冬菇滑雞臘味飯

星期六去o左老公子表姐個BB o既百日宴, 順便當團拜派利是俾老公子親友!!

我o地其實都係第一次去飲百日宴咋, BB女三個月, 好靚女好可愛,不過一人多圍住佢時佢就扭計喇!!

我真係肥左好多添,真係要減下肥先得!!

BB女叫Chloe, 佢爸媽用佢個靚女樣整o左張月曆卡俾各位做小禮物!!

===============================================================

尋晚用媽咪俾o既臘腸潤腸煮臘味飯, 落o左勁多薑葱, 雖然無靚煲, 但用易潔煲煮原來都可以煮到飯焦, 老公子食得勁快勁滋味, haha, 我好有滿足感!!! (不過d臘腸真係幾肥, 呢煲o野好味就好味,但應該幾肥呢!!)

唯一差少少係d葱早o左放,焗到黃左無咁美觀!!

大家見到嗎??飯焦呀!!好似脆米咁脆, 正!!