The hotel owner is very kind, give many useful information about the island to us and let us have free drinks, wines and free internet service, so we finally can get online and say hi to every dear blog friends!!!!
The day after tomorrow we will arrive Italy and Swiss, hope the experience there would be also that great as in Greece!!
See you!!!
我唔會帶notebook去旅行喇,不過會帶簿仔,希望有時間盡快寫低大日子同旅行點滴啦,我都好怕我開始唔記得大日子d o野!!!
尋日我Snapshot 攝影師Andersen send o左一張相俾我,張相好靚,好多謝佢!!希望番o黎可以好快收到大日子o既所有靚相啦!!
首先,連續幾晚執行李,由於honeymoon去十五日,三四年未出過門o既我於是執埋執埋一大堆唔要o既舊衫,方便邊著邊掉,旅行後期行李就可以減磅,點知俾老公子話我適應力咁低,點解要帶咁多件,帶少D可以手洗...
之後就係尋日,前日番工無早餐,好肚餓,於是夜晚買o左包尋日朝早食,點知...中午開始就肚痛,仲要疴足五六次,夜晚仲要執行李,都幾肯定係個碎蛋沙律包問題...認真有氣無力...
尋晚洗衫,我同老公子都唔識用部洗衣機,結果睇埋說明書都唔知點FING乾d衫同去水,搞到成點都唔掂,最終決定唔理D衫就咁訓,諗住第二朝D水會去晒...
點知今朝D水仲未去,我o地速手無策,唯有夾硬開個洗衣機蓋,等D水流到全廚房都係,再過水同用人手扭乾,再掠o係架上...不過人手扭又點'乾'到,結果滴水滴到廳o既地下都濕晒,但無法子,我o地又趕住要番工,唯有開大冷氣開埋抽濕機狂抽啦...唉,而家仲好擔心今晚番去D毛巾唔乾o架,如果唔乾,我就無毛巾去旅行喇...
唉...新生活真係難適應,今晚深夜就出發去honeymoon,未來無白飯無菜食o既日子,相信仲難適應,而且我仲幾肯定自己實執漏旅行用品...唉...大家祝我好運吧!!
P.S. 新生活中暫時唯一順利o既竟然係好難訓得好o既我,竟然連續幾日都一上床即訓得著,以前o係舊屋都唔可以,勁!!
婚後o係酒店訓得唔好,成晚無訓著過,尋日又左撲又撲還o野,真係成個殘晒,今日決定sick leave!!!
而家我o係我娘家,所以可以寫幾句同大家打個招呼,哈哈!!不過因為我未搬電腦去新屋,之後又要趕住執o野去旅行,相信我honeymoon番o黎7月中先有時間同各位詳細報導我o既大日子喇!!!唔好意思呀!!!
關於620,大至上我都幾enjoy,特別係開席後,不過,亂o既情況都真係有,搞到急性子o既我間中都有少少炆o既時候,但好多謝各兄弟姊妹幫忙,最後我都能好好enjoy!!
相方面,我見到facebook有d人tag o左我喇,我借o黎post 俾大家睇住先!!
哈哈,大家睇到嗎,我同一件婚紗有三個各有味道o既造型,化妝師Maggie果然勁呀!
尋日下午開始放假,係屋企執物資,順便執埋要搬去新屋o既日用品,夜晚同家人食飯,飯後同o係廚房'了'媽咪傾計,好似以往咁...心入面忽然諗起,呢兩日係最後同屋企人住o既日子,個心有d酸,之前同事問起我有無開始唔捨得屋企,我仲答人話無,主要仲係好期待同honey一齊住o既新生活,但尋晚o個刻開始,我先知,原來我都好唔捨得!!!
今朝醒o左,訓o係床度望住間房天花板,呢間房,我只會訓埋今晚,個心又係一陣酸,點算好呢...!!!
之前我一直好擔心我證婚march-in拖住我爸o係門外等march-in一刻會感動到喊,而家我懷疑我唔止呢刻會喊添...好驚會喊到好醜樣呢!!!
今日我仲要四出去呢度o個度,夜晚仲要油指甲,希望最後呢一o既忙碌可以令我唔好諗咁多住啦...如果再咁多o野諗,我今晚實訓得唔好呢!!!
最後最後,真係要好多謝咁多住有留言過俾我,鼓勵過我o既朋友同blog友,你o地陪我見證住我年半前到今日o既籌備點滴...
我明天要嫁人喇,大個女喇,再見單身生活喇,希望大家都祝福我同我honey,希望我唔好咁快變做管家婆、煮飯婆、黃面婆啦!!!!
大家認得個公仔嗎???無錯,就係我好耐之前提過(Honey o既藝術天份! ),honey畫俾我o既愛心公仔喇,嘻!!
=======================================================
同場加映我N咁耐之前o係淘寶網第一次買o野而失敗o既簽名布(簽名布出事了!!!)!!!我最後都係o係香港造多張!!!
首先睇下乜都無o既酒店帖!
到帖內文喇!我o地選擇o左加錢印紅色,d字的確sharp d,又襯番張帖o既色調,好彩圍數少,加錢印紅色字都係廿幾蚊,絕對值得!!
