我同老公子拍拖10年,佢咩生活習慣我當然相當了解,但始終唔係一齊住,佢鍾意做夜鬼對我呢個生活好有規律o既'難'訓豬當然無影響!
而家就唔同喇,之前都話去旅行無夜生活無電腦甚至無電視,朝朝又要早起趕行程所以迫住十一點幾十二點就訓!而家番到香港,唔係去我媽就係去奶奶度食飯,番到屋企成十一點,沖埋涼再開電腦續d續d埋結婚d數已經近一點,上床訓,老公子覺得'好早',仲猛'了'我傾計,而家只係過o左幾日,我留意到我越o黎越唔係狀態,以前番工坐車唔會訓得著,而家朝早都hup到,就連番工都好想釣魚,可想而知我幾眼訓...
我朝朝要7點起身o架,再咁落去,真係會影響工作,呢幾晚我已經無心機再同老公子傾計,一上床就想訓,我唔想之後我都係咁一上床就唔想同老公子傾計呀,所以真係好希望好希望所有o野盡快可以settle down,我好想過番d比較貼近我舊習慣o既生活呀!
沒有留言:
張貼留言