今個星期進展算順利,搞掂o左MC Script,簽名筆等簡單手作仔都搞掂,新屋地櫃又送到(間屋終於似樣喇!),仲終於買埋honeymoon o既火車證同旅遊保險,仲book o左其中一程post bus添,其實agent話呢程可以唔book o架,但呢程巴士一日得一班,巴士座位有限,就算係得好少機會會full,我都真係唔敢冒險,於是又俾多幾舊出去喇...!!!
o黎緊仲要努力o既仲有:
婚宴音樂
編坐位
pack物資
仲有無數濕碎o野買
努力!!
P.S. 今日o係新屋諗住收埋部抽濕機時竟然唔記得倒番d水就訓部機落床下底,結果...成間睡房水汪汪,嚇到我大叫...好彩放o係床下底o既其他物件未受影響,不過床下底D木板就要拎起晒o黎抺,之後仲要打開張床開抽濕機狂抽間房...忽然好慶幸張床o既木唔差,又係油壓床,如果唔係真係不磡設想!!
下次唔好咁唔小心勒﹗
回覆刪除你個度都要用抽濕機？真係估唔到
[SkyBlue回覆06/09/2009 09:29:00]其實唔太濕,但上年吉屋時因為樓上開冷氣再加潮濕,我天花發晒霉,我怕早排四五月黃梅天時因為我間屋無人住,又會發生呢個情況,所以我會每星期開抽濕一次,keep住室內唔太濕囉!!
就係因為唔太濕,諗住唔用o架喇,點知就唔記得倒番D水出o黎...又要再抽多次!!
你困到好潮濕嗎?
回覆刪除[SkyBlue回覆06/09/2009 09:28:00]其實唔太濕,但上年吉屋時因為樓上開冷氣再加潮濕,我天花發晒霉,我怕早排四五月黃梅天時因為我間屋無人住,又會發生呢個情況,所以我會每星期開抽濕一次,keep住室內唔太濕囉!!