i am proud of you!

不知何時開始, 老公子o既事業比我自己事業變得更重要!!

早兩篇先講緊今個月對我同老公子都好特別, 因為大家都搵緊工, 下一份工分分鐘對大家前途都有影響, 估唔到尋日就收到兩個好消息!!

1. 老公子有offer喇!!!

2. 而家呢份contract confirm o左我contract end係四月底唔係三月底!!

第二個消息等於失業, 雖然唔可以話係'好', 但至少我多o左一個月時間搵工, 咁已經算幸運!!另一樣好就係我同老公子4月頭會去旅行, 5日public holiday依然係有paid, 實在可喜可賀, short contract內放咁多紅假, 都真係待我不簿!!

至於第一點, 呢份工將會係老公子u grad後第二份工, 亦係佢charter o左後第一次轉工!! 雖然exact package仲未傾, 但人工有無得加呢樣都唔係最重要,更重要係新公司係大公司, 機遇點都比前公司多, 雖然老公子前公司待佢都唔差, 但老公子亦無理由畢業後一直安守於同一份工太耐吧, 世界咁大, 好應該出去見識下!!

所以, 我知道老公子有offer時真係比佢自己還要開心!!希望老公子轉工一切順利!!

至於我, 今日已經係星期二, 上星期個surprise interview已經發生o左超過一星期, 我真係好期待電話響起一刻...!!! 如果今個星期我仲未有消息, 我係咪要試下搵non-I.T. o既perm job???

搵non-IT工
pros: 有產假
cons: 人工由頭計過

搵番IT工
pros: 人工維持得番現有水平
cons: 無產假, 甚至如果一年後contract end我開始大肚又有排都未生得, 公司唔續contract不在話下, 分分鐘出去搵第二份都唔會有人請!!!

點算???non-IT會唔會人工低到cover唔番產假賺到o既??搵contract I.T工又似乎太risky, 分分鐘生仔前後要失業好長時間...

究竟下一份工我應該從邊個方向行好D呢???