本周target:
16/5: 床褥朝早送到, 執屋, 開始入帖, 印帖信封
17/5: 約酒店及攝影師site visit傾細節, 入帖, 印帖信封
實際情況:
16/5:
- 床褥準時送到,但當晚睇報紙先見到消委會有報告話我買呢款床褥防火功能不及格囉...好彩我同我honey都唔係煙民,唔係就好易燒死...
- 執屋...理論上只係執o左衣櫃,廳無執過,仲係成屋紙皮同盒
- 入帖進度係零,忙到開始唔到
- 印帖封進度係零,因為我張帖封竟然唔上墨,d墨一噴上去就甩到成張帖周圍都係,D字好似甩色咁,等超過十五分鐘都唔乾,一抺就無晒...唉...
- 不過今日下午同honey一齊revise rundown,多得已嫁靚太姊妹Jenny指點,rundown大至完成!
17/5:
- 由於rundown 準備不錯,伴郎又盡責睇o左一次rundown,今日同錄影師Roger site visit男女家及酒店傾rundown一切順利,到時男女家setting,停車位置都傾好,不過就真係要麻煩伴郎到時control各大單位喇!!
- 傾rundown已經由朝去到晚,結果,今朝辛苦我爸借番o黎o個部laser printer要夜晚先試到,結果又裝driver又試,搞完一輪先成功,結果印o左十數帖封...至於入帖數量,依然係0
- 由於下星期過大禮,今日一次過執晒本來已經放係女家o既中式禮儀用品俾我honey拎番過男家,不過我o地發現我o地上次係大陸買得太少利是封...要再買先得喇!!
rundown完成左已經好好架啦 , 入帖個d平時夜晚每日做小小咁啦 , 加油呀~
回覆刪除[SkyBlue回覆05/18/2009 22:22:00]yup yup, 多謝你呀, 一齊努力!!!!就快倒數一個月喇,好緊張!!
我唔諗住印帖封呀,因為我已經要diy張帖,大把野搞~~不過見到你咁,我諗我要再早少少搞dim張帖~~晚晚做d做d,希望做得切!!
回覆刪除加油呀,要幫手出聲喎~~唔好客氣!!
[SkyBlue回覆05/19/2009 19:44:00]多謝你呀!!!係囉...我其實都算係個未雨綢繆o既人,但我都唔明點解而家好似咩都唔夠時間咁...
加油呀 ~~ 唔好做咁夜呀. 要同黑眼圈 SAY NO 呀~~~
回覆刪除[SkyBlue回覆05/19/2009 19:45:00]多謝你呀!!我會留意o架喇,呢排都有乖乖咁就算做唔晒都休息,嘻!!!
入帖呢d工夫, 可以下個sat我黎上黎你屋企傾遊戲0個陣一齊幫手入d呀!!! 咁多人好快0者~ 一路傾一路入law! 搵1個人mark低d point就得la!
回覆刪除[SkyBlue回覆05/19/2009 19:45:00]Yup yup,多謝你呀betty,我反而想你o地幫我整花車裝飾呀!!!嘻!!!
加油呀!!!!最後階段，你唸下去旅行時好開心好開心，就會好d家!!!
回覆刪除[SkyBlue回覆05/19/2009 19:45:00]係呀係呀,Honeymoon先係main point,哈哈!!
點解你地個個都咁忙, 咁緊張....搞到我開始懷疑自己唔正常
回覆刪除[SkyBlue回覆05/19/2009 15:19:00]haha, 其實我都有疑惑過你點解輕鬆成咁O架!!不過我記得你好早就預備RUNDOWN各項,而家輕鬆都唔奇呀!!其實我都係差成長片呢樣野最花時間帶俾我最大壓力,完o左佢,我諗我都有時間學你數手指,嘻!!!
你仲有10日左右咋,而我就快進入30日倒數喇!!!希望我有時間日日寫倒數啦,其實我有好多o野想share o架,只係無時間咋!!
加油啊!!
回覆刪除[SkyBlue回覆05/19/2009 19:46:00]多謝你呀!!!
don't put too much pressure on yourself... this is a memorable and sweet process. just make it up to a pt you feel gd.. no perfect right ?
回覆刪除my big date is sept ... vy to add oil
[SkyBlue回覆05/19/2009 19:47:00]yes ar, 本來都真係搞到無咩心機,不過呢排開始約人派帖,心情又開始有少少興奮同開心番!!
多謝你呀,我會繼續加油o架!!