今日係全個旅程最辛苦一日!!因為,我o地要拖住d行李去Luzern同Bern,最後仲要轉幾程車先上到位於海拔1600M o既Murren酒店settle down!!!!
5/7 (SAT): Rorschach (酒店) -> Luzern -> Bern -> Murren (酒店)
用下面地圖講俾大家聽可能會易明d!!! 呢日我o地會有瑞士東北邊o既A區落去C區o既Luzern,然後再到位於E區o既瑞士首都Bern,最後去到F區o既Interlaken,住o係海拔千六米高o既地方!!
Src: http://www.myswitzerland.com.hk
其實我見尋日時間咁趕,於是呢日都有問老公子好唔好唔去Luzern!!不過,既然plan o左,今日唔去Luzern亦唔會令之後日子o既行程輕鬆D,最後,我o地都照原定計劃去Luzern!! (諗番轉頭,呢個決定其實幾錯...俾我揀多次,我會決定唔去Luzern!!)
食完美味(! 我老公子應該唔認同!!)早餐,我地就出發去St Gallen再轉車去Luzern!!!!
我o地坐o左全程最短o既火車,計埋車頭都只係得2卡!!而我同老公子太多行李,司機叫o左我o地坐火車頭!!!都幾得意呢!!
由於未出發前我已經plan晒行程中所有最快o既轉車方法, 所以每次轉車往往只有幾分鐘時間, 有時資料中無月台number我o地就要落車即搵牌望,希望盡快知道應該去邊個月台轉車,為免miss o左班車要等半個其至一個鐘咁耐,我o地次次都趕頭趕命勁緊張,有時時間緊迫到明明遠D有斜路可以拉gip落去都唔行,就咁托住行李上落樓梯,超級辛苦!!! 而家回想番,成個瑞士之類轉親火車都真係幾刺激o既...而且成個trip我o地真係無miss過一班車,都算幾成功....不過...我o地日日係咁托住行李趕車轉酒店地點都真係幾辛苦,亦令成個行程變得無咁enjoy...
Bye Bye美麗o既綠草!!
火車中途站見到有班好可愛o既Mexican 小朋友!!
Voralpen-Express, 由St Gallen開到Luzern,我開頭以為叫得express 即係又有靚景+英文導賞廣播,點知無呢!!
火車越近Luzern, 窗外d屋真係越'核突'..haha,或者咁睇...如果我一去瑞士就去Luzern,應該都唔會覺得呢度D屋唔靚吧!!
由於拖住件超級爛鬼大行李,所以我o地落車第一時間搵locker!!Luzern車站好大,行好遠好耐先搵到!!
放低行李,出發!!!
一出火車站好快就見到聞名o既卡佩爾橋!!o黎到呢個熱門景點,見番好多亞洲人,大城巿真係大城巿,同尋日D小鎮真係分別好大!!卡佩爾橋,垂死的獅子,教堂,城牆...例牌o既景點,我o地例牌咁影相,感覺麻麻地,好旅行團feel!!
去相!
卡佩爾橋 (Kapell Brucke)
我細佬曾經形容我聽呢條橋好多蚊,但我又唔覺呢!!
橋對岸景色!!
Luzern火車站!!
相右邊係Jesuit Church, 不過我o地無去參觀喇!!
原來呢度D屋都有壁畫,不過呢度d畫比起Appenzell o個d好似有d詭異咁o既???
咁多人o既??哦,原來賣Luxemburgerli, 我記得有blog友向我推介過話好好味!!!
haha,一粒粒顏色好鮮艷好吸引!!至於味道...可能我同老公子一向唔多好甜食,所以未至於話覺得一試難忘咁好味,不過都OK啦,最good係唔算太甜!!
垂死的獅子 (The dying lion of Luzern)
隻獅子比想像中大隻!!同埋,條尾真係不合比例地好長呀!!
行晒景點,我o地o係獅子附近一間華人開o既手信店買o左把125年特別版瑞士軍刀,老闆做9折俾我地,雖然無得刻名,但比出面公價平,又幾抵呢!!
臨走見到城牆,不過無咩興趣,因為三座城堡時都行過喇!!
番火車站拎番行李,又坐車出發,去瑞士首都伯恩Bern!!
yahoo blog真係可惡呀... 搞到你地第九日既行程冇左既??
回覆刪除你地一日之內去咁多地方好勁呀!! 我仲plan左Luzern住兩晚添... (不過係晚去早走果隻) 諗諗下我好似plan得去好少地方呀... 連Bern都冇計劃行程之內...
