首先,連續幾晚執行李,由於honeymoon去十五日,三四年未出過門o既我於是執埋執埋一大堆唔要o既舊衫,方便邊著邊掉,旅行後期行李就可以減磅,點知俾老公子話我適應力咁低,點解要帶咁多件,帶少D可以手洗...
之後就係尋日,前日番工無早餐,好肚餓,於是夜晚買o左包尋日朝早食,點知...中午開始就肚痛,仲要疴足五六次,夜晚仲要執行李,都幾肯定係個碎蛋沙律包問題...認真有氣無力...
尋晚洗衫,我同老公子都唔識用部洗衣機,結果睇埋說明書都唔知點FING乾d衫同去水,搞到成點都唔掂,最終決定唔理D衫就咁訓,諗住第二朝D水會去晒...
點知今朝D水仲未去,我o地速手無策,唯有夾硬開個洗衣機蓋,等D水流到全廚房都係,再過水同用人手扭乾,再掠o係架上...不過人手扭又點'乾'到,結果滴水滴到廳o既地下都濕晒,但無法子,我o地又趕住要番工,唯有開大冷氣開埋抽濕機狂抽啦...唉,而家仲好擔心今晚番去D毛巾唔乾o架,如果唔乾,我就無毛巾去旅行喇...
唉...新生活真係難適應,今晚深夜就出發去honeymoon,未來無白飯無菜食o既日子,相信仲難適應,而且我仲幾肯定自己實執漏旅行用品...唉...大家祝我好運吧!!
P.S. 新生活中暫時唯一順利o既竟然係好難訓得好o既我,竟然連續幾日都一上床即訓得著,以前o係舊屋都唔可以,勁!!
唔駛怕, 你地同屋企住得咁近，要返去食飯一定無問題。
回覆刪除離開左屋企，樣樣野要自己做番, 你當好似以前住HALL咁啦﹗慢慢會適應架勒，唔駛唔開心﹗
[SkyBlue回覆06/25/2009 14:45:00]哈哈,睇怕去完HONEYMOON番O黎再settle down同執屋,都要八月先真正叫適應到新生活喇!!!放心啦,我估到我上機一刻就會興奮番晒喇,因為到時擔心執漏野都無用LU!!!!YEAH!!
哇... 做乜呢度d 烏氣咁大呀~~ 傻之之~~ 有得去旅行vo... 仲去15 days tim~~ 開心屎啦~~!!!
回覆刪除而家d 洗衣雞好userfrdly ga vo.. 雞本按個掣就得~~ 係咪壞左?!?!?!
唔好理啦~~ 快d 叫"爸爸, 爸爸"啦~~ 留低條匙... 相信去完樹week 樹week 返黎就搞得掂ga la~~
玩得開心d 呀~~!!!!!
[SkyBlue回覆06/25/2009 14:48:00]部機係上手屋主十年前入伙間屋包O架,佢話仲郁,望落仲幾新咁,我咪要囉,點知會唔識用...我問我爸,佢話估係個去水位塞左喎...希望可以搞得番掂啦!!! (你講得o岩呀,一有時就'爸爸, 爸爸'....哈哈...希望第二時有時係叫'老公, 老公'...)
放心放心,我呢D烏氣相信一上機就無o架喇,因為到時擔心執漏野都無用LU!!!!YEAH!!
無左屋企人照顧o既日子係 lei heir d，最慘都係無住家飯食，自己煮又煩...
回覆刪除快d 搞清楚部洗衣機點用啦
[SkyBlue回覆06/25/2009 14:49:00]係呀,短短幾日,我已經成日好想食'菜'...出街食都真係無咁健康...希望去歐洲D食物唔係想像中咁差啦...
我去旅行有時都會帶d要丟的舊衫, 但要影相靚, 所以都係帶d新淨的~帶漏野唔緊要啦, 去到先買~
回覆刪除我就唔敢將個洗衣機放水喇....可能洗衣機壞左?
[SkyBlue回覆06/25/2009 14:51:00]都係O架,我都想帶新衫影相,但今次實在太趕喇,我都無時間諗點配襯D衫...去希臘D衫還好...去瑞士D長袖衫我真係求其拎,都未必match到我下半身D裙同褲...好求其...希望影相唔太核突啦!!
洗衣機唔知咩事,我爸估係去水位塞左喎...希望搞得掂...唯有靠爸爸幫忙先!!
慢慢o黎啦靚太 , 記得玩得開心d , 咩都唔好諗啦~~~~
回覆刪除玩得開心d啦 , 唔好諗太多住啦 , 比d時間自己啦 , 岩岩結左婚一定要慢慢去習慣架 , 努力呀 , 你實得嘅..........
回覆刪除慢慢黎啦, 我最初都有好多野唔慣, 所以病左個幾兩個月, 過多幾個月就會慣了...
回覆刪除以前有屋企人照顧, 而家起居飲食要自己包辦, 係辛苦架, 不過人要成長.....你一定做到既 !!
我去HONEYMOON 時係冬天, 唔記得帶 CREAM, 旅行果幾日都買唔到, 要去溫泉個 TOILET "TAK"野先有得用JAR, 仲有, 我連雪鞋都唔記得帶, 雙腳凍足幾日, 幾痛呀 !!
回覆刪除祝你地玩得開心D !!