第六十二至六十三周 (20/7 - 2/8): 乖豬14個月大喇!!!

乖豬14個月大喇!!

重量: 大約21.8磅 

高: 無度

訓覺有進步, 每晚10點訓到第二朝7點半, 間中訓到8點多D, very good, 都算好耐無再6點幾起身, 對我o黎講真係好好喇!!! 至於午睡, 而家只會訓一覺, 多數1點訓到3點多D, 平均都有2小時, 好間中會訓3個鐘, 不過出街就差D, 多數訓個半鐘左右!!

食方面就比較飄忽, 有時食一半就唔食, 有時又食得晒, 仲好鍾意食大人o野, 我同老公子食晚飯時就會猛大叫催我俾佢食, 有時條魚差唔多俾佢食晒, 我反而無乜食...

奶方面, 轉左奶粉, 唔覺佢對新奶粉有咩喜惡, 都係間中食得晒, 間中食剩3安 (多數夜晚先會咁, 可能dinner食得太飽!)!!! 

行動方面, 終於o係第六十三周時無啦啦識行喇!!! 一識o左行之後真係爬少o左好多, 成日搬住屋企D椅子行o黎行去, 有時我或老公子入左房, 佢就會八八卦卦跟入o黎, 抱佢唔走!!!

講o野方面, 第六十二周開始有明顯進步, 試過連續幾日都有新發音, '波波', '抱抱'呢D發音越o黎越正, 唔再似'BABA', 而家識講o既有: 波波, 抱抱, 花花, 佳佳(唔該), GAGA(腳腳), 榚榚 (蛋榚), 包包, 爸爸, 媽媽, EE (姨姨), yeahyeah, wow wow (狗仔叫), 車車 (發音唔正), 舅舅, 牙牙!

玩玩具方面, 識識地入形狀, 但要幫佢, 提佢入邊個LONE同幫佢擰個盒去就佢手仔入!! 最驚喜係有日帶佢去ikea玩, 估唔到佢原來識疊高D玩具(因為屋企無呢類玩具), 本來諗住買呢種玩具番屋企o架, 但見佢一玩就識, 所以最後都無買!!! 另外又有個大形o既推珠仔玩具, 佢又係推幾次就掌握到點推, 好驚喜, 屋企o個個推珠仔玩具反而太細, 好難玩!!!

去potty方面, 唉, 自11個月大時開始逗小便,但成績都係好飄忽, 如果我夠勤力同catch到佢時間 (by luck only), 咁最好成績都係大半朝唔濕片片, 一日用2條片係最高紀錄, 但更多時係逗唔中, 問親佢去toilet都擰頭, 成日都去唔到, 一係就o係我打算逗之前就係片片度去左...所以平均每日用3-4條片, 其實比唔逗佢都係用少一條片左右, 有時都令我幾無心機逗佢, 懶得理...唔知幾時乖豬先識主動出聲話我知要去toilet呢!!!

20/7: 14個月大正日, 約o左hei hei同靖靖去沙田玩!!

當時乖豬仲未識行, 所以係得佢一個可以企定定影相!!! 靖靖同禧禧就成日行o左去, 好難影合照!!!




呢張好得意呀!!!

靖靖好快就熱到成頭汗!!!


本來乖豬心情都OK, 點知...


有個衰姐姐迫開o左靖靖同乖豬, 搞到呢個喊得好淒涼!!!


不過靖靖後尾都無再喊, 好叻!!!

相反, 乖豬之後就只有一個人o既時候先識笑...

一有人埋身就...喊!!





21/7: 乖豬14個月大喇!!!

22/7: 今日同老公子帶乖豬去沙田!!! 本來想去左IKEA先, 但出到去都5點有多, 最終就先去食上海o野dinner之後7點先去ikea玩!!

老實講, ikea真係幾好玩, 我o地逗留左1個鐘唔想太夜所以走, 但好明顯乖豬仲未玩夠!!

最後乖豬推住BB車行足成層, 好好腳力!

25/7: 之前join o左CCK個baby star competition入o左頭20名, 所以呢日可以去佢地studio影幾張相!!

左邊條揹帶好好用, 又易揹, 比hip seat更好, 因為可以free晒兩隻手, 不過唔知揹得耐膊頭攰唔攰!!! anyway, 我都買左條自己用!!

乖豬影單人照時好開心!!!

乖豬第一次o黎呢D工廠大廈!!

 
最後雖然win唔到, 但CCK都send番D相俾我, 影得唔錯呢!!

 

27/7: 今日去o左探好友Percy!!! 佢就快生第二個B喇, 好羡慕呀!! 妹妹將會o係我老公子生日o個日出世, 恭喜呢!!

呢日仲上演左幕'First Kiss'...其實我o地兩個媽咪只係叫佢o地鍚面仔咋, 點知佢地同一時間...

其他精選相:

新水杯

學大人想'夾'野!