DIY囍帖 (倒數3日)

朋友們都收晒帖,係時候分享一下喇!!

首先睇下乜都無o既酒店帖!

好開心,萬麗海景酒店呢張帖真係好靚,清清地好grand,仲要咁o岩係紫紅色,都幾match我o地theme color!

到帖內文喇!我o地選擇o左加錢印紅色,d字的確sharp d,又襯番張帖o既色調,好彩圍數少,加錢印紅色字都係廿幾蚊,絕對值得!!

最後到DIY部份,印上fc620 logo!

DIY方式一直未有定案,直到某日上blog見到blog友提及位於中上環o既paperart,於是決定去了解一下!!

嘩,原來印章+膠水印台+凸粉+熱風槍效果原來咁靚,就咁決定!!

下一步,造fc620 logo印台!!由於logo構圖較為複雜,所以預計要做10x10cm大,去中環d巷仔問價,造一個咁大o既印章最少要$400,好貴,仲要未計凸粉印台風槍錢,加錢叫印帖公司印埋個logo都只係俾多$300左右,差點令我放棄DIY念頭!!

好彩,又係淘寶幫了我!!(好似賣廣告咁o既...)

我o係淘寶網搵到有賣家造印章,仲要同paperart一樣有凸粉,膠水印台同風槍賣,於是就二話不說幫襯了!

呢d就係o係淘寶網上買番o黎o既工具喇!!

10x10cm印章: 125RMB (抵到爛!!)
紫色大印台+金色小印台: 15RMB + 6RMB
銀色凸粉 + 無色凸粉: 38RMB + 35RMB (後尾先知係paper art買凸粉原來平d,仲多好多選擇!)
打花器: 12RMB (不過話咁快俾我整爛o左!)
運費: 35RMB
http://shop34787667.taobao.com/

再去埋paperpart買多樽閃凸粉(~$35)同租一個星期熱風槍($50),成個DIY大約花o左近$400...再加埋印帖費,平均我花在每張帖o既錢為$5.35,貴唔貴值唔值,真係各人有各人睇法喇!!

在租來的熱風槍幫助下,雖然一天就印好所有囍帖(比想像中快!),不過過程比想像中辛苦,logo效果亦未如想像般理想(可能因為我的logo印台太大,難於平均印上顏色!),花時間之餘收到o既賓客亦未必會明白背後心思(辛酸先o岩...),其實都有d後悔DIY,早知叫印帖公司代勞更實際...

好彩,o係各位收帖人士俾面下,張帖得到唔少讚美同掌聲,總算係一點安慰...不過,如果俾我再揀,我諗我都唔會DIY喇...哈...