前所未有的身體感覺 (回顧第4wk)

9/14/2010 (~4.5wk)

我之前都提過我對今次Bingo好似有d感覺, 所以都有d信心, 等我o係度分享o下係咩感覺, 等有打算生bb o既blog友參考下啦!!!

1. 排卵痛
由今個cycle M後6-7日開始我就開始腸胃不適, 其實一向以o黎我每隔幾個月都會出現腸胃不適, 胃氣多肚頂頂無胃口, 所以今次都唔覺得有咩唔妥...直到M到後大約20日, 胃氣不適痛到頂點, 下午o個陣個肚脹到不得了, 真係好辛苦, 不過, 入夜後, 胃氣不適忽然減輕o左好多!!! 我諗番起o係forum度睇到唔少人原來排卵係會肚脹甚至feel到痛o既,而咁o岩計番period長度, 今日排卵絕對唔奇呀, 就係咁, 我認為今次胃氣不適同排卵似乎有關係, 而我同老公子當然有把握機會啦!!!

2. 下腹肌肉跳動
懷疑排卵後幾日, 唔知心理作用定係點, 我覺得我間唔中會feel到下腹o既'活動', 個感覺好怪, 就係左右兩邊腹部內o既肌肉會間中跳一下或有少少淵痛,有時又會係扯扯o下咁, 總之就係'有d感覺', 就係因為呢d前所未有o既感覺, 令我對今次有d信心!!!

3. 容易累/容易眼訓
懷疑排卵後幾日, 即9月初我就同一班好姊妹去o左台南旅行, 雖然行程唔算太辛苦, 但我成日都覺得好支力同眼訓, 總之, 成個trip我都有少少係'死頂'...比起以前, 體力似乎明顯差左呢!!

4. 腳浮浮
由台南番o黎後我就成日覺得自己腳浮浮, 不過又未至於頭暈, 個感覺就好似個靈魂成日想飄離肉身咁, 只要個頭稍為擰得快少少, 個靈魂就好似有離心力咁想飛走...感覺好古怪, 亦因為咁, 我覺得我做o野好難集中精神, 都唔知係我太留意呢d感覺好想知自己係咪bingo而無心工作, 定係真係精神唔好...

5. 心跳
自從好似有左後就間唔中feel到心跳加速, 好似無端端俾人嚇一嚇o個種, 當然, 程度又未至於好似俾人嚇咁勁!!!總之, 只要我有少少緊張就會有呢種感覺, 唔怪得好多人都話大肚婆唔嚇得...如果我俾人嚇, 我諗個心會跳到飛出o黎都似!!!