[SkyBlue回覆03/29/2010 17:01:00]o下??無左第9日行程咩???我自己仲見到o既???
haha,似乎我同你玩發好唔一樣...我絕對係走馬看花型...
一日之內穿過幾個省份, 好有效率
回覆刪除[SkyBlue回覆03/30/2010 09:59:00]係呀...走馬看花...
luxemburgerli... 要試試 sprungli 的呀! http://www.spruengli.ch/ 超好吃~ 你地拖著個喼遊幾個 city 都幾係嘢喎. 好在你搵到夠大的 locker!!
回覆刪除[SkyBlue回覆03/31/2010 10:30:00]噢,如果要試呢個牌子??噢,錯過左喇!!!
係呀,所以我成日話我o既瑞士之旅唔多似honeymoon,因為太辛苦...靚係靚,但太趕無咩心情去enjoy...有d浪費...
睇相都有好舒服寫意0既感覺~ 最鍾意最尾0個張~!!
回覆刪除[SkyBlue回覆04/07/2010 17:02:00]係呀,瑞士真係一個好舒服o既地方!!!有機會你帶卓B去,記得俾佢爬下草地,接觸下大自然呢!!
回覆刪除睇見個咁靚的草地, 令我好想SABE係上面玩，我就瞓係個草地上面, 好RELAX呢
[SkyBlue回覆04/07/2010 17:01:00]希望我o地下一個trip有呢D草地啦,係瑞士無訓過草地而家都有D後悔呢!!
係wo..冇左第三同第九日
回覆刪除[SkyBlue回覆04/07/2010 17:01:00]咦,第九日唔知點解變左做'只限自己'添,而家set 番喇 :)
有番第九日啦..唔該...
回覆刪除我想問係瑞士d火車班次密唔密?可以去邊到睇?
[SkyBlue回覆04/08/2010 11:02:00]http://fahrplan.sbb.ch/bin/query.exe/en
希望幫到你啦!
請問一下 Voralpen-Express 沿途風景靚唔靚, 聽聞架火車無廁所... 考慮緊坐佢或者先去 zurich 再轉火車. thanks~
回覆刪除[SkyBlue回覆04/12/2010 11:47:00]我覺得Voralpen Express 沿途D風景無咩特別咋,不過都可能係我坐架車無導賞廣播啦(我都唔知Voralpen Express其實係咪有廣播, 但我坐Bernina Express係有o既!), 所以我對沿途風景都無咩印像咋!!!
I totally agreed, Luzern is the least place that I want to stay, it was such a disappointment when i went there last year!
回覆刪除[SkyBlue回覆04/24/2010 18:16:00]yes, 俾我揀多次我都唔會去呀!!!!
朋友, honeymoon 是享受人生, 當然是希望一生得一次, 所以何必走馬看花, 好趕時間, 一方面要影相, 一方面要欣賞, ... , 下次自由行 (旅行)時, 要 enjoy 旅行的心情.
回覆刪除我當年亦是到此 honeymoon, 共12天, 但並不是到很多省份, 但每到一境點, 都可以慢慢欣賞 ...
請原諒我是多事之人.
[SkyBlue回覆05/01/2010 20:10:00]haha,唔多事唔多事, 多謝你留言就真!!!其實我都有d後悔瑞士行程搞到咁趕, 不過第一次去歐洲,去到當然想爭取去多d地方...anyway,如果他日有機會再歐遊, 我諗我一定會再到瑞士,特別係東北邊o既appenzell!!!!!
我買左本歐陸旅運西歐後篇 , 介紹luzern時都有講到十字軍刀, 本書仲話:曾有讀者在垂死獅子像的Lowenstrasse街上購買軍刀獲折扣優惠 , 唔通個讀書就系你地?哈哈~
回覆刪除[SkyBlue回覆05/20/2010 22:48:00]haha, 咁搞笑??咁你記得去到垂死獅子附近先買呢, 間舖係中國人開o架, 可能佢都會俾折你呢!!!
你好呀，我係search瑞士資料時搵到黎架....其實我原本plan左瑞士玩五日，其中三日係zermatt，但見你去到咁多地方又咁靚，令我決定改變行程...多謝你的資料呀!!!!
回覆刪除[SkyBlue回覆06/22/2010 00:08:00]唔使客氣呀!!!不過呢, 其實我個行程係超趕O架, 我去完其實唔多建議大家咁趕,, 所以你要自己平衡一下呀, 太趕真係好辛苦!!!