4/7 (SAT): Rorschach (酒店) -> Ebenalp -> Appenzell -> St Gallen -> Rorschach (酒店)
上半日行程請睇:
希臘瑞士Honeymoon之旅 ~ Day9(上): 瑞士塵世美 Ebanalp & Appenzell (4/7)
離開Appenzell, 我同老公子坐o左大約50分鐘火車就去到另一個城巿~St Gallen喇!!
到達St Gallen大約三點吧, 我同老公子咩都未食過肚餓得很, 但眼見距離Abbey Library關門時間漸近, 我同老公子唯有求其咁狼吞由香港帶去o既唐餅~紅菱作為午餐(好彩個紅菱都好大個, 入面全部都係蓮蓉,都頂到肚餓!!), 急步向The Convent of St Gallen (聖加倫修道院)進發!!!
左: 應該係街頭藝術品吧...
右: 架靚車原來係的士...我差d以為係警車...點解HK d的士無咁靚o既??大家睇下我一副狼狽相...影相都無時間放低行裝 (Appenzell戰利品), 大家相像到我o地幾衝忙嗎?行行行,經過一個街邊檔賣燒肉腸,望一望個名: Schüblig, 正係我資料上話去瑞士德語區要試o既肉腸,雖然要近6.5CHF(約HKD$42)一條,但特產喎, 我o地又餓到飛起,即買!!
個皮好脆,好好味!!去到修道院喇...咁o既???同米蘭大教堂一樣,呢度又係塔晒棚開show!!靚靚美景就係咁影唔到!!可惡!!!
嗚...簡直大殺風景...離開Cathedral途中見到呢個廣告牌, 就係開呢個St Gallen Festival 所以教堂塔晒台!!!(大家睇下個牌右下角, festival from 26Jun to 10Jul, exactly係我honeymoon個期, 撞晒!!)進入修道院範圍...
Building 同Building中間o既位置有好多石像!!我o地仲遇到有對新人係呢度結婚添!!搵o左一陣我o地就搵到點去圖書館喇!!!仲記得睇容袓兒時已經覺得呢度好靚,當時覺得愛書o既老公子一定鍾意o黎,所以呢度係成個瑞士行程中,除上雪山外,我個人最期待o既一個景點!!
大家有睇容祖兒個節目, 應該都對呢個圖畫館留下深刻印像吧!!!
Src: http://www.st.gallen-bodensee.ch/en/navpage-CultureSG-UnescoSG-42631.html資料顯示: 從公元8世紀至1805年脫離宗教影響，聖加爾修道院一直是歐洲最重要的建築之一，是卡洛林王朝時期修道院建築風格的完美再現。修道院圖書館是世界上歷史最悠久、館藏最豐富的圖書館之一，其藏品中保存有許多珍貴的手稿，部分手稿寫於羊皮上，內容是最初的建築構想。修道院社區於公元1755-1768年按巴羅克式的風格重建。大教堂和圖書館是該宏偉建築群的主要代表，一千兩百年以來，人們在此活動不斷。 。 (聯合國世遺官網: http://whc.unesco.org/en/list/268 )
有swiss pass,入去參觀係免費o既!!到瑞士都第三日喇,我同老公子終於係呢度撞到第一個香港人!!
由於圖書館每一角落都係珍貴o既文物,進入前所有遊客都要先將個人物品放入locker,仲要著上一對大拖鞋先入得去,避免刮花地板, 圖書館內更加係禁止拍照!!
入去參觀喇, 我o地有幸拎到最後一份English tour guide(要還o既!), 如果無o左呢份guide,真係唔知自己睇緊d咩!!
入去喇,Wow,真係好靚,但原來唔似睇電視或上網D圖片影出o黎咁大!!圖書館分兩層,二樓係禁止內進o既,下層廳中放o左十個展櫃,展示館內最有歷史價值o既圖書!!雖然好多書都係幾百年前,但書本保存得好好,筆跡字跡都看得一清二楚,而且種類亦繁多,天文、星相、音樂、數理、文學都有,還有數百年前老師批改學生功課的課本同學生畢業證書!!老公子看得津津有味呢!!
至於我, 我無老公子咁愛書,所以主力係...諗辦法用手機靜靜雞影相!!!!!
結果...haha~~~好曳呢, 我成功o左!!不過手機影相質素始終麻麻,但下面張相的確幾值得俾自己一個留念!!
去完Abbey Library,我o地去o左Cathedral入面參觀!!
天花d畫好靚呢!!!
資料顯示: St Gallen教堂 (Cathedral) 大有來頭, 建於1755年,1766年完工。天花壁畫出自 Josef Wannenmacher,牆身裝飾出自 Gigi Brothers.
正當我o地欣賞緊教堂內部時...忽然間諗起...點解我o地無入到去米蘭教堂內部呢?????????