最後到DIY部份,印上fc620 logo!
DIY方式一直未有定案,直到某日上blog見到blog友提及位於中上環o既paperart,於是決定去了解一下!!
嘩,原來印章+膠水印台+凸粉+熱風槍效果原來咁靚,就咁決定!!
下一步,造fc620 logo印台!!由於logo構圖較為複雜,所以預計要做10x10cm大,去中環d巷仔問價,造一個咁大o既印章最少要$400,好貴,仲要未計凸粉印台風槍錢,加錢叫印帖公司印埋個logo都只係俾多$300左右,差點令我放棄DIY念頭!!
好彩,又係淘寶幫了我!!(好似賣廣告咁o既...)
我o係淘寶網搵到有賣家造印章,仲要同paperart一樣有凸粉,膠水印台同風槍賣,於是就二話不說幫襯了!
10x10cm印章: 125RMB (抵到爛!!)
紫色大印台+金色小印台: 15RMB + 6RMB
銀色凸粉 + 無色凸粉: 38RMB + 35RMB (後尾先知係paper art買凸粉原來平d,仲多好多選擇!)
打花器: 12RMB (不過話咁快俾我整爛o左!)
運費: 35RMB
http://shop34787667.taobao.com/
再去埋paperpart買多樽閃凸粉(~$35)同租一個星期熱風槍($50),成個DIY大約花o左近$400...再加埋印帖費,平均我花在每張帖o既錢為$5.35,貴唔貴值唔值,真係各人有各人睇法喇!!
在租來的熱風槍幫助下,雖然一天就印好所有囍帖(比想像中快!),不過過程比想像中辛苦,logo效果亦未如想像般理想(可能因為我的logo印台太大,難於平均印上顏色!),花時間之餘收到o既賓客亦未必會明白背後心思(辛酸先o岩...),其實都有d後悔DIY,早知叫印帖公司代勞更實際...
好彩,o係各位收帖人士俾面下,張帖得到唔少讚美同掌聲,總算係一點安慰...不過,如果俾我再揀,我諗我都唔會DIY喇...哈...
咁掉番轉,我honey又使唔使斟茶俾我細佬妹呀?????????????????
其實我都好希望可以叫大家出席我大日子o架,但我場地有限,證婚時間又近開席時間,所以真係無辨法邀請大家...真係有d可惜!!
不過!!!放心啦!!!大家都知我一向長氣,我大日子(可能要honeymoon後都未定!!)後一定會造一個長詳盡o既report分享我大日子俾大家知o架!!!大家要繼續o黎探我呢!!!
我到而家仲未執當日物資,rundown都仲未finalize send俾各兄弟姊妹同vendor...help...
下午四點同未來99去沙田買金器,今日金價9320,係呢兩星期以o黎比較低o既一日,唯有當係好彩!!!
左睇右睇,過程順利,感覺上都好快揀到,但原來前後都睇o左超過兩個鐘!!!花鍊係我大半年前金價73XX時睇中,好彩今日仲有,呢條鍊我真係好鍾意,開頭仲怕金價咁貴未來99會只買金鈪,估唔到佢會買埋花鍊俾我呢!!好開心,多謝未來99!!
夜晚趕出西九龍搵MUA Maggie Yeung揀飾物同傾一傾當日rundown,老實講,佢D飾物麻麻o地,無CDL咁靚,唯有期待佢到時巧手將我扮到最靚啦!!!
P.S. 是晚為食同honey買o左兩支甜筒,點知其中一支即掀即中送多支甜筒,於是食o左三支,點知呢支又即掀即中送多支...如果唔係仲未過大日子,我同honey一定繼續食到無得送為止,哈哈!!
1. 一早去旅遊展,收獲十分豐富,拎o左希臘同瑞士o既旅遊資料,希臘資料唔算多,亦無咩用,但瑞士就有N咁多份資料,比旅行社多好多,但亦因為太多,我唯有係唔係都拎o左先,都唔知係咪o岩用!!
2. 去o左酒店試碟,原來酒店播到MP3碟,實在太好,唔使分開兩隻Background Music 碟(雖然我已經燒o左!!)
3. 去o左Shopping,呵呵,TST間H&M開o左,好大呢,終於同honey買o左一人一副黑超去旅行!!
4. 去CDL Final Fitting同揀飾物!!再一次著起620戰衣,感覺好正,不過其中一件戰衣要真zone上陣,今日無戴nu bra效果麻麻,但我媽又話OK,如果唔係會太誇張,搞到我都唔知正日當日戴唔戴nu bra好...
5. 婆婆生日飯!!食到11點先走,番到屋企沖埋涼好夜...近一點先訓...噢...
===========================================================
另外,呢兩日仲收到兩份好美好o既結婚禮物!!!
首先係我爸爸o既同事o既禮物!!
另外就係今朝一早收到第一輯婚照攝影師Michael Law留言,話佢keep主我無揀到o既相都無用,話倒不如俾番晒我大家開心,所以,我今朝一早就過海拎埋隻相CD,入面有晒full resolution我無買到o既相,實在好開心,好多謝Michael咁好人呢!!
