平香港好多好多, 我係香港買o個兩支己經叫最平, 但都要近$30/支, 但上海呢度d棒棒只係賣RMB15左右咋, 最貴見到好似都係RMB30左右...

問老公子買幾多支, 老公子話買2支...haha, 似乎老公子仲未好信我有左呢個事實, 好想再試幾次去確定喎!!!!!

...

是晚番到酒店沖涼即驗, 結果??明顯不過啦, 老公子, 你信你就快做爸爸未呀???