大頭蝦o既我o地,去到米蘭只係識上塔上參觀,時間係趕o者,都無理由會唔記得入教堂入面嘛!!最搞笑係,我o地事隔兩日o黎到St Gallen走入呢間教堂先醒番起...真失敗!!!!!!!!!!!!!
...不過唔緊要啦,我深信將來實有機會再去米蘭吧!!....
之後, 我o地襯仲未5點, 決定去睇埋另一個館Lapidarium參觀!!!
呢度明明寫住係Lapidarium入口, 但唔知點解d門開唔到, 我o地仲差d被困係自動門內!!好彩後尾都搵到路去展館!!
資料顯示: Lapidarium(lat. lapis, "stone") is a term for a collection of stone works that are often placed at grave sites. The Lapidarium of the Abbey library St.Gallen is one of the most important in Europe .呢個館收埋好多石頭, 而呢d石頭其實本來都係埋係墓穴內o架!!
由於今次無guide睇住,其實我o地都唔係好知自己睇緊咩o架...只係知道呢d石頭係好耐之前o既,同埋應該好有價值...但點解有價值就唔知lu...我o地留到展觀閉門先走, 終於唔使再趕時間, 所以之後就係修道院範圍周圍慢慢行下!!!
Karlstor (Karl's Gate): The only remaining outer gate of the cityCathedral
右邊塔晒棚真係可惡!!難得搵到個叫做識影相o既歐洲人, 佢巧妙咁用我o地個身遮住Cathedral前o既棚同台!!...雖然係咁,我還是覺得影唔到靚靚o既St Gallen Cathedral係好可惜!!West wing: with Abbey library and Lapidarium:Baroque hall "Sanatorium of the soul"
空地前有d外國人躺在草地上睇書或午睡,甚至仲見到一個好細個o既BB係草地上爬, 好可愛,好似好寫意呢!!而家諗番,香港真係無乜邊個小朋友有可以係草地上爬行奔跑o既幸福, 早知我同老公子都試下訓草地啦...(不過當時其實好曬, 所以當時根本無諗過要咁做!!)New Palatinate : The former residence of the prince-abbot
左圖呢個金屬物體唔知係咩, 好彩有指示板介紹, 似乎係一條秘道之類吧?行完修道院, 我o地再行下St Gallen,呢度d屋依然好靚,雖然唔及Appenzell d屋俾人好可愛o既感覺,但就似乎比較有氣派!!
呢座教堂o既屋頂圖案好靚呢!!同Appenzell一樣, 呢度d屋外牆都有壁畫o架!!Oriels: St Gallen巿內有111個充滿藝術色彩的窗台( oriels), 顯示從前商人的財富地位。熊是St Gallen的標誌, 市內到處擺放了熊像, 每個像也有不同造型!
回程喇,走番o黎呢度時o既同一條街,但之前明明人頭湧湧好熱鬧,估唔到5點後舖頭收晒竟然變o左個死城咁...連遊客都無乜...本來我o地諗住番尋味, 再買多條貴肉腸食嘛,點知已經收o左檔lu!!
行人只餘小貓三四隻!!呢座building門口寫住UBS, 睇o黎似係UBS瑞士總部吧??好靚呀!!死城一樣...見到H&M(可惜已經關門), 圖中條裙都係HKD200左右, 都唔貴呀,同HK差唔多之嘛, 唔覺瑞士物價太貴呢!!由於St Gallen 5點後好似死城咁, 無咩好行,於是我o地決定比原定計劃提早一個鐘番去Rorschach!!!
唉...諗番轉頭,既然我o係Ebanalp點都趕唔到個local tour,早知就朝早去St Gallen,夜晚先去Appenzell啦,咁就唔使好似而家咁,Appenzell趕頭趕命無時間行山訓草地,St Gallen就提早走啦!!
回程火車上,由於我o地坐早o左一個鐘o既車番Rorschach,所以我手頭上無呢班車資料,於是一上車就問一位叔叔呢架車係咪去Rorschach!!雖然對方唔識英文,只係不斷重複'Rorschach'呢個字,但佢比我o地還要緊張我o地坐錯車,又問我o地拎地圖,又不時提我o地仲有幾多個站就到,真係好好人呢!!(呢個應該係全程瑞士遇到最nice o既當地人喇!)
番到Rorschach,不如就影下Rorschach d 環境啦!!
酒店附近街道!!由於已經5點後,街道都好靜!! 番到我o地間無敵大酒店房喇,今日時間好早,我o地又可以借酒店電腦上網!
上完網番房煮大餐!!!
車厘子一大盒!!!d人話瑞士買車厘子比香港平, 買左一盒!!
但後尾發現之後去o既地方賣得仲平, 但其實HK都係賣差唔多錢之嘛!!今日煮得好好味,呵呵!!不過其實我o地都有D唔好意思,因為瑞士酒店無冷氣o架,開大窗又怕多蚊,於是我o地係焗住咁o係室內煮食...呢間無敵honeymoon suite應該就係咁,俾我o地搞到有陣肉味喇...希望過兩日會散啦!!